Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Bang Your Head, Sleepers' Guilt & Metallica

Bang Your Head X

Den nächste Weekend geet eng 10 Joer al Traditioun op en Enn. De Bang Your Head Festival an der Kufa geet a seng zéngt an och a seng lescht Editioun. Den David Wagner schwätzt mam Organisateur Ken Pletschet iwwert de Grond vun dëser Entscheedung, den Ufank vum beléifte Festival, seng Entwécklung an natierlech och iwwert d'Editioun dëst Joer.

Sleepers' Guilt

Hutt der den neiste Video vu Sleepers' Guilt eigentlech well gesinn? Fir "Not for Words", en Titel vum aktuelle Sleepers’ Guilt Album "Kilesa", deen am Abrëll dëst Joer erauskomm war, gëtt et elo e Playthruogh Video fir d'Gittar:

Album vun der Woch: Metallica - Hardwired... To Self-Destruct (8,5/10)

Wann Dir Metallica Fans sidd, dann hutt der hiren Album jo wahrscheinlech well héieren. Si hu jo carrément fir all Lidd vun "Hardwird … To Self-Destruct" e Video erausbruecht, an den Album war och well virun enger Woch geleaked.

An ech muss soen, en ass e gutt Stéck besser ginn, wéi ech et erwaart hat. Nodeems si an den 90er Joren hir Fanbase mat "Load" a "Re-Load" an zwee gedeelt hunn, an duerno net méi vill erauskoum, wat wierklech all Fan iwwerzeegt huet, dierft et bei dësem Album nees anescht sinn. Graff resuméiert kann ee soen, datt "Hardwired … To Self-Destruct" Riffer vu fréier, d’Heaviness vum "Black Album" an d'Rock Elementer aus der "Load" a "Re-Load" Zäit matenee verbënnt. An déi eenzel Lidder hätte grad esou gutt op verschidde fréier Albume gepasst, wann d'Produktioun anescht wier. Den Opener "Hardwired" passt perfekt op "Kill Em All", "Moth Into The Flame" op "... And Justice For All", oder och nach "Dream No More", an deem et nees ëm de Cthulhu geet, op de "Black Album".

An obwuel ee sech d'Lidder um neien Album och op enge sëllechen aneren Albume vu Metallica kéint virstellen, sou wierkt de Songwriting, am Géigesaz zum Virgänger "Death Magnetic" net sou, wéi wann ee sech extrem bei fréiere Riffer inspiréiert an dës just nei agepaakt hätt; obwuel et op "Hardwired ... To Self-Destruct" natierlech och nees eng Parti Elementer gëtt, un deenen ee ganz genee erkennt, wien d’Riffer geschriwwen huet, nämlech Hetfield an Ulrich.

Ma net nëmmen doran hu sech Metallica nees bësse weider entwéckelt. Och den James ass mat senger Stëmm nees amstand méi ze maachen, wéi just déi ganzen Zäit an där selwechter Tounlag ze sangen a bréngt um neien Album nees vill méi Melodie mat an d’Spill a glécklecherweis kléngt seng Stëmm duerch eng besser Produktioun och e gudde Krack méi interessant, wéi op der "Death Magnetic".

Wat op "Hardwired ... To Self-Destruct" awer leider feelt, si richteg gutt Soloen. Dacks kommen engem d’Soloe forcéiert vir, well een ebe grad op där Plaz e Solo wollt hunn, mä et gouf sech wéineg Gedanken iwwert Progressioun an Emotioun gemaach, sou datt et sech bei deene meeschte Soloen einfach nëmmen ëm 0815 Genuddels handelt.

Dovunner ofgesinn ass "Hardwired ... To Self-Destruct" awer effektiv deen Album, op deen d’Fans wuel zënter dem "Black Album" gewaart hunn. Gudde Songwriting; et ass en Album mat engem gesonde Mix aus séieren aggressiven a méi heavy mid-tempo Stécker, mat vill Melodie a guddem Gesank. Dat eenzegt, wat den Album hätt kënnen NACH besser maachen, wiere besser Soloen. D'Produktioun ass och och sou eng Saach. Op Youtube hate sech jo Leit amuséiert, déi nei Lidder an engem al bekannte Sound, z.B. vun der "... And Justice For All" oder der "Ride The Lightning" ze spillen, an do hu mer d'Lidder NACH besser gefall, mä dat ass jo alles eng Geschmackssaach.

Playlist

Bullet For My Valentine - Intro + Her Voice Resides (The Poison; Visible Noise / Trustkill; 2005)

Children Of Bodom - My Bodom (I Worship Chaos; Nuclear Blast; 2015)

Exodus - Battle Of The Bays (Blood In, Blood Out; Nuclear Blast; 2014)

Benighted - Versipellis (Necrobreed; Peaceville Records; 2017)

Devilment - Full Dark, No Stars (Devilment II: The Mephisto Waltzes; Nuclear Blast; 2016)

Sleepers’ Guilt - Not For Words (Kilesa; Independant; 2016)

Metallica - Dream No More (Hardwired... To Self-Destruct; Blackened; 2016)

Testament - The Pale King (Brotherhood Of The Snake; Nuclear Blast; 2016)

Opeth - Straneg Brew (Sorceress; Nuclear Blast; 2016)

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Programm

  • E-Lodie

  • On air

    Notturno

  • Notturno

  • Virum Dag

  • Moies-Magazin

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen