Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Elysian Gates & Korn

Metal Album vun der Woch: Elysian Gates - Crossroads (7,5/10)

D’lescht Woch ware se am Studio fir bësse Reklamm fir d’Release vun hirem neien Album ze maachen, déi lescht Deeg hunn ech mir Crossroads vun Elysian Gates bëssen ugelauschtert an dat ass haut eise Metal Album vun der Woch.

Dat éischt, wat opfält, ass den Titel an de Cover vum Album, deen a genee déi selwecht Richtung geet. Aus Destination Unknown ass Crossroads ginn, wat eng ähnlech Conotatioun huet, um Cover ass nees eng Kräizung mat Schëlder, déi no riets an no lénks weisen an an der Mëtt, elo net méi de Jong, deen net weess, wouhin, mä e jonke Mann, deen net weess wouhin. D’Geschicht geet also weider, ma musikalesch huet sech sou munches gedoen.

Zum engen, dat hutt der jo scho matkritt, hunn Elysian Gates kee Sänger méi, mä eng Sängerin. Aus dem Andy ass d’Noémie ginn. Et ass allerdéngs engersäits schued, dass aus dem Sänger eng Sängerin ginn ass, well dat am Fong typesch fir Symphonic Metal Bands ass, an et u sech interessant war, mol e männleche Sänger an esou enger Band ze hunn, och wann Elysian Gates fréier nach manner symphonesch waren, ma anerersäits huet d’Noémie nieft dem cleane Gesang e weideren Aspekt matbruecht, deen déi nei Elysian Gates dann nees e Krack méi interessant maachen, nämlech seng Growls.

Dat symphonescht ass et iwwregens, wat engem nach opfält. D’Band gouf zwar well ëmmer als symphonesch Metal Band ugesinn, war fréier awer méi progressiv an ass elo e gudde Krack méi symphonesch ginn a bréngt doduerch eng gewëssen Grandeur mat an d’Spill.

Méi symphonesch, manner progressiv. Dat bréngt et mat sech, dass d’Lidder allgemeng och méi kuerz gi sinn. Zwar gëtt et nach ëmemr Stécker, déi méi laang sinn, wéi 3 Minutten, ma sou en Epos wéi Seven Angels, wat, wann ech mech richteg erënneren, iwwer 15 Minutte laang war, gëtt et net méi. Vill gëtt et dofir awer dës kéier un Catchiness, Agängegkeet a Radiotauglechkeet. Ob dat allerdéngs vill hëlleft, dass si op méi Radiosendere gespillt ginn, bezweifelen ech.. Op alle Fall net hei am Land. ausser natierlech op de fräie Statiounen a bei mir..

Korn Gewënnspill

Um Dënschdeg, 31. Mee si Korn nees an der Rockhal.

Bock drop Korn gratis kucken ze goen? Kee Problem, ech verschenken eng Koppel Tix. Fir ze gewanne musst dir just dee Post op menger Facebook Säit deelen. Ganz wichteg: Dir musst en ëffentlech deelen an net nëmmen ënnert äre Frënn.. Déi nächst Woch e Méindeg, den 30. Mee um 4 Auer gëtt de Gewënner erausgepickt an ugekënnegt

Playlist

Megadeth - Holy Wars...The Punishment Due (Rust in Peace, Capitol Records)

Death Angel - Lost (The Evil Divide, Nuclear Blast)

Lacuna Coil - The House of Shame (Delirium, Century Media)

Gojira - Stranded (Magma, Roadrunner)

Revocation - Communion (Great is our Sin, Metal Blade)

Carnifex - Drown me in Blood (Slow Death, Nuclear Blast)

Opeth - The Night and the silent Water (The Roundhouse Tapes, Peaceville Records)

The Order of Israfel - Swords to the Sky (Red Robes, Napalm Records)

Elysian Gates - Broken Inside (Crossroads, Independant)

Korn - Ball Tongue (Korn, Immortal / Epic)

 

Rezent Emissiounen

  • Metal Meltdown goes Machine Head!

    Och wann hire Concert dës Woch huet missen ofgesot ginn: Machine Head sinn Headliner am Metal Meltdown!

  • Sleepers' Guilt & The Majestic Unicorns From Hell

    Haut schwätzt den David mat de Museker vu Sleepers Guilt iwwert hiren neien Album a stellt iech och den neien Album vun de Majestic Unicorns From Hell vir.

  • Soleil Noir, Everwaiting Serenade & Fleshgod Apocalypse

    Am Metal Meltdown geet et haut ënnert anerem ëm eng speziell Serie vu Concerten am Mudam, et gëtt Neiegkeeten aus der lokaler Zeen an den Agenda vun den nächste Concerten.

  • The Majestic Unicorns From Hell, Sleepers' Guilt & Spoil Engine

    Am Metal Meltdown gëtt haut en Tour de Table ronderëm de Metal Battle gemaach an am Interview stellen The Majestic Unicorns From Hell hiren neien Album vir.

  • Exposer, Borknagar & Machine Head

    An der Emissioun Metal Meltdown stellt den David Wagner haut eng nei lëtzebuerger Band vir an et ginn Tickeën ze gewannen fir den ausverkaafte Concert mat Machine Head de 17. Februar am Atelier.

  • Lemmy, Motörhead & Aborted

    D'Aktualitéit aus der Lëtzebuerger Metal Zeen, Réckbléck op dem Lemmy säi Begriefnis, d'Metal Release vun der Woch an den Agenda mat den nächste Concerten.

  • Metal Battle 2016 & Do You Even Metal?

    D'Aktualitéit aus der Lëtzebuerger Metal Zeen, de Metal Battle vum 19. März, d'DVD "Do You Even Metal?", déi et ze gewanne gëtt an den Agenda mat den nächste Concerten.

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen