Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Anger Fest & Allegaeon

Anger Fest

De 24. September ass déi éischt Editioun vum Anger Fest. Dat ass en neie Metal Festival fir de gudden Zweck an der Kufa; op deem souwuel lokal Bands spillen, wéi och international Acts. Am Interview erkläert de Matgrënner vum Festival, den Alain Flammang vu Scarlet Anger a Sreaming Skull, wat de Sënn an Zweck vun dësem Benefizfestival ass, wien dëst Joer alles mat dobäi ass a wéi si d'Bands iwwerhaapt erausgesicht hunn.

Album vun der Woch: Allegaeon - Proponent For Sentience (9/10)

Puer Lidder vun hirem neien Album hu se well erausbruecht, déi huet den David Wagner hei och scho gespillt. Den 23. September kënnt de 4. Album an den éischten Album mat neiem Sänger vun den amerikaneschen Death Metaller Allegaeon eraus a "Proponent For Sentience" ass dës Kéier den Album vun der Woch.

An et kann een direkt feststellen, mä dat huet een och scho bei de Stécker, déi well erauskomm sinn, datt den neie Sänger Riley McShane perfekt zum Gesamtsound vun der Band passt, just op enger Plaz huet en den David Wagner bëssen iwwerrascht, mä dozou spéider méi. Also en ënnerscheed sech scho genuch vu sengem Virgänger, datt ee mierkt, datt et en Neien ass, mä den Ënnerscheed ass net esou gravéierend, datt et géif stéieren, ganz am Géigendeel, de McShane huet grad esou vill Power an der Stëmm an ass grad esou selbstbewosst, wéi säi Virgänger Ezra Haynes.

Wat d’Musek op Proponent for Sentience ugeet, sou ass déi zwar grad esou technesch a progressiv, wéi op fréiere Wierker, ma insgesamt sinn d'Hooks awer méi epesch a kéng an d'Lidder am grousse Ganzen och méi catchy.

Fir de Rescht maachen Allegaeon op "Proponent for Sentience" dat, wat se am beschte kënnen. Nämlech eng Achterbunn un Album ofliwweren, déi ee mat sengem Mix aus primitiver Aggressivitéit, technescher Exzellenz an heftegem Groove matrappt.

Vun der Heaviness vun "All Hail Science", iwwert déi groussaarteg Intensitéit a Knëfflegkeet vum cinemateschen "Terrathaw And The Quake", dem groovegen "From Nothing" a semi-symphoneschen "The Algorithm" an der fesselnder éischter Single "Gray Matter Mecanixs" bis hin zum epesche Vibe vun "Of Mind And Matrix"; op "Proponent For Sentience" gëtt et wuel mat dat bescht Material, wat d'Band aus dem Colorado bis elo erausbruecht huet.

Sou gutt wéi dësen Album och ass, de Schluss ass mam Cover vu Rush hirem Subdivisions bësse komesch geroden. Net datt et e schlechte Cover wier, mä e passt - ënnert anerem wéinst dem reng cleane Gesank - net wierklech an d'Gesamtkonzept vum Album. Dat ass iwwregens och dat, wou den neie Sänger den David Wagner iwwerrascht huet, och wann et bei anere Stécker heiansdo subtil cleane Gesank gëtt. E bessere Schluss hätten Allegaeon op dësem Album ganz sécher mat engem eegene Stéck gemaach, dat grad esou epesch ophält, wéi den Opener ugefaang huet, z.B. mat "Cognitive Computations", dat sech duerch säin Toun a seng Dynamik einfach wéi eng grouss Final ufillt.

Dat ass dann awer och schonn alles, wat den david Wagner auszesetzen huet. Fir de Rescht also e bal perfekten Album a fir mech definitiv ee vun de beschten Albumme vum Joer.

Playlist

Ozzy Osbourne - Mr. Crowley (Blizzard Of Ozz; Jet Records; 1980 )

Testament - Brotherhood Of The Snake (Brotherhood Of The Snake; Nuclear Blast; 2016)

Dust Bolt - Mass Confusion (Mass Confusion; Napalm Records; 2016)

Sinsaenum - Anfang des Albtraumes (Echoes Of The Tortured; Edel; 2016)

Opeth - Will O The Wisp (Sorceress; Nuclear Blast; 2016)

Devin Townsend Project - Stormbending (Transcendence; InsideOut; 2016)

Allegaeon - Cognitive Computations (Proponent For Sentience; Metal Blade; 2016)

Slayer - Pride In Prejudice (Repentless; Nuclear Blast; 2015)

 

 

Rezent Emissiounen

  • Blind Guardian Twilight Orchestra

    Am Interview ass dës Kéier den Hansi Kürsch vu Blind Guardian.

  • Metal Meltdown

    Kennt dir scho Coffin Curse aus Chile oder déi international Band The Bastard Within? Nee? Da lauschtert eran.

  • Metal Meltdown

    Neits aus der Metalwelt

  • Metal Meltdown

    Neits aus der Welt vum Metal.

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

Net verpassen

  • Live aus der Philharmonie

    Schubert a Rossini

    De Franz Schubert an den Gioacchino Rossini: Béid Komponisten hunn der Musekswelt Wierker hannerlooss, déi si net méi fäerdeg kruten. Dat ass de roude Fuedem vum Concert mam Philharmoneschen Orchester Lëtzebuerg en Donneschdeg, den 12. Dezember 2019, deen de radio 100,7 vun 20:00 Auer u live aus der Philharmonie iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen