Kultur

Interviewen, Kritiken, Commentairen a Reaktiounen zur kultureller Aktualitéit

Iwwert d'Hurra-Houfert-Konscht

Natierlech dierf Konscht alles. Ma dësdeeg ass et vläicht méi wichteg wéi nach viru Joer, d'Repercussioune vun der eegener kënschtlerescher Posture matzedenken. De Jacques Schneider ass ee bekannten Artist, dee sech a sengen Tableauen a Collagë virun allem mat de Konzepter "Natioun" an "Staat" beschäftegt. Egal ob d'Police, de Grand-Duc oder de roude Léiw, dem Kënschtler mat der Méck an dem roude Baart geet et virun allem dorëms, de Staat, seng Institutiounen an d'Monarchie ästhetesch ze affirméieren. Mee wéi einfach léisst sech esou eng onkritesch Konscht mëssbrauchen? Doriwwer, wéi séier dës Tendenz zu engem neien Houfert onfräiwëlleg als Porte-Parole fir populistesch Iddien dénge kann, huet sech de Samuel Hamen eng Rëtsch Gedanke gemaach.

Rezent Emissiounen

  • Live-Concert vu Saarbrécken um radio 100,7

    E Sonndeg um 11 Auer iwwerdréit de radio 100,7 de Concert vun der Radio Philharmonie Saarbrücken Kaiserslautern aus der Congresshalle vu Saarbrécken.

  • D'Foto vu Leopoldville vun 1960 huet hie berühmt gemaach

    Deen däitsche Fotograf Robert Lebeck huet d'Bild gemaach, op deem e jonke Mann dem Kinnek Baudoin säi Säbel geklaut huet. Hien hätt haut 90 Joer kritt.

  • "Fräulein Julie" am Beetebuerger Schlass

    Dem schwedeschen Dramatiker August Strindberg säi sozial-kritesch Stéck ass déi neiste Produktioun vum Kaleidoskop-Theater.

  • Nei Filmer

    Sechs nei Filmer huelen eis mat op déi ënnerschiddlechst Plazen, mat derbäi Lëtzebuerg, Bréissel, Kalifornien, de Senegal, d'Arktis an eng besonnesch Kiermes.

     

     

  • radio 100,7 goes Leipzig

    Net de ganze Radio, mee d'Valerija Berdi an de Michel Delage sinn op der Leipziger Buchmesse am Asaz.
     

  • "Neos" am CNA

    Als Ofschloss vu senger Kënschtlerresidenz beim CNA weist den italienesche Fotograf Ezio D'Agostino d'Expo "Neos": Weltall emol anescht!

  • Bauhaus Imaginista, eng nei Expo zu Berlin

    D'Ausstellung am Berliner Haus der Kulturen der Welt weist zanter dem Weekend eng ganz aner Approche zu den 100 Joer Bauhaus.

  • Filmkritik: Лето (Leto) vum Kirill Serebrennikov

    E Portrait vun der alternativer Musekszeen am pre-Perestroika Russland

  • "D'Musek ass mäi Liewen"

    Den Dieter "Maschine" Birr war iwwer 40 Joer laang Member vun der DDR-Kultband Pudhys. Haut kritt hie 75 Joer a steet nach ëmmer op der Bühn.

  • Luxfilmfest Palmarès

    Deen englesche Sozialdrama "Ray & Liz" vum renomméierte Fotograf Richard Billingham huet de leschte Weekend de Grand Prix vum beschte Film gewonnen.

  • 100. Anniversaire vum Nat King Cole

    Ee vun de gréissten Entertainer vum 20. Joerhonnert

  • Plakeg an der Villa Vauban

    Bis de 16. Juni kënnt Dir Iech mat de plakegen Tatsaache vun der Aktmolerei ëm 1900 an der Villa Vauban konfrontéieren.

  • Een Horrorfilm mat Humor

    "In Fabric" erzielt eng humorvoll Horrorgeschicht vun engem roude Kleed, dat Mënschen ëmbréngt. Am 100,7 Interview erkläert de Realisateur seng Iddi.

  • Filmkritik: Der Boden unter den Füssen

    De Manktem un Halt am perséinleche Liewen, virum Hannergrond vun der moderner Aarbechtswelt, dat ass de Sujet vun "Der Boden unter den Füssen".

  • Trace vum Mansfeldschlass am Nationalarchiv

    D'Mansfeldschlass am Gronn war an de Vergiess geroden. Mee d'Amis du Château de Mansfeld studéieren a presentéiere seng Bedeitung fir haut.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen