Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Blind Guardian

Release vun der Woch: Blind Guardian - Live Beyond The Spheres (8/10)

Zweeanhallef Joer no hirem leschte Studio-Album Beyond The Red Mirror resuméiere Blind Guardian hir massiv Tour mat engem neie Live-Album. Live Beyond The Spheres nennt e sech an et gëtt en als dräifach CD oder Véierfach Vinyl. Ähnlech wéi bei anere Live Release vun de Krefelder gëtt et op Live Beyond The Spheres och net nëmmen ee Concert, mä Matschnëtter vun enge 15 verschiddene Concerten, déi si op hirer Europa-Tour 2015 gespillt hunn. Dobäi gëtt et zwouanhallef Stonne Programm, mat engem gudde Mix aus méi neie Stécker wéi Prophecies oder Wheel of Time an natierlech de Klassiker à la Lord of The Rings oder Valhalla

Wie Blind Guardian op där Tour erlieft huet, huet matkritt, dass d'Stécker vu Beyond The Red Mirror extrem gutt live funktionéieren. An d'Muecht, déi dës nei Stécker live ausstrahlen, kënnt um Live Album och extrem authentesch eriwwer.

Och de Sound ass fir Blind Guardian Verhältnisser zimlech réi an net vill poléiert, sou wéi et op engem Live Album si soll. D'Performance vun der Band ass makellos, virun allem de Frontmann Hansi Kürsch brilliéiert wéi gewinnt an all Tounlag

Duerch den Zesummeschnëtt vu verschiddene Concerten fléisst den Album natierlech net esou, wéi wann et just ee Concert wier. Virun allem tëscht de Lidder fält dat natierelch op. Am grousse ganzen ass de Mix awer gutt gelongen

Fir Fans ass et op alle Fall een Album fir an d'Sammlung, ma och fir Leit, déi Blind Guardian net kennen ass en ideal, well en eben e gudden Iwwerbléck iwwert d'Carrière vun der Band liwwert.

Playlist

System of a Down - Prison Song

Brant Bjork - Controllers Destroyed

Rhino - I See Monsters

The Haunted - Spark

Insanity Alert - Pact With Satan

End of Green - Send in the Clowns

Blind Guardian - Mirror Mirror (Live)

Adimiron - The Sentinel

Russkaja - Mare Mare

Roxin Palace - Monsters Love

Rezent Emissiounen

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

  • Witherfall

    Am Interview sinn de Gittarist an de Sänger vun der Band Witherfall, den Jake Dreyer an den Joseph Michael, et geet ëm hir nei EP "Vintage".

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen