Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Metal Meltdown goes Aborted

Metal Meltdown goes Aborted

An dëser Sendung beweisen ech mat der Musek, déi lafe wäert, eemol, dass et effektiv déi brutaalste Sendung am Lëtzebuerger Radio ass. Den 22. Abrëll kënnt den neien Aborted Album Retrogore eraus an an deem Zesummenhank maache mer e Special iwwert déi belsch Death Metal Band. Mir maachen en Tour duerch hir Discography, et gëtt en Interview mam Frontmann Sven de Caluwé, an deem mer ënnert anerem iwwert den neien Album an iwwert Horrorfilmer a Serie schwätzen an et gëtt natierlech och e Review vum neien Album.

Album vun der Woch: Aborted - Retrogore (8.5/10)

Den Album vun der Woch kënnt dës Kéier natierlech vun Aborted. Retrogore ass haut erauskomm an et ass ewell den 9. Studioalbum a kuerz gefaasst kann ee just soen: Retrogore ass Aborted; Aborted si Retrogore. Wuel keng aner Death Metal Band ass méi Retro a méi gore, wéi Aborted. Hir Lidder sinn dreckeg an drëpse just sou mat den Ënnereie vun de Leit, déi si grad verbal geschluecht hunn. Sou kennt een d’Band zënter 20 Joer an dat ass och op Retrogore net anescht.

Ech kéint natierlech lo op all eenzelt Lidd agoen, mä dat mécht net vill Sënn. Retrogore ass einfach nëmme wéi gewinnt extreemst brutal, onkompromësslos straight-forward an einfach nëmme gewalteg. Retrogore ass am Fong déi logesch Weiderentwécklung vun der Band. Sou Lidder, wéi Cadaverous Collection oder Forged for Decrepitude klappen onbaarmhäerzeg op een an, fett Riffer a vigouréis Soloen, bei deenen alt nees e Krack méi lues getrëppelt gëtt, rappen ee mat a suerge fir Hengerhaut

Gory ass d’Band also wéi gewinnt, ma Retro ass se net nëmmen, well d’Horrorfilmer aus dem 80er nees als Leitmotiv gegollt hunn, mä well d’Band och bëssen an hir eege Geschicht wulle geet an esou all Elementer, déi d’Band jee ausgemaach hunn, matenee verbënnt. Dat geet also vun techneschem Geshreds iwwer brutale Grind bis hin zu de méi groovegen Deeler

Leider gëtt et op Retrogore awer och nees eng Parti Lidder, déi menger Meennung no bëssen iwwerflësseg eriwwer kommen, well se net vill Momenter hunn, déi ervirstiechen, an iergendwéi nëmmen einfach sou mat drop gepak goufen, fir d’Zäit ze fëllen. Dat ass awer och den eenzege Grond, firwat dësen Album keng 10/10 kritt. Fir de Rescht ass Retrogore en Aborted Album, wéi e si soll

Agenda

Metalfestival Koplëscht Warm Up @ Plectrum Bar, Schlammestee

Playlist

Aborted - The Sanctification of Fornication (The Puritiy of Perversion, Uxicon)

Aborted - The Holocaust Incarnate (Engineering the Dead, Listenable)

Aborted - Charted Carnal Effegy (Goremageddon: The Saw and the Carnage Done, Listenable)

Aborted - Blood Fixing The Bled (The Archaic Abattoir, Listenable)

Aborted - Retrogore (Retrogore, Century Media)

Aborted - Avenious (Slaughter & Apparatus: A Methodical Overture, Century Media)

Aborted - Ophiolatry on a Hemocite Platter (Strychnine.213, Century Media)

Aborted - Vermicular, Obscene, Obese (Global Flatline, Century Media)

Aborted - Coffin Upon Coffin (The Necrotic Manifesto, Century Media)

Aborted - Termination Redux (Retrogore, Century Media)

 

Rezent Emissiounen

  • Miles to Perdition & Scarlet Anger

    Miles to Perdition vertriede Lëtzebuerg dëst Joer um Musek Open Air Festival Wacken.

  • Metal vs. Cancer

    Och an der Metalzeen gi regelméisseg Concerte fir de gudden Zweck organiséiert.

  • Scarlet Anger

    Den neien Album vun de lokalen Thrasher Scarlet Anger, deen d'Band um Metalfestival zu Koplescht presentéiert.

  • Metal Meltdown goes Entombed (A.D.)

    Am Metal Meltdown dréint sech dës Kéier alles ëm Entombed A.D.. Et gëtt en Interview mam L.G. Petrov an e Review vum neisten Album Dead Dawn, deen Enn Februar erauskomm ass.

  • Nordic Rock & Sleepers' Guilt

    An der Emissioun Metal Meltdown geet et haut ënnert anerem ëm den Nordic Rock, dem Metal- a Rockfestival, deen all Joer am Norde vum Land stattfënnt, an dir kritt déi nei CD vu Sleeper’s Guilt virgestallt. Eng Emissioun vum David Wagner.

  • Metal Meltdown goes Machine Head!

    Och wann hire Concert dës Woch huet missen ofgesot ginn: Machine Head sinn Headliner am Metal Meltdown!

  • Sleepers' Guilt & The Majestic Unicorns From Hell

    Haut schwätzt den David mat de Museker vu Sleepers Guilt iwwert hiren neien Album a stellt iech och den neien Album vun de Majestic Unicorns From Hell vir.

  • Soleil Noir, Everwaiting Serenade & Fleshgod Apocalypse

    Am Metal Meltdown geet et haut ënnert anerem ëm eng speziell Serie vu Concerten am Mudam, et gëtt Neiegkeeten aus der lokaler Zeen an den Agenda vun den nächste Concerten.

  • The Majestic Unicorns From Hell, Sleepers' Guilt & Spoil Engine

    Am Metal Meltdown gëtt haut en Tour de Table ronderëm de Metal Battle gemaach an am Interview stellen The Majestic Unicorns From Hell hiren neien Album vir.

  • Exposer, Borknagar & Machine Head

    An der Emissioun Metal Meltdown stellt den David Wagner haut eng nei lëtzebuerger Band vir an et ginn Tickeën ze gewannen fir den ausverkaafte Concert mat Machine Head de 17. Februar am Atelier.

  • Lemmy, Motörhead & Aborted

    D'Aktualitéit aus der Lëtzebuerger Metal Zeen, Réckbléck op dem Lemmy säi Begriefnis, d'Metal Release vun der Woch an den Agenda mat den nächste Concerten.

  • Metal Battle 2016 & Do You Even Metal?

    D'Aktualitéit aus der Lëtzebuerger Metal Zeen, de Metal Battle vum 19. März, d'DVD "Do You Even Metal?", déi et ze gewanne gëtt an den Agenda mat den nächste Concerten.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen