Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Nationales & Earthgrave

Nationalfeierdag

Am Metal Meltdown geet et haut ganz am Sënn vun Nationalfeierdag just ëm lokal Bands. Deemno geet et och am Review ëm eng Band, déi zwar net per se Lëtzebuergesch ass, déi awer e Lëtzebuerger Frontmann huet, nämlech Earthgrave vun Tréier.

Album vun der Woch: Earthgrave - The Verge Of Human Abyss (7/10)

Een déckt Joer ass et eréischt hier, datt Earthgrave vun Tréier hir Debut-EP "Deathcold" erausbruecht hunn, elo ass well den éischten Album do. Den 10. Juni gouf et am Exhaus well d'Release Party an do konnt een den Album "The Verge Of Human Abyss" och kafen, mä offiziell kënnt en de 7. Juli eraus.

An op deem Album maachen Earthgrave do virun, wou si mat "Deathcold" opgehalen hunn, an hunn dat esouguer nach bësse perfektionéiert. Wéi och op der EP kann een d'Musek vun Earthgrave als grooveg Mëschung aus béisem Sludge an Hardcore bezeechnen, aus deem Aflëss vun ënnert anerem Crowbar ze héiere sinn, ouni datt et plagiativ kléngt. Dobäi schafen déi dräi Männer vun Tréier a Lëtzebuerg awer och Atmosphär, déi ënnert d'Haut geet, wéi z. B. direkt am Opener Transcendence.

Mä net nëmme Sample gi benotzt, déi fir dës Atmosphär suergen. E gudden Deel dovunner erreecht den Trio och duerch Elementer, déi méi aus dem Doom kommen an déi ganz Saach schéi schwéier wierke loossen.

Fir datt et net ze lues an net ze langweileg gëtt, suergen d'Museker während den aacht Stécker mat Tempowiessele fir genuch Dynamik an duerch interessant Melodien an agängege Passagen op der Gittar, z. B. am Stéck "A Dismal Nightmare".

"The Verge Of Human Abyss" ass deemno eng ofwiesslungsräich doomeg Sludgecore Scheif, déi op Headbangen aluet. Den Album kritt een, wéi gesot, vum 7. Juli un, an dat via WOOAAARGH a Black Omega Recordings. Fir Sammler gëtt et iwwregens och eng streng limitéiert Editioun op Kassett. An hei sinn Earthgrave mat der éischter Single vum Album, hei ass Trapped Existence.

Presentéiert vum David Wagener.

Playlist

ExInferis - Stabbed By The Cross (Defunctus In Heresi; Independant; 2004)
Cosmogon - Angry Tank (Chaos Magnum; Noiseworks; 2014)
Abstract Rapture - The Cancer In Your Soul (Single; Independant; 2016)
Desdemonia - Dare To Fail (Existence; Independant; 2010)
Scarred - Cinder (Gaia - Medea; Klonosphere; 2013)
Everwaiting Serenade - Masquerade (Single; Independant; 2017)
Earthgrave - Trapped Existence (Verge Of Human Abyss; WOOAAARGH / Black Omega Recordings; 2017)
Lost in Pain - Greed (Plague Inc.; Noiseworks; 2015)
Mindpatrol - A Marble Throne (The Marble Fall; Independant; 2015)
Feradur - A Gift From Malevolent Gods (Epimetheus; Independant; 2015)
Sleepers' Guilt' - Two Words (Kilesa; Independant; 2016)
Earthgrave - A Dismal Night (Verge Of Human Abyss; WOOAAARGH / Black Omega Recordings; 2017)

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen