Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Korn, Scarred, Testament & Dark Tranquillity

Korn

D’lescht Woch (den 21. Oktober 2016) koum dee wuel beschte Korn Album zënter graff 10 Joer eraus. "The Serenety Of Suffering" stellt fir mech e perfekte Mix aus hire ganz fréiere Saachen an aus Saachen aus hirer "Untouchables" Zäit duer. Wéi d’Band hiren neisten Album selwer gesäit, héiert der am Interview vun dëser Woch mam Jonathan Davis.

Scarred

Scarred sinn den Ament ganz gutt ënnerwee, an elo demnächst op eng kleng Japan Tour ginn. Iwwermuer hu si hiren éischte Gig op engem Festival dohannen, duerno geet et da fir 3 weider Datumen bëssen duerch d’Géigend. An deem Kontext hu si fir "Psychogenesis" och e Playthrough Video fir d’Gittar erausbruecht.


1. Album vun der Woch: Testament - Brotherhood Of The Snake (8,5/10)

"Brotherhood Of The Snake" ass den drëtten Album ënnert dem ale Lineup, deen d’Band 2005 nees zesummebruecht hat. A grad wéi "Formation Of Damnation" an "Dark Roots Of Earth" beweist och dësen Album, dass Testament sech den Titel ass Éieremember an de Big 4 vum Thrash verdéngt hunn.

Mat Stécker wéi "Stronghold" oder "Centuries Of Suffering" léisst d’Band z. B. gekonnt hiren Thrash Muskele spillen. Op der anerer Säit weisen Testament mat Lidder wéi "Neptune Spear", dass si hir Instrumenter awer och mol bësse schounen an e Gank zeréckschalte kënnen. Eng richteg Ballade gëtt et op "Brotherhood Of The Snake" allerdéngs net, aus deem Feeler hu si wuel geléiert.. Dat hat de Gittarist Alex Skolnick jo well am Interview mat engem Schmunzelen erkläert.

Leider gëtt et awer och bësse méi schwaach Momenter um neien Album, nämlech dann, wann d’Band probéiert mat anere Genren ze spillen, notamment wa klassesch Hard Rock Elementer benotzt ginn, oder a Lidder wéi “Black Jack” oder “The Pale King”, déi fir Testament eigentlech bëssen ze vill upbeat a positiv kléngen, an net wierklech bei de Rescht vum Album passen..

Dovunner ofgesinn ass "Brotherhood Of The Snake" awer en exzellenten Thrash Album dee beweist, dass Thrash Metal haut nach grad esou relevant ass, wéi deemools an den 80er, wéi de Genre opkomm ass.

2. Album vun der Woch: Dark Tranquillity - Atoma (9/10)

Et gëtt jo virun allem dräi schwedesch Bands, déi an den 90er de Genre vum Melodic Death Metal pionéiert hunn. An allen dräi hu se sech anescht entwéckelt. At The Gates hu sech am Verglach mat hirem Klassiker "The Slaughter Of The Soul" quasi guer net verännert. In Flames kléngen haut komplett anescht wéi fréier an Dark Tranquillity hunn et iergendwéi fäerdeg bruecht sech weider ze entwéckelen ouni awer sou eng 180 Grad Kéier ze maachen, wéi In Flames, och wann dotëscht alt ëmmer nees den een oder aneren Album dobäi war, dee bësse méi schwaach war, wéi säi Virgänger.

Op "Atoma" schéngen Dark Tranquillity awer sou zimlech op engem Héichpunkt ze sinn. D’Lidder sinn all staark an hu méi Energie an Dynamik, wéi eng ganz Parti Albume virdrun. An dat gëtt well beim launeschen "Encircled" kloer, dee wuel beschten Opener zënter laangem. Richteg grousse Kino kritt een am ganz liewegen, "Projector"-ähnlechen Titeltrack oder am düstere "Faithless By Default".

A wann et op der enger Säit mat de Stécker wéi "Forward Momentum", "The Pitiless" oder "Our Proof Of Life" och mol méi a Richtung recycléierten 0815 Melodie geet, sou gëtt et awer och genuch grouss Momenter, déi ee méi paken, wéi z. B. duerch déi bedréckend Intensitéit vu "Force Of Hand", oder duerch déi pulséierend Catchiness vu "Clearing Skies".

"Atoma" ass domat e weidert grousst Wierk an der Diskographie vun de Kult Melodic Death Metaller, wann och net hiert Bescht. Ma bei wäitem och net hiert schlechtst.

Playlist

Metallica - Creeping Death (Ride The Lightning; Megaforce; 1984)

Scarred - Psychogenesis (Gaia - Medea; Independant; 2013)

Korn - Baby (The Serenety Of Suffering; Roadrunner; 2016)

Sleepers’ Guilt - Two Words (Kilesa; Independant; 2016)

Testament - Brotherhood Of The Snake (Brotherhood Of The Snake; Nuclear Blast; 2016)

Entombed A.D. - Dead Dawn (Dead Dawn; Century Media; 2016)

Dark Tranquillity - Merciless Fate (Atoma; Century Media; 2016)

Anaal Nathraak - Extravaganza (The Whole Of The Law; Metal Blade; 2016)

Ranger - Lethal Force (Speed & Violence; Spinefarm; 2016)

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen