Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Kitshickers, We Knew John Doe & Ihsahn

Kitshickers

D’Kitshickers sinn an der alternativer Musekzeen zu Lëtzebuerg jo quasi eng Institutioun. Schonn iwwer 15 Joer sti si op der Bühn a 6 Albumen hu se well dobaussen. Dee 7. ass grad an der Maach an iwwert deen, respektiv iwwert hir nei Crowdfunding Campagne op pledgemusic.com huet den David Wagner mat hinnen am Interview vun der Woch geschwat. Dobäi hu si eng grouss Iwwerraschung ugekënnegt... Wann Dir si also wëlt am Virfeld ënnerstëtzen, surft laanscht op http://www.pledgemusic.com/projects/kitshickers2016.

We Knew John Doe

Si haten eis d’lescht Woch bëssen ugeschass. We Knew John Doe, mat hirem “we back” op Facebook, fir dann net laang duerno ze soen, datt et en Abrëllsgeck war. Wie sech Hoffnunge gemaach huet an enttäuscht gouf, dee kann awer opootmen. Et gëtt se nämlech tatsächlech erëm, wéi si dës Woch op Facebook ugekënnegt hunn. An zwar mat folgenden Detailer:

Virun e puer Méint well ass d’Entscheedung getraff ginn, d’Band nees zum Liewen ze erwächen. De fréiere Grënnungsmember a Gittarist vu Mindpatrol Xavier Hoffman ass nees mat dobäi, d’selwecht wéi d’Bassistin vu Mindpatrol Sandy Moschetti, en zweete Gittarist gëtt et net méi. Dat wäert dozou bäidroen, datt méi Syntheziser benotzt ginn an datt d’Musek méi progressiv wäert sinn. Den éischte Gig ass de 14. Mee an der Mix N Kava Bar um Belval. Ënnert dem schéine Wuertspill Metallorgy trieden deen Owend  An Apple A Day op, Retrace My Fragments, Mindpatrol an natierlech We Knew John Doe.

Album vun der Woch: Ihsahn - Arktis (8/10)

Mat Dissassembled, Mass Darkness a My Heart is of the North fänkt den Album un a weist engem vun Ufank un a wéi wäit sech den neien Album vun deene virëschten ënnerscheed. Déi 3 Lidder gi vun hire Riffer gedroen, déi meescht dovunner zimlech catchy. Allerdéngs ass alles vill méi Bass laaschteg an de Sound erënnert éischter un ee 70s Fuzz, wéi un den Overdrive, wéi een en aus dem Metal gewinnt ass. Mass Darkness - fir dat et och well e Video gëtt, a wuel als Single erauskoum - fänkt mat epeschen Harmonien an engem pakende Chorus un a léisst duerno dem thrashege Power fräie Laf, sou datt ee sech effektiv virkënnt, wéi wann ee géif an der Donkelheet verschwannen.

A propos 70s. Den Ihsahn huet och eng interessant Kombinatioun fäerdeg bruecht tëscht klasseschem Emperor Black Metal Geshreds, éischter méi klasseschem Metal  an enger Hammond Uergel….

Mat Arktis huet den Ihsahn deemno en Album geschriwwen, an deem zwar wuel den Thrash, d’Riffer an déi cruncheg Produktioun dominéieren, ma deen awer wuel fir seng Progressivitéit wäert an Erënnerung bleiwen. Dëst progressiivt Gefill entsteet nämlech net nëmmen duerch d’Hammond Uergel an den deels verzwickte Songwriting, mä och duerch déi atmosphäresch roueg Momenter

Arktis ass deemno voll mat interessante Lidder, déi tëscht haart a lues ofwiesselen an an déi vill verschidden Elementer a Stiler mat agefloss sinn. De Sound ass eventuell bëssen ongewinnt, virun allem, wann een de Kënschtler just als Frontmann vun Emperor kennt, mä dem David Wagner senger Meenung no ass dësen Album all Cent wäert.

E perfekt Beispill fir dës Ofwiesslung an d’Dynamik vum Album ass iwwregens och Celestial Violence, wat eent vun deene staarkste Lidder um Album ass.

Agenda

MooFest @ Kufa, Esch

Metal meets Reggae @ Rëmelenger Stuff, Rëmeleng

Kyrenee @ Café Little Woodstock, Iernzen

Playlist

Emperor - Curse You All Men (IX Equilibrium, Candlelight Records)

Desaster - End Of Tyranny (The Oath Of An Iron Ritual, Metal Blade)

Kitshickers - nfr (Horror Vacui, Independant)

Filter - Mother E (Crazy Eyes, Wind-Up Records)

We Knew John Doe - Our Blood Is The Ocean (A Prophecy, Independant)

Aborted - Retrogore (Retrogore, Century Media)

Ihsahn - Celestian Violence (Arktis, Spinefarm Records)

Sour Vein - Ocypuss (Aquatic Cult, Metal Blade)

Scarlet Anger - The Abominable Master Gruesome (Freak Show, Hänsel & Gretel)

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen