Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Fusion Bomb

Fusion Bomb & Devin Townsend Project

Fusion Bomb

Am Interview vun dëser Woch picke mer eng vun de Bands eraus, déi de 24. September um Anger Fest an der Kufa spillen, an do hir Debut EP presetéieren, nämlech Fusion Bomb. Am Interview erklären de Gittarist Tun an den Drummer Scott, wéi den Album zustan komm ass, wat d'Konzept hannendrun ass, a wéi si sech d'Release an der Kufa virstellen.

Sublind

De 16. Abrëll hu Sublind an der Kufa hiren 10 järege Beersday gefeiert. Dat ganzt gouf och opgeholl a vun den Opnamen hunn d'Lëtzebuerger Thrasher e puer Videoen erausbruecht

Album vun der Woch: Devin Townsend Project - Transcendence (10/10)

Fir de Review vum Album vun der Woch wiessele mer alt nees de Genre, just dass ech hei schwéier soe kann, ëm wat fir ee Genre et sech eigentlech handelt - den Album vun der Woch kënnt nämlech vum Devin Townsend, oder besser gesot vum Devon Townsend Project an nennt sech Transcendence.

An deen Album mécht sengem Numm all Éier. Beim Lauschtere fillt ee sech nämlech effektiv wéi wann ee géif an aner Sphären transzendéieren… an dat, wéi gewinnt ganz theatralesch. Allerdéngs kléngt dësen Album sou gutt, wéi nach ni en Album virdrun. Schold dorun ass den Adam Getgood vu Periphery, deen den Album mat produzéiert huet.

Nodeems den Opener Truth - eng méi ausgeräifte Versioun vun deem selwechte Stéck vum 1998er Album Infinity - een dorop astëmmt, dass dësen Album nees gehirlos epesch a majestätesch gëtt, gëtt ee vun der zweeter Single Stormbending, vun der éischter Single Failure, oder vun anere grandiose Songs, wéi Stars, Offer Your Light oder Higher  mat hirem erhabene Vibe gefesselt.

Dass ee richteg gefesselt gëtt, geschitt allerdéngs eréischt no puer mol lauschteren, well ee beim 1. Lauschteren einfach déi ganz Komplexitéit nach net sou richteg matkritt a well een no an no ëmmer nei Saachen entdeckt an ee vill méi grousst Verständnis a méi e Gehéier fir dat Ganzt kritt.. An een ëmmer méi mierkt, wéi wonnerbar dësen Album mat senge ville Facetten, klengen Nuancen a bal Oper-ähnlechen Héichpunkten ass.

Natierlech weist den Hevy Devy och seng méi schwéier metallesch Säiten um Album, ma et sinn dach déi éischter iwwerraschend Elementer, déi de Charme vun dësem Album ausmaachen. Z. B. am Titel Secret Science, vun deem de Refrain an och eng aner Klengegkeet engem wäert immens kënneg virkommen, wann een zoufälleg Meedercher doheem huet, déi engem gewëssenen Disney Film verfall sinn..

Wann ech a mengem Review d’lescht Woch kritiséiert hunn, dass Allegaeon e Cover als Closer geholl hunn, stéiert mech dat op Transcendence vum Devin Townsend guer net. Dem Devy seng Versioun vum Ween hirem Transdermal Celebration passt nämlech perfekt an dat ganzt Konzept vum Album. A wann ech d’lescht Woch gesot hunn, dass Proponent for Sentience ee Kandidat ass fir den Album vum Joer, sou gouf dee grad iwwerbuede vum neien Devin Townsend Project Album Transcendence.. Do donieft dierft Transcendence dee bis elo wuel beschten Album sinn, deen den Hevy Devy mat dëser Formatioun als Devin Townsend Project erausbruecht huet.

Playlist

Bolt Thrower - Cenotaph (Cenotaph; Earache; 1990)

Sublind - Abandon All Hope (Live) (unreleased)

Fusion Bomb - Masses Breakfast (Pravda; independant; 2016)

Serpentine Dominion - On The Brink Of Devestation (Serpentine Dominion; Metal Blade; 2016)

Carach Angren - When Crows Tick On Windows (This Is No Fairytale; Season Of Mist; 2015)

Heaven Shall Burn - Bring The War Home (Wanderer; Century Media; 2016)

Devin Townsend Project - Stars (Transcendence; InsideOut; 2016)

Charred Walls Of The Damned - My Eyes (Creatures Watching Over The Dead; Metal Blade; 2016)

Arch Enemy - Bridge Of Destiny (Stigmata; Century Media; 1998)

 



 

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen