Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

The Haunted & Retrace my Fragments

The Haunted

Strength in Numbers, sou heescht jo den neien Album vun The Haunted, deen ech iech well virun e puer Wochen am Metal Meltdown presentéiert hat. Am Kontext vun der Release vun dësem zweeten Album mam aktuelle Line-Up, hunn ech mam Sänger Marco Aro en Interview gemaach en hien ënnert anerem gefrot, wéi gutt den aktuelle Line-Up zesumme funktionéiert, wéi et beim Songwriting hirgeet a wéi eng Roll hir Aktivitéiten an de sozialen Netzwierker sou spillen, déi jo virun allem de Gittarist Ola Englund fir sech entdeckt huet..

Release vun der Woch: Retrace my Fragments - Tidal Lock (8/10)

Den nächste Freideg, den 22. September bréngen d'Technical Death Metaller Retrace My Fragments hir nei EP Tidal Lock eraus. Et ass eng EP mat 3 Lidder, dofir kann ech se an dësem Review carrément Track fir Track duerchhuelen.

Dat éischt Lidd "Khlav Kalash", wat wuel eng Referenz op de leckeren Fleesch-Spieß aus de Simsons soll sinn, fänkt éischter roueg un, notamment mat eppes wat no enger Midi Sequenz aus engem 90er Action Spill kéint kommen. Ongewinnt, awer cool. A cool geet et och mam éischte richtege Riff virun, dee richteg fett ass Groove huet. Op den éischte Bléck ass bis elo alles, am Verglach zum Virgänger Ethereal Flux, relativ ontechnesch gehal; bis op d'Batterie, déi gekonnt de Groove spilleresch ënnermoolt. Puer Minutten an d'Lidd eran, geet et dann awer nees méi technesch virun, awer net méi grad esou verréckt, wéi een dat vu Retrace gewinnt ass, iert et dann nees bësse méi grooveg gëtt. D'Melodien a Soloe sinn awer nach ëmmer grad esou virtuos wéi gewinnt. A sou gëtt sech dat ganzt Lidd ofgewiesselt, woubäi déi eenzel Riffer awer quasi net widderholl ginn. Progressiv si Retrace also bliwwen, wann och manner technesch.

Wat iwwregens zimlech séier opfält ass de Manktem u Gesang. Well de Sänger vu Retrace Marty an der Tëscht nëmme méi heiansdo am Land ass, huet sech d'Band entscheed, getrennte Weeër ze goen. An dat ass net dramatesch, well och ouni Gesang kléngen déi nei Lidder net, wéi wann eppse géif feelen. All Riff an all Melodie ass interessant a cool genuch fir alleng am Fokus ze stoen. Eenzege Bemol: Doduerch, dass de Gesang feelt, kënnt dat éischt Lidd am Ufank bësse riwwer wéi en Intro, wat bei enger EP vu just 3 Lidder am Fong iwwerflësseg ass.

Dat zweet Stéck "Le Bison de Hoggs" kléngt nees bësse no deem, wat ee vu Retrace gewinnt ass: verzwickte Riffer a virtuos Melodien, bezéiungsweis Soloen dominéieren hei ganz kloer. Dee selwechte Programm och am drëtten Track "Laserbrain", an deem Retrace relativ am Ufank e Voice Over vun der Princess Leia aus Star Wars agebaut hunn, an den Track wuel och esou säin Numm kritt huet. Laserbrain ass dann och dat Stéck, wou d'Gittariste vu Retrace nees dee Geek eraushänke loossen an nees bësse méi spilleresch a verréckt ginn.

Ma och hei feelt de Groove net, esou dass der Band mat "Tidal Lock" nees eng gesond Mëschung aus techneschem Prog a fettem Groove mat vill Headbang-Potential gelongen ass. Dass Retrace mam Schwieregkeetsgrad vun de Riffer zréckgeschrauft hunn an d'Lidder och net méi esou chaotesch sinn, ass hir Musek op Tidal Lock e Stéck méi zougänglech. Alles an allem eng EP, déi et sech lount a senger Sammlung ze hunn, a vun där een och d'Persentatioun den nächste Freideg am Rockhal Floor net sollt verpassen.  

Playlist

Entombed - Stranger Aeons (Clandestine; Earache; 1991)

Cripper - Mother (Follow ME: Kill!; Metal Blade; 2017)

The Haunted - Spark (Strength In Numbers; Century Media; 2017)

Annihilator - Twisted Lobotomy (For The Demented; Neverland Music Inc.; 2017)

Ensiferum - For Those About To Fight For Metal (Two Paths; Metal Blade; 2017)

Decipher - L'Or Bleu (Intuition; Independent; 2017)

Retrace My Fragments - Laserbrain (Tidal Lock; Independent; 2017)

Cosmogon - Intro (Chaos Magnum; Independent; 2014)

Rezent Emissiounen

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

  • Witherfall

    Am Interview sinn de Gittarist an de Sänger vun der Band Witherfall, den Jake Dreyer an den Joseph Michael, et geet ëm hir nei EP "Vintage".

  • Metal Meltdown

    Am Interview sinn dës Woch d'Shadowhispers, déi iwwert hiren neie Projet "Metal & Pipes" schwätzen.

  • Metal Meltdown

    Nei Musek vun ënner anerem Amon Amarth, Allegaeon, Baroness an Asathor

  • Wacken 2019

    En Ausbléck op d'Highlights vum Wacken 2019

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen