Konferenzen

Enregistrementer vu Konferenzen zu aktuellen Themen.

© Exposition Pont Adolphe 1903 Musée Dräi Eechelen | Parc de la Pétrusse, projet d'aménagement attribué à Édouard André, non daté, non signé, 96 x 126,5 cm.

L'architecte-paysagiste Édouard André (1840-1911) ...

Den Édouard André, franséischen Architekt-Paysagist, Botaniker-Entdecker, Publizist an Theoretiker, deen zu senger Zäit bewonnert gouf, ass gréisstendeels a Frankräich an de Vergiess geroden. Dëst gëllt och fir Lëtzebuerg, obwuel et hie war, dee während 30 Joer Parken, Promenaden an ëffentlech Plaze bei eis am Land nei amenagéiert hat. Esou an der Stad Lëtzebuerg mat der spektakulärer Transformatioun vun de Festungsanlagen a Parken, oder d'Promenaden am Péitruss-Dall an op den Dräi Eechelen. Aner Amenagementer am Land ginn och op hien zréck: d'Parke vun de Schlesser, op der Kockelscheier, zu Bouferdeng an zu Mäertert. D'Konferenz déngt ë. a. dozou, dem Édouard André seng Wierker zréck an de Kontext vum ästheteschen Debat vun deemools, ronderëm de "nouveau style composite" ze setzen, vun deem hien ee fervente Protagonist war.

E Virtrag vum Marc Schoellen, Geschichtsprofesser an diploméiert an historescher Gaart-Architektur, fir den 100,7 verschafft vum Carlo Link.

Linken zu Artikele vum Marc Schoellen an der Kuturzäitschrëft Ons Stad:

- Edouard André, architecte-paysagiste, 1840-1911 http://onsstad.vdl.lu/uploads/media/ons_stad_58-1998_5-7.pdf     

- Le parc et les promenades de la ville de Luxembourg http://onsstad.vdl.lu/uploads/media/ons_stad_58-1998_2-4.pdf

Marc Schoellen © C. Link

 

Rezent Emissiounen

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen