Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Kreator

1. Release vun der Woch: Kreator - Gods Of Violence (8,5/10)

35 Joer scho geléngt et Kreator ëmmer nees, sech kënschtleresch a Fro ze stellen, sech selwer ëmmer nes op en Neits erauszefuerderen an nei Horizonter ze erfuerschen an dobäi ëmmer zu héichexplosive Resultater ze kommen. Och de mëttlerweil 14. Album vun der Essener Thrash Band Gods Of Violence, deen de 27. Januar bei Nuclear Blast erauskomm ass, ass nees e gudde Bewäis dofir.

Schonn den Intro vum Opener Apocalypticon léint dem Grondgedanke vum Album, nämlech den Haass, deen d’Mënschheet géint sech selwer kann hunn an ëmmer nees doduerch zum Ausdrock kënnt, dass z. B. Relioun a Politik dofir benotzt gëtt, extrem Gewalt ze rechtfäerdegen, de passende bombastesche Kader: Marschtrommelen an e Chouer wéi aus enger Oper vum Wagner bereeden de Wee fir en aussergewéinlecht Metal-Presslofthummer, dee brachial Passage mat intime Momenter verbënnt a sech duerch en ökonomeschen a virbildlechen Ëmgang mat Dynamik auszeechent.

De Frontmann Mille Petrozza ass sou wéi déi meescht Metal Musker mat Metal grouss ginn, war awer ëmmer nees oppe fir Inspiratioun aus sämtlechen anere Genren. Dofir si seng Texter och keng platt Genreschablounen mä gescheit Diagnostik vum Zäitgeescht mat Humor an engem ausgeprägten Hang zu iwwerdriwwene Klischeeën, wéi z. B. an der éischter Single vum Album Satan Is Real

Dem Petrozza seng Oppenheet weist sech iwwerdeems och doduerch, dass bei dësem Stéck den Indie-Schnulzesänger Dagobert matgeschriwwen huet, a bei Fallen Brother esouguer däerf matsangen.

Doriwwer eraus huet déi italienesch Symphonic Death Metal Band Fleshgod Apocalypse bei den Orchester Deeler vu 4 Lidder matgeschafft a bei Gods Of Violence kënnt dat 12 Joer jonkt Tekla-Li Wadensten mat der Harf an den Asaz

Wat vu ville Kreator Fans bësse bedauert bis kritiséiert gëtt, ass, dass si hir Energie verluer hätten. Et ass wuel wouer, Kreator sinn 2017 net méi grad esou aggressiv a brutal wéi zu hiren Ufankszäiten, mä dofir hu si Plaz geschaf fir vill méi Kreativitéit, Orchestratioun a Melodie. An dës Elementer ginn op Gods Of Violence och ganz grouss geschriwwen:

Puriste wäerten deemno hire Problem mam Album hunn, Leit mat engem oppenen ouer an oppene Geescht freeë sech iwwert en Album voller schaarfen Riffer, déi ënnert schicke Melodie gallopéieren, séierem Double Bass an aggressivem Gejäitz. Ma gläichzäiteg sinn d’Lidder grandios an zum Deel epesch. Fir mech perséinlech déi bescht Kreator Release zënter Joren.

2. Release vun der Woch: Six Feet Under - Torment (5/10)

3 Woche virdrun, nämlech déi nächst Woch kënnt eng weider Death Metal Release, nämlech keng aner wéi déi vu Six Feet Under. Torment nennt sech den neien Album ronderëm de fréiere Cannibal Corpse Sänger Chris Barnes an e kënnt via Metal Blade eraus.

Eppes muss ech direkt virop soen: Ech ginn einfach net méi mam Chris Barnes als Sänger waarm. Fréier huet e sech Saach jo wierklech net schlecht gemaach, mä an der Lescht kléngt hien ëmmer méi wéi en 13 järege mat enger fatzeger Bronchite, dee mengt e misst growlen.. Net nëmme maache seng Growls dem Band Numm all Éier, well se esou ënnerierdesch kléngen, et ass och 0 Variatioun an de Vocals an et spiert an héiert ee richteg d’Problemer, déi hien huet, wann en z. B. Growls bësse méi laang wëll ausklénge loossen

D’Band u sech mat hirer Musek kënnt mat hirem 12. Album e Krack méi intensiv zréck. Op Torment gëtt et Tonne klassesche Six Feet Under Groove, ma Fans wäerten eng bësse méi aggressive Approche bemierken, mat esouguer relativ moderne Blast Beats. Den Opener an éischt Single Sacrificial Kill, wat plazeweis dann awer bëssen u Cannibal Corpse erënnert, ass heivir beschte Bewäis:

Leider ass dëst Stéck och gläichzäiteg e Paradebeispill dofir, dass Six Feet Under bësse langweileg a gelangweilt wierken. Well och wann d’Band heiansdo den Tempo erhéijt, sou  wierken déi meescht Riffer dach awer bësse forcéiert a wéi wa se vu Rifferinspiréiert gi wieren, déi all déi aner 0815 Death Metal Bands produzéieren…

Wat awer och net bedeit, dass den Album totale Schrott ass.. Ëmmerhin ass dëse schwéiere Groove jo d’Markenzeeche vum Cookimonster senger Band, a wann een net ze vill driwwer nodenkt a scho puer Béier intus huet, wäert ee wuel definitiv mat headbangen. An awer hätt ee sech bësse méi Originalitéit gewënscht. An et wier gutt, wann een duerch déi wierklech grausam Vocals net ëmmer misst laachen… oder kräichen..

Playlist

Iced Earth - Life And Death

Dust Bolt - Mass Confusion

Kreator - Satan Is Real

Exposer - 0.5 Save Me

Inzest - Pessimist Suicide

Obituary - Turned To Stone

Six Feet Under - The Seperation Of Flesh From Bone

Antropomorphia - Crown Ov The Dead

The Obsessed - Razor Wire

The Ocean - Rhyacian

Rezent Emissiounen

  • Metal Meltdown

    Kennt dir scho Coffin Curse aus Chile oder déi international Band The Bastard Within? Nee? Da lauschtert eran.

  • Metal Meltdown

    Neits aus der Metalwelt

  • Metal Meltdown

    Neits aus der Welt vum Metal.

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Suicidegefor am Alter: En Tabuthema

    Suicidegefor am Alter.png

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen