Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Debutalbum vun Decipher

Release vun der Woch: Decipher - Intuition (8,5/10)

Et gëtt eng nei Band um Lëtzebuerger Prog Himmel, op deem bis elo Retrace My Fragments zimlech alleng stoungen. Decipher nennt sech déi jonk Band, et gëtt se zënter 2012 an e Freideg, de 16. Dezember brénge si hiren Debutalbum "Intuition" eraus. Allerdéngs net op enger Release Show, mä op enger Listening Party am Rocas an der Stad.

Decipher beschreiwe sech selwer als Progressive Death Metal mat engem Twist. Op si lo deen Twist gemengt hunn, deen ech beim lauschtere selwer festgestallt hunn, weess ech net, mä op dee komme mer nach ze schwätzen.

Den Album "Intuition", wat iwwregens ee Konzept Album ass, fänkt ganz atmosphäresch a bësse spaceg un, iert clean a verzerrt Gittare parallel mat engem djentege Riff mat Fills niewelaanscht den allgemengen Toun vum Album uginn, passend dozou Screams a Growls. Dës Formel ass déi, déi méi oder manner um ganzen Album bäibehale gëtt, et gëtt vill Gepompels, ëmmer nees schéi clean Fills an och déi atmosphäresch Elementer am Hannergrond gi bäibehalen. Ma dobäi bleift et net. Am Laf vum Album kommen ëmmer nees méi Elementer bäi, wéi z. B. Genuddels op der Gittar, wéi een et och vu Retrace kennt.

An am Géigesaz zum Opener "The Alchemist", deen a Punkto Songwriting éischter wéi e laangen Intro wierkt, kréien d’Lidder no an no och ëmmer méi Struktur, entwéckele sech weider, hunn duerch Tempo-Wiesselen an ënnerschiddlechem Sound zimlech vill Dynamik, a bréngen et fäerdeg, ee mat ze rappen an engem d’Gefill ze ginn, wéi wann een effektiv op der Rees a sech selwer wier. Wann ech dat richteg verstanen hunn, ass déi eegen Intuitioun och bëssen d’Konzept vum Album, dohir och den Numm.

Den Twist, vun deem d’Band schwätzt, ass op dësem Album wuel de Fakt, dass et och clean Vocals gëtt. U sech näischt Aussergewéinleches fir eng progressiv Band. Allerdéngs ass et hei net de Sänger selwer, dee clean séngt, mä eng wonnerbar weiblech Stëmm, nämlech déi vum Anna Felke, wat soss éischter am Pop-Beräich aktiv ass.

Dëse Song, dee sech "Soulbound" nennt, ass awer och den enzege wou et sou lues hirgeet, duerno geet et nees a gewinnter progressiver an atmosphärescher Death Metal Manéier virun, bis den Album am Closer "L’Or Bleu" säin Héichpunkt fënnt, an Decipher nach emol weisen, wat si alles kënnen, a sech och bëssen am neo-klassesche Metal beweegen.

Alles an allem ass "Intuition" een extrem gelongenen Debut. Decipher erfannen d’Rad vum Progressive Metal net gaz nei, ginn deem ganze mat der wonnerbarer Atmosphär awer eng frësch Nues.

Playlist

Entombed - Stranger Aeons (Clandestine; Earache; 1991)

Anaal Nathrakh - We Will Fucking Kill You (The Whole Of The Law; Metal Blade; 2016)

Sublind - Humpeknupper (Thrashing Delirium; Independant; 2014)

Stone Sour - Zzyxz Rd (Come What(ever) May; Roadrunner; 2006)

Decipher - L’Or Bleu (Intuition; Independant; 2016)

Allegaeon - All Hail Science (Proponent For Sentience; Metal Blade; 2016)

Clutch - The Regulator (Blast Tyrant; DRT; 2004)

Uranus Front - Happy Schleppy (Love Is The Tender Prey Of Betrayal; Independant; 2012)

Pantera - I’m Broken (Official Live: 101 Proof; East West; 1997)

Metallica - Confusion (Hardwired ...To Self-Destruct; Blackened; 2016)

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Programm

  • Noriichten

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen