Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Hammerfall, In Flames, Vader & Kraton

Hammerfall

D'lescht Woch war den neien Album vun der schwedescher Heavy Metal Band Hammerfall am Review. Dës Woch kënnt hire Sänger zu Wuert an erzielt am Interview ënnert anerem vum positiven Effekt, deen d'Paus, déi d'Band virun zwee Albume gemaach hat, op den neien Album hat. Donieft geet och riets iwwert de Wiessel vum Label, hir nei gewonnen Energie, seng Gesangstechniken an iwwer weider Jubiläumsconcerten, ähnlech wéi deen um Wacken virun zwee Joer, wou se "Glory To The Brave" vu vir bis hanne gespillt haten

1. Album vun der Woch: In Flames - Battles (7/10)

Ech hat et an der Lescht e puer mol gesot, ma eigentlech weess een dat och, wann ee Metal lauschtert: In Flames gehéieren zu de Grënner vum Götheborger Melodic Death Metal, nieft At The Gates an  Dark Tranquillity. Ma am Verglach zu deenen aneren zwou Bands hunn In Flames am Laf vun hirer Carrière jo gewalteg Stilbréch gemaach a ware mat hirem leschten Album definitiv am Pop Metal ukomm. Dofir sinn ech vum neisten Album "Battles", deen haut bei engem neie Label, nämlech bei Nuclear Blast erauskomm ass, ëmsou méi positiv iwwerrascht.

Op "Battles" kritt een d’Gefill, dass In Flames sech net nëmme weider entwéckele wëllen, dowéinst ronderëm experimentéieren an doduerch dann op eemol komplett anescht kléngen. Ähnlech wéi Opeth bei hirem 3. Album vun der neier Era "Sorceress" et gemaach hunn, hunn och In Flames op "Battles" nees méi traditionell In Flames Elementer mat era bruecht, wéi z. B. dem Anders Friden seng Screams.

Donieft kléngen och d’Gittaren a Songstrukturen nees bësse méi wéi dat, wat ee fréier vun In Flames gewinnt war. Verschidde markant Riffer oder Licken erënnere souguer u fréier Stécker.

Iwwerhaapt ass géint de Songwriting an d’Riffer, sou wéi och géint d’Soloen absolut näischt auszesetzen. Tracks wéi "Through My Eyes" komme mat richteg gäile Riffer an engem virtuose Solo dohir a souguer dem Friden seng clean Vocals gefale mer bësse besser wéi an der Zäit.

Nach ëmmer anescht wéi fréier gëtt et op "Battles" awer och nees grouss Chorussen, vun deenen een zwar ka behaapten, dass se poppeg sinn, ma déi doduerch extrem catchy sinn an am Kapp hänke bleiwen.

Duerch de ganze Mix aus raue Rifer, grandiose Soloen, flotte Melodien, grousse Chorussen a baladesque Stécker wéi Here Until Forever an tëscht fréieren a méi modernen In Flames Elementer ass mat Battles en Album entstan, dee fir all Zort vu Metal Fan eppes ze bidden huet. Iwwerraschunge gëtt et allerdéngs net wierklech, et gëtt näischt wat den Album zu engem mécht, deen een onbedéngt muss hunn. Ass et en Album, deen objektiv musikalesch gutt ass? Jo, defintiv. Et ass awer keen Album fir deen In Flames Fan, deem säi Lieblingsalbum "Lunar Strain" ass. Ma maacht iech am beschte selwer eng Iddi.

2. Album vun der Woch: Vader - The Empire (8/10)

Ganz am Géigesaz zu In Flames ass Vader eng Band, op déi ass Verlooss. Wann een neie Vader Album erauskënnt, kann ee sech, wann een d’Band kennt, am Fong scho bëssen denken, wat op een duerkënnt. Vader kennt ee fir hir verréckt Geschwindegkeet, Tempowiesselen an den typesche Mix aus Death an Thrash Metal.

A ganz an deem Sënn ass och "The Empire", Vader hiern neisten Album, deen d’lescht Woch via Nuclear Blast erauskomm ass, zimlech straight forward. "The Empire" strotzt nëmme sou vu Geschwëndegkeet, Roserei, brutal Vocals a fulminante Soloen.

Virun allem d’Soloe si wonnerbar an hirer Bëssegkeet an och d’Produktioun ass bis elo dat bescht, wat et jee vu Vader gouf; si ass knackec, propper, schwéier metallesch a passt perfekt bei dee Genre vu Musek.

Ähnlech wéi och well de Crowbar Album, deen ech d’lescht Woch reviewt hunn, ass och "The Empire" vu Vader zimlech eintöneg, an deem Sënn, dass de ganzen Album, op deem d’Lidder iwwregens schéin aneneen iwwerginn (dat huet een entweder gär oder net) eng ähnlech Intensitiét an Energie huet, ouni dass et vill Ofwiesslung gëtt an de Songwriting ass bei de meeschte Lidder zimlech ähnlech. Et ass zwar allkéiers gutt an et gëtt och déy typesch Tempo Wiesselen, ma déi eigentlech Struktur vun de Lidder ass um hallwen Album d’selwecht: Intro mat villem Gedrums, puer fett Riffer, déi zu engem solo féieren an duerno nees zréck bei den Ufank.

Verschidden aner Lidder lackeren déi ganz Saach da bëssen op. Stécker wéi "The Army-Geddon" oder "No Gravity" beweisen dann awer nees wéi exzellent Vader mat enger Rëtsch Sounds, Energie a Struktur kënnen experimentéieren, a sinn eng erfrëschend Ofwiesslung am Verglach zu den anere méi repetitive Stécker.

Fazit ass, dass Vader mat "The Empire" effektiv en Album ofliwweren, wéi een et vun de Pole kann erwaarden. E Meeschterwierk, dee sech mat fréieren Albume ka moossen, ass et allerdéngs net.

Kraton

Kraton hunn e puer Videoe vun hirem Optrëtt um Metalfestival zu Koplescht dëst Joer erausbruecht, nämlech vum Stéck "Hades", wat um éischten Album vun der Band ze fannen ass, vun deenen zwee neie Stéck "Revel In Chaos" an "Drown In My Disgust" a vum Stéck "Unto Arcadia":

 

 

 

Playlist

Sepultura - Refuse / Resist (Chaos AD; Roadrunner; 1993)

Ravencult - Beneath The Relics Of Old (Force Of Profanation; Metal Blade; 2016)

Hammerfall - The Sacred Vow (Built To Last; Napalm; 2016)

Bullet For My Valentine - Don’t Need You (Single; Spinefarm; 2016)

In Flames - Save Me (Battles; Nuclear Blast; 2016)

Devilment - Hitchkock Blonde (Devilment II: The Mephisto Waltzes; Nuclear Blast; 2016)

Vader - No Gravity (The Empire; Nuclear Blast; 2016)

Kraton - Hades (Ker; Independant; 2011)

Like A Storm - Pure Evil (Like A Storm; Century Media; 2016)

SHVPES - False Teeth 96-24 (Pain, Joy, Ecstasy, Despair; Spinefarm; 2016)

 

 

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Programm

Net verpassen

  • The English guy is coming!

    Jim Kent.jpg

    "I'm really happy to be back on air in the Grand Duchy, which is where it all started for me and will endeavor to fill the airwaves with humorous and insightful observations on Luxembourg life combined with the best guests and music that you have come to expect from 100,7."

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

  • Weltdag vun de Kannerrechter

    Den 20. November ass de Weltdag vun de Kannerrechter. De radio 100,7 presentéiert an deem Kader verschidde Reportagen an Interviews, fir iwwer d'Rechter vun de Kanner opmierksam ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen