Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Paradise Lost & The Haunted

Paradise Lost

Haut an enger Woch (01.09.2017) kënnt den neien Album vun de Gothic Metal-Grënner "Paradise Lost" eraus. Wat ee sech vum neien Album "Medusa" erwaarde kann, deen d'Band och de 27. September an der Kufa zu Esch wäert virstellen, gidd dir am Interview mam Gittarist Aaron gewuer.

Release vun der Woch: The Haunted - Strength in Numbers (10/10)

Haut koum den neien Album vun der schwedescher Melodic Death Thrash Groove Metal Band The Haunted eraus, "Strength in Numbers". A wann dir iech en nach net virbestallt hutt, da kaaft iech e spéitstens elo - en ass nämlech absolut derwäert an ech wäert iech elo probéieren ze erkläre firwat:

Déi exquisit Riffer, déi et och um Virgänger "Exit Wounds" well gouf, si bliwwen - et gëtt ee vun Ufank u matgerappt, an et ass ee schonn no engem eenzegen Duerchgang vum Album iwwerzeegt. Déi Tracks, déi nom proggeschen Opener kommen, an déi och als Single erauskomm sinn, weisen engem am Fong scho perfekt, wéi den Album viru geet: nämlech mat engem faszinéierende Mix aus bestrofende Riffer a breede, pakende Chorussen. D'Geschwëndegkeet vum Album gëtt doriwwer eraus ëmmer sou gehalen, dass een interesséiert bleift a mécht den Album sou zu engem ganz kuerzweilege Wierk.

"Strength in Numbers" ass een Album, op deem all Track ofliwwert, en ass ofwiesslungsräich, esouwuel am Opbau wéi och an den eenzelne Stécker; d'Lidder si grooveg, aggressiv a melodiéis zugläich an dacks catchy. Dovunner ofgesinn huet d'Band sech a Punkto Songwriting a Performance nach emol gesteigert. Déi intensiv rhythmesch Kraaft vun der Musek, kombinéiert mat der Power vum Marco Aro senge Vocals, fléisst duerch ee mat enger Well un Ouergasmen.

Et gëtt einfach kee Grond dësem Album keng 10/10 Punkten ze ginn! Wann der mir nach ëmmer net gleeft, checkt einfach mol hir neiste Single "Preachers of Death".

Playlist

Hail of Bullets - To Bear The Unbearable (On Divine Winds; Metal Blade; 2010)

Portrait - Mine to reap (Burn the World; Metal Blade; 2017)

Paradise Lost - The Longest Winter (Medusa; Nuclear Blast; 2017)

Samael - Red Planet (Hegemony; Napalm; 2017)

Ensiferum - The Way of the Warrior (Two Paths; Metal Blade; 2017)

Sons of Apollo - Signs of the Time (Psychotic Symphony; InsideOut; 2017)

The Haunted - Preachers of Death (Strength in Numbers; Century Media; 2017 )

Shining (Nor) - Healter Skelter (Live Blackjazz; Indie Recordings; 2011)

 

Rezent Emissiounen

  • Omnium Gatherum

    Am Interview ass de Gittarist a Grënner vun der finnescher Melodic Death Metal Band Omnium Gatherum.

  • Atomic Rocket Seeders

    D'Band ass nach ganz jonk, an awer huet si et op de Wacken gepackt: D'Atomic Rocket Seeders sinn am Interview.

  • Immortal

    Highlight vum Metal Meltdown haut: De Review vum neien Immortal Album Northern Chaos Gods

  • Metal Meltdown

    Nei Musek vun ënnert anerem Obscura, Revocation an Immortal.

  • Rotten Stones Festival

    Den Iwwerbléck mat den Organisateuren op de Festival zu Bäerdref an der Breechkaul

  • Wacken!!!

    Dee weltwäit gréisste Metal-Festival proposéiert vum 2. bis de 4. August bal 200 Bands op aacht Bühnen.

  • Marduk

    Am Mëttelpunkt vun der Emissioun steet den neien Album vum schwedeschen Urgestein Marduk, deen d'nächst Woch erauskënnt.

  • Anneke Van Griersbergen

    An den 90er ass si mat The Gathering bekannt ginn. Elo ass d'Anneke van Griersbergen nees mat engem neie Metal Projet zréck: Vuur

  • Kataklysm

    D'Kanadier vu Kataklysm sinn nees mat engem neien Album zréck: Meditations ass d'Metal Release vun der Woch.

  • At The Gates

    Mat e.a.dem neien Album vun der schwedescher Death Metal-Legend 'At The Gates', 'To Drink From The Night Itself'

  • W.O.A. Metal Battle

    Haut dréit sech am Metal Meltdown alles ëm de Wacken an ëm de Metal Battle 2018.

  • Fusion Bomb

    Déi jonk Thrash Metal Band Fusion Bomb huet eng nei Single dobaussen.

  • Lik

    Eng onbekannt Band aus Schweden, an där awer Museker aus anere bekannte Bands spillen.

  • Doomsday for the Deceiver

    De Bléck geet zréck an d'Joer 1986 - fir en Album, dee Kult ass am Genre Speed/Trash ...

  • Metalfestival Koplescht & Frostland

    Metal Meltdown goes Köln ... mat rout-wäiss-bloen Touch!

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen