Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

A Love Supreme - John Coltrane

Mat "A Love Supreme" schaaft den John Coltrane e Manifest vun der Spiritualitéit an Energie, der spontaner an onbändeger Kraaft vun der Improvisatioun, souwéi der Interaktioun vu véier Mënschen, déi méi vereent, wéi hir Léift zur Musek. Fir hie selwer ass et e Glawensbekenntnis an e Merci u Gott. Fir op d'mannst dräi Generatioune vu Museker gehéieren dës knapp 40 Minutte Musek awer zu deenen intensiivsten an inspiréierentsten, déi bis elo geschaaft goufen. Tëscht meditativen, kontemplativen, extrovertéierten an nostalgeschen Ambiancen hin an hier wiesselnd, weise sech den McCoy Tyner, den Jimmy Garrison, den Elvin Jones an den Tenor-Gigant Coltrane vun hirer beschter Säit. Presentéiert vum Pit Dahm a Pol Belardi.

Rezent Emissiounen

  • Creedence Clearwater Revival - Cosmo's Factory

    De meeschtverkaaften Album (1970) vum John Fogerty senger Band CCR ... mat Confirméiertem an e puer Iwwerraschungen

  • Grateful Dead - American Beauty

    Déi kalifornesch Kultband ronderëm den Jerry Garcia mat engem 70er Studioalbum, deen d'Formatioun a Beschtform weist.

  • Debut (1993) - Björk

    Deen Album, den déi exzentresch Islännerin der Welt bekannt gemaach huet, verbënnt Pop, Folk, Jazz a britesch EDM zu eppes - deemols - ganz Neiem.

  • Harvest - Neil Young

    En Album aus dem Februar '72 mat ville Gäscht, ë.a. de London Symphony Orchestra an e Welthit fir de Kanadier mat "Heart Of Gold".

  • Daniel Lanois Special

    Den exzentreschen an onverkennbare kanadesche Produzent musikalesch resuméiert.

  • Rebel Yell (1983) - Billy Idol

    Dem Billy Idol säin zweete Longplayer Rebel Yell ass e regelrechten Iwwergang vum Punk an d'Pop Musek. En Opus, deen dem Idol den Duerchbroch garantéiert hat.

  • Speak no Evil - Wayne Shorter

    E klengt Meeschterwierk aus dem Joer 1965 vum äusserst produktiven an afallsräiche Saxophonist Wayne Shorter.

  • Primus - Sailing the Seas of Cheese

    Den zweeten Album vun där innovatiivster Rockband aus den 90er Joren ënnert der Lupp.

  • Eric Clapton - 461 Ocean Boulevard

    De Comeback-Album vum' Mr. Slowhand' aus dem Joer 1974: no den Drogen steet d'Musek erëm am Mëttelpunkt vum Clapton sengem Liewen ... 

  • Bryter Layter – Nick Drake

    Dem englesche Folk Museker säi lëftege Konzept-Album vu 1971 mat Hëllef vum John Cale a Fairport Convention

  • Head Hunters - Herbie Hancock

    E Manifest vum Fusion a gläichzäiteg Virleefer vum Funk. Dësen Album muss een einfach héieren a gespiert hunn!

  • Entre gris clair et gris foncé - JJ Goldman

    Dee fënnefte Studioalbum vum Jean-Jacques Goldman, aus dem Joer 1987

  • The Last Waltz - The Band

    De leschten Optrëtt vu Robbie Robertson a Co. zu San Francisco am Winterland Ballroom

  • Diesel and Dust - Midnight Oil

    Releast am August 1987

  • Bitches Brew - Miles Davis

    En Album, deen den Jazz-Rock an d'Liewe geruff huet: Ee ganz spezielle Meilesteen vum elektro-akusteschen Jazz.

     

Programm

Dossieren

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

  • Däitsch Bundestagswahl 2017

    De 24. September 2017 wielt Däitschland en neit Parlament. D'Angela Merkel (CDU) an de Martin Schulz (SPD) trieden als Kanzlerkandidaten un.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen