Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Andy Rehfeldt & Candlemass

Andy Rehfeldt

Den amerikanesche Youtuber Andy Rehfeldt huet viru knapp 6 Joer e puer Millioune Klicks fir eng Cover Versioun vu Slipknot hirem "Wait and Bleed" kritt. Den Trick: Hien huet aus dem brutale Lidd eng sougenannte Radio Disney Versioun gemaach. D'Aggressivitéit huet hien aus der Musek geholl andeems hie clean gesongen huet an och d'Lidd mat cleane Gittaren an an enger anerer, méi frëndlecher Gamme gespillt huet. An der Tëscht huet den Andy Rehfeldt eng ganz Parti där Videoen op Youtube an huet dofir och well mat engem Lëtzebuerger Sänger zesummegeschafft. Den Andy Rehfeldt ass dem David Wagner säin Invité.

CD vun der Woch: Candlemass - Death Thy Lover EP (8/10)

Nodeems déi schwedesch Doom Legende Candlemass dëst Joer well eng Plack am Kader vum Record Store Day, eng Sammlung vu raren an onverëffentlechte Stécker an eng DVD vun hirer Show am Dynamo am Joer 1988 an e Buch erausbruecht hunn, ass haut och eng nei EP erauskomm.

Death Thy Lover, sou heescht dat gutt Stéck, ass am Fong e weideren Deel vun deem Ganzen, wat d’Band dëst Joer gemaach huet, fir den 30. Jubiläum vun hirem Debutalbum Epicus Doomicus Metallicus ze feieren.

An d’EP mat 4 Tracks fillt sech bëssen un, wéi soll et och anescht sinn, wéi en Hommage u Black Sabbath, a Form vun 3 Stécker mat nawell theatralesche Vocals an engem ultra schwéieren instrumentale Lidd. An anere Wieder, et ass quasi alles sou wéi ëmmer, och wann net méi all d’original Membere vun der Band hautesdaags dobäi sinn: richteg doomeg an awer melodesch.

Heiansdo och bësse pupeg, virun allem wann et ëm d’Texter geet, déi bësse vill Klischeeën erfëllen (“Did you know you’re the devil’s own child?”); an Deels souguer poppeg.

Dobäi gëtt et awer och genuch Momenter, wou Candlemass nees richteg däischter an epesch ginn.

Alles an allem kann ee soen, datt Death Thy Lover am Fong ganz gutt an all Candlemass Sammlung passt. E weidert monumentaalt, awer leider bësse kuerzt Wierk vun de Schweden. Vläicht ass et jo awer och just e Virgeschmaach op en nächsten Album? Mol kucken.

Agenda

Puscifer @ Rockhal, Esch Belval

Megadeth @ Rockhal, Esch Belval

Hatebreed @ Atelier, Stad

Playlist

Cannibal Corpse - Stripped, Raped and Strangled (The Bleeding, Metal Blade)

Highfighter - Darkest Days (Scars & Crosses, Svart Records)

Dark Funeral - Unchain my Soul (Where Shadows Forever Reign, Century Media)

Metallica - Enter Sandman (smooth jazz version)

Switchblade - P.O.G. ([2016], Denovali)

Exodus - Blood in Blood out (Blood In, Blood Out, Nuclear Blast)

Prong - Without Words (X - No Absolutes, Steamhammer)

Candlemass - Death Thy Lover (Death Thy Lover, Napalm Records)

Megadeth - Dystopia (Dystopia, Tradecraft)

Rezent Emissiounen

  • Metal Meltdown

    Kennt dir scho Coffin Curse aus Chile oder déi international Band The Bastard Within? Nee? Da lauschtert eran.

  • Metal Meltdown

    Neits aus der Metalwelt

  • Metal Meltdown

    Neits aus der Welt vum Metal.

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

Programm

Net verpassen

  • Suicidegefor am Alter: En Tabuthema

    Suicidegefor am Alter.png

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen