Metal Meltdown

Freides um 21.00
Samschdes um 23.00 David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

High Fighter & Satyricon

24. Sep 2017 - 00:00

High Fighter

High Fighter aus Däitschland hu sech réischt vru puer Joer gegrënnt, notamment 2014. Schonn ee Joer drop hu si vill getourt, mëttlerweil hu si eng EP an en Album dobaussen an dëst Joer hu si souguer schonn um Wacken am Zelt gespillt. Eppes, wat ee schonn als keng schlecht Leeschtung ka bezeechnen. Wéi si dat fäErdeg bruecht hunn, wéi bei hirer Zort vu Mëschung de Songwriting fonktionéiert a wéi eng Roll Weed bei hirer Musek spillt, hu si mir am Interview um Wacken verroden.

Release vun der Woch: Satyricon - Deep Calleth Upon Deep (9/10)

4 Joer no hirem leschte Studio Album hu Satyricon gëschter um 22. September hiren neisten Album Deep Calleth Upon Deep erausbruecht. An um Album fënnt een eng revitaliséiert Versioun vu Satyricon, déi dat perfektionéiert hunn, wat si op hirem self-titled leschten Album ugefaangen hunn, nämlech sech nei ze fannen, wann net, ze erfannen.

Algemeng kann ee soen, dass Satyricon um neie Wierk e gewaltege Schrëtt no vir maachen, an dat mat engem frësche Versteesdemech vun hirer Bestëmmung, doduerch dass si Elementer vun ALL friéerem Satyricon Album huelen, dës zesumme schmëlzen an nei schmidden, ouni dobäi no engem verzweifelte back to the roots Versuch ze kléngen.

D'Resultat dovunn ass souwuel a Punkto Songwriting wéi och a Punkto Performance & Produktioun e Krack méi grouss, méi gewot a méi selbstbewosst. Dem Satyr seng markant Riffer sinn op Deep esouwuel méi stramm wéi och méi melodesch ginn, säi Spille méi iäifreg a méi schäerf, mat méi Hooks, méi Gëft a bësse manner Groove, och wann dësen net feelt.

Wat de Frost ugeet, sou huet dësen - mol ofgesi vu sengem Asaz bei de Black Metaller 1349 - scho laang net méi sou energesch a lieweg geklongen, wéi um neien Album.

Et ass awer am Endeffekt de ganze Songwriting, dee méi tight, méi konzentréiert a méi ambitiéis ass, wouduerch déi gréissten Ännerungen a Verbesserungen um neie Satyricon Album ze erkenne sinn.

Fans vun der Band hire méi ale Wierker wäerte Stécker wéi den Opener Midnight Serpent oder Dissonant gären hunn, déi dach stäerk u Wierker wéi Rebel Extravaganza oder Volcano erënneren, och wa si sech mat engem neien an anere Sound mussen zefridde ginn. Lidder wéi déi neiste Single To your brethren in the Dark oder Black Wings and Withering Gloom werfen op der anerer Säit e Schiet a Richtung The Shadowthrone oder Nemesis Divina. Ma och Referenzen u méi Hook-lasteg Albume wéi Now, Diabolical oder grooveg a melodiséis Albume wéi The Age of Nero gi mat Songs wéi Blood Cracks Open the Gruond oder dem Titeltrack net vernoléissegt.

Fans, déi sech un den neie Sound gewinne kënnen, wäerte mat mir averstane sinn, wann ech soen, dass Deep Calleth Upion Deep ouni Problem de beschte Satyricon Album zënter laangem ass.

Playlist

Motörhead - Love Me Like A Reptile (Ace Of Spades; Bronze Records; 1980)

Cannibal Corpse - Code Of The Slashers (Red Before Black; Metal Blade; 2017)

High Fighter - Darkest Days (Scars & Crosses; Svart Records; 2016)

Cradle of Filth - Achingly Beautiful (Cryptoriana - The Seductiveness Of Decay; 2017)

The Black Dahlia Murder - Matriarch (Nightbringers; Metal Blade 2017)

Samael - Black Supremacy (Hegemony; Napalm; 2017)

Satyricon - To Your Brethren In The Dark (Deep Calleth Upon Deep; Napalm; 2017)

Belphegor - Baphomet (Totenritual; Nuclear Blast; 2017)

Paradise Lost

Lauschteren

Rezent Emissiounen

• Miles to Perdition & Scarlet Anger

  25. Mäe 2016 - 21:00

  Miles to Perdition vertriede Lëtzebuerg dëst Joer um Musek Open Air Festival Wacken.

• Metal vs. Cancer

  18. Mäe 2016 - 21:00

  Och an der Metalzeen gi regelméisseg Concerte fir de gudden Zweck organiséiert.

• Scarlet Anger

  11. Mäe 2016 - 21:00

  Den neien Album vun de lokalen Thrasher Scarlet Anger, deen d'Band um Metalfestival zu Koplescht presentéiert.

• Metal Meltdown goes Entombed (A.D.)

  04. Mäe 2016 - 21:00

  Am Metal Meltdown dréint sech dës Kéier alles ëm Entombed A.D.. Et gëtt en Interview mam L.G. Petrov an e Review vum neisten Album Dead Dawn, deen Enn Februar erauskomm ass.

• Nordic Rock & Sleepers' Guilt

  26. Feb 2016 - 21:00

  An der Emissioun Metal Meltdown geet et haut ënnert anerem ëm den Nordic Rock, dem Metal- a Rockfestival, deen all Joer am Norde vum Land stattfënnt, an dir kritt déi nei CD vu Sleeper’s Guilt virgestallt. Eng Emissioun vum David Wagner.

• Metal Meltdown goes Machine Head!

  19. Feb 2016 - 21:00

  Och wann hire Concert dës Woch huet missen ofgesot ginn: Machine Head sinn Headliner am Metal Meltdown!

• Sleepers' Guilt & The Majestic Unicorns From Hell

  12. Feb 2016 - 21:00

  Haut schwätzt den David mat de Museker vu Sleepers Guilt iwwert hiren neien Album a stellt iech och den neien Album vun de Majestic Unicorns From Hell vir.

• Soleil Noir, Everwaiting Serenade & Fleshgod Apocalypse

  05. Feb 2016 - 21:00

  Am Metal Meltdown geet et haut ënnert anerem ëm eng speziell Serie vu Concerten am Mudam, et gëtt Neiegkeeten aus der lokaler Zeen an den Agenda vun den nächste Concerten.

• The Majestic Unicorns From Hell, Sleepers' Guilt & Spoil Engine

  29. Jan 2016 - 21:00

  Am Metal Meltdown gëtt haut en Tour de Table ronderëm de Metal Battle gemaach an am Interview stellen The Majestic Unicorns From Hell hiren neien Album vir.

• Exposer, Borknagar & Machine Head

  22. Jan 2016 - 21:00

  An der Emissioun Metal Meltdown stellt den David Wagner haut eng nei lëtzebuerger Band vir an et ginn Tickeën ze gewannen fir den ausverkaafte Concert mat Machine Head de 17. Februar am Atelier.

• Lemmy, Motörhead & Aborted

  15. Jan 2016 - 21:00

  D'Aktualitéit aus der Lëtzebuerger Metal Zeen, Réckbléck op dem Lemmy säi Begriefnis, d'Metal Release vun der Woch an den Agenda mat den nächste Concerten.

• Metal Battle 2016 & Do You Even Metal?

  08. Jan 2016 - 21:00

  D'Aktualitéit aus der Lëtzebuerger Metal Zeen, de Metal Battle vum 19. März, d'DVD "Do You Even Metal?", déi et ze gewanne gëtt an den Agenda mat den nächste Concerten.