Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

An Apple A Day & Fit For An Autopsy

An Apple A Day

Virun enger Rei Jore waren An Apple A Day zimlech gutt ënnerwee. Nodeems si sech 2009 gegrënnt haten, koum 2012 hir éischt EP "The Fall Of Thera" eraus, si haten de Lëtzebuerger Metal Battle gewonn an hunn deemno um Wacken gespillt. Ma duerno ass et iergendwéi roueg ginn.. Firwat een op eemol näischt méi vun hinnen héieren huet, firwat si lo puer nei Bandmemberen hunn, a wat ee lo konkret vun der Band a vun hirer Split-EP Release de 24. Mäerz 2017 erwaarde kann, héiert der am Interview mam Sänger Ken a mam Bassist Eric.

Release vun der Woch: Fit For An Autopsy - The Great Collapse (8/10)

Am Review vun der Woch komme mir bei eng Band, déi bei SPV ënner Vertrag ass, nämlech Fit For An Autopsy. Hiren neien Album "The Great Collapse" ass de 17. Mäerz 2017 erauskomm an et as genee wéi bei all anerem Fit For An Autopsy Album bis well: En ass extrem gutt gemaach.

Et ass en Album, dee seng Message duerch d’reng Kraaft vun der 40 Minutte laanger Attack op d’Trommelfeller zum Ausdrock bréngt an engem d’Bild vun der aktueller Welt presentéiert. Vum Titel "Heads Will Hang", deen de Krich an déi westlech Welt bréngt, iwwert dat schmäerzhaft "Black Mammoth", wat Ëmweltproblemer thematiséiert bis hin zu "Iron Moon", wat sech géint d’Iddi stellt, dass mir all liewe fir ze schaffen, amplaz ëmgedréint, dësen Album léisst an engem Emotiounen opkommen, déi nawell zimlech depriméierend sinn an ee gläichzäiteg fatzeg rose mat der Welt maachen; an dat op eng ganz gekonnt Aart a Weis.

Am ganze sinn 9 Stécker um Album a keent dovunner ass derwäert iwwersprongen ze ginn. Héichpunkt ass awer definitiv "Black Mammoth", an deem Fit For An Autopsy hir Meenung zu der Standing Rock / Dakota Pipeline an den USA erklären.

Et ass natierlech net nëmmen de Message vum Album, deen engem ënnert d’Haut geet. Déi ganz Roserei huet d’Band wonnerbar mat hirer Musek ëmmantelt, wann een dat Wuert esou ka soen.. D’Gittariste rennen d’Grëffbriet erop a erof, d’Drums si fulminant gespillt an de gesamte Mix rappt ee mat. An am Verglach mat de Virgänger ass dësen Album esouguer nach e Krack méi heavy.

"The Great Collapse" ass en extrem gudden Album, deen nach no Jore wäert kënne gelauschtert ginn ouni langweileg an ofgelutscht ze wierken, a virun allem ass et en Album, deen och Leit kënne gutt fannen, déi sou wéi ech keen extrem grousse Frënd vun deathcore sinn..

Playlist

Opeth - Face of Melinda (Still Life; Peaceville Records; 1999)

Trial - Motherless (Motherless; Metal Blade; 2017)

An Apple A Day - Wastelands (Faceless; Independant; 2017)

Exposer - 0.5 Save Me (Faceless; Independant; 2017)

Warbringer - Remain Violent (Woe To The Vanquished; Napalm; 2017)

Harlott - The Penitent (Extinction; Metal Blade; 2017)

Fit For A Autopsy - Black Mammoth (The Great Collapse; SPV; 2017)

Nightrage - Bemoan (The Venomous; Despotz; 2017)

Der Weg Einer Freiheit - Einkehr (Stellar; Season Of Mist; 2015)

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

  • Moies-Magazin

  • On air

    Iwwer Mëtteg

  • Resonanzen

  • Spektrum

  • Ënnerwee

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen