Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Accept

Release vun der Woch: Accept - The Rise of Chaos (8/10)

Um Wacken dëst Joer hunn déi däitsch traditionell Heavy Metal Legende vun Accept hiren neien Album presentéiert. An de 4. August 2017 koum deen och eraus. The Rise of Chaos heescht dat gutt Stéck, et ass de 15. Album vun de Solinger an den éischten mam neien Drummer Christopher Williams an dem neie Gittarist Uwe Lulis. Um Gesang ass nees de Mark Tornillo, an domat huet dee lo genau sou vill Albume vun Accept gefrontet wéi den Udo Dirkschneider.

Och wann d'Band an der Tëscht 40 Joer al ass, kënnen Accept labber mat méi neien oder méi jonke Bands mathalen - sou vill Energie bréngen si op The Rise of Chaos eriwwer. Direkt am Opener Die By The Sword séngt e jäitzt den Tornillo jiddereen un, dass engem d'Ouere wech fléien an dat mat enger Treffsécherheet, immenser Kraaft a Präsenz. Dovunner kéinte sech vill méi jonk Sänger nach eppes ofkucken.

Och wann et duerno mat Hole in the Head méi lues viru geet, ass déi ursprünglech däitsch Band trotzdem mat hire seeënde Gittaren an hire fulminante Soloe schéin heavy.

Iwwert de ganzen Album geet et mat vill Ofwiesslung virun, et gëtt ëmmer nees gewiesselt tëscht schnellen Deeler a groovege Lidder, a suerge sou dofir, dass keng Langweil opkënnt. A mat esou Stécker wéi No Regrets knäppen Accept mat fette schwéiermetallesche Gittaren, mächtege Männer-choueren am aggressive Refrain a mat enger dramatescher Bréck ouni Problemer un al Klassiker un.

An eng Referenz u fréier Zäite gëtt et am Chorus vun Analog Man och, well een hei genee "Balls to the Wall" ka matsangen.

Fett a mat der Fauscht an der Luucht - op mannst wa se dat live spillen - geet et mat What's Done is Done virun; a mat Worlds Colliding weise sech Accept och emol vun hirer emotionaler Säit a mat der Héngerhautfinale gëtt de Quintett nach emol alles.

Mat Rise of Chaos beweisen Accept, dass een och no 40 Joer Bandgeschicht nach ëmmer relevant ka sinn.

Playlist

Sepultura  - Refuse, Resist (Chaos A.D.; Epic/Sony; 1993)

Trivium - The Sin And The Sentence (Single; Roadrunner; 2017)

August Burns Red - Invisible Enemy (Phantom Anthem; Fearless; 2017)

Decipher - L'Or Bleu (Intuition; Independant; 2016)

Der Weg eienr Freiheit - Aufbruch (Finisterre; Season of Mist; 2017)

Tombs - Walk With Me In Nightmares (The Grand Annihilation; Metal Blade; 2017)

Accept - Rise of Chaos (Rise of Chaos; Nuclear Blast; 2017)

Leng Tch'e - Stentor of Doom (Razorgrind; Season of Mist; 2017)

The Great Discord - Darkest Day (The Rabbit Hole; The Sign Records; 2017)

Architects - Nihilist (All our Gods have abandoned us; Epitaph; 2016)

Emperor - Thus Spake the Nightspirit (Anthems to the Welkin at Dusk; Candlelight; 1997)

Rezent Emissiounen

  • Metal Meltdown

    Nei Musek vun ënnert anerem Obscura, Revocation an Immortal.

  • Rotten Stones Festival

    Den Iwwerbléck mat den Organisateuren op de Festival zu Bäerdref an der Breechkaul

  • Wacken!!!

    Dee weltwäit gréisste Metal-Festival proposéiert vum 2. bis de 4. August bal 200 Bands op aacht Bühnen.

  • Marduk

    Am Mëttelpunkt vun der Emissioun steet den neien Album vum schwedeschen Urgestein Marduk, deen d'nächst Woch erauskënnt.

  • Anneke Van Griersbergen

    An den 90er ass si mat The Gathering bekannt ginn. Elo ass d'Anneke van Griersbergen nees mat engem neie Metal Projet zréck: Vuur

  • Kataklysm

    D'Kanadier vu Kataklysm sinn nees mat engem neien Album zréck: Meditations ass d'Metal Release vun der Woch.

  • At The Gates

    Mat e.a.dem neien Album vun der schwedescher Death Metal-Legend 'At The Gates', 'To Drink From The Night Itself'

  • W.O.A. Metal Battle

    Haut dréit sech am Metal Meltdown alles ëm de Wacken an ëm de Metal Battle 2018.

  • Fusion Bomb

    Déi jonk Thrash Metal Band Fusion Bomb huet eng nei Single dobaussen.

  • Lik

    Eng onbekannt Band aus Schweden, an där awer Museker aus anere bekannte Bands spillen.

  • Doomsday for the Deceiver

    De Bléck geet zréck an d'Joer 1986 - fir en Album, dee Kult ass am Genre Speed/Trash ...

  • Metalfestival Koplescht & Frostland

    Metal Meltdown goes Köln ... mat rout-wäiss-bloen Touch!

  • King Goat

    Kee Big Name, nach manner bekannt - mee gutt: King Goat kommen aus England, deen neien Album heescht "Debt Of Aeons".

  • Shadow's Night & Memoriam

    Am Interview sinn d'Shadowhispers an am Review ass den neien Album vu Memoriam.

  • Lost In Pain & Primordial

    Lost In Pain stellt hiren neien Album "Gold Hunters" de 7. Abrëll am Club vun der Rockhal vir.

Programm

Net verpassen

  • Offre d'emploi: 1 journaliste (m/f)

    Offre d'emploi: 1 journaliste (m/f)

    L'Etablissement de Radiodiffusion Socioculturelle, opérateur de la radio de service public radio 100,7, recrute, pour entrée immédiate ou à convenir, un(e) journaliste sous contrat à durée déterminée pour une durée de 12 mois et à plein temps.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen