Invité am Moies-Magazin

Claude Bertemes, Direkter vun der Cinemathéik

1997 hat de Claude Bertemes fir de Poste vum Direkter vun der Stater Cinemathéik postuléiert a krut den Job. Hien huet e Film-Archiv virfonnt, dat iwwerraschend breetgefächert opgestallt war. Een Avantage: bis haut gëtt d'Cinemathéik dacks vun Etablissementer aus dem Ausland gefrot, fir Filmkopien auszeléinen. De Bestand gouf an deene leschten zwee Joerzéngte konsequent ausgebaut. Bei der Programmatioun vu Filmer ass dem Claude Bertemes Kontextualiséierung immens wichteg, an t'ass och do, wou hien eng vun deene wichtegste Funktioune vun der Cinemathéik gesäit. Am Ozean vun den audiovisuelle Méiglechkeeten, déi de Leit mëttels klassesche Kinoen, Video-on-Demand-Offeren, Netflix, Blue Ray-DVDen, asw zur Verfügung stinn, bitt d'Cinemathéik Explikatiounen, Orientéierung, Méiglechkeet fir Begéinunge mat Experten a VertriederInne vun der Siwenter Konscht, grad ewéi Film-Concerten a villes méi. D'Cléo Thoma féiert duerch d'Gespréich.

Rezent Emissiounen

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen