Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

L. A. Guns & Samael

L.A. Guns

No bal 15 Joer kënne Fans vun der Band L. A. Guns sech nees iwwert en authenteschen Album freeën, nodeems d'Bandmemberen, déi sech Ufank vun den 2000er getrennt haten a mat zwou Versioune vun der Band mam selwechten Numm weidergemaach hunn, elo nees zesummefonnt hunn an och zesummen en neien Album gemaach hunn. De Sänger Phil Lewis ass dem David Wagner säin Invité.

Release vun der Woch: Samael - Hegemony (7,5/10)

6 Joer no hirem leschte Studioalbum hu sech Samael dëse Mount mat hirem neien Album Hegemony zréckgemellt. De mëttlerweil eeleften Album vun de Schwäizer kënnt domat passend zum drësseg-järege Bandjubiläum. Souwuel den Titel wéi och de Cover vum Album maachen en zimlech dystopeschen Androck an erënneren dach bëssen un Illuminati, notamment d'Dräieck an d'Aen um US-Dollar Schäin. An dorëms schéngt et och um Album ze goen.

Stilistesch si Samael op Hegemony deem trei bliwwen, wat si och well déi lescht puer Albume gemaach hunn, et ass also relativ wéineg Black Metal am kalssesche Sënn vum Wuert, grad esou wéineg Elektro Elementer à la Passage oder Eternal gëtt et, och wann ee vun dësem Album kloer ka soen, dass et sech ëm Industrial Black Metal handelt. Dat ganzt ass dann och nees wéi gewinnt zimlech symphonesch; d'Gittaren an d'Drums weise sech wéi ëmmer stampfend, déi eng oder aner Kéier awer och mol gäre schwéierfälleg, sou dass et scho bëssen death-doomeg gëtt.

A Punkto Melodie ass virun allem Rite of Renewal ze ernimmen, ma och ganz hannen um Album si puer ganz staark Stécker ze fannen, wéi z. B. Dictate Of Transparency an een Track mat deem ech net gerechent hat, nämlech e Cover vun de Beatles hirem Helter Skelter.

En negative Punkt op Hegemony ass awer deen, dass et relativ wéineg Dynamik gëtt an all Lidd iergendwié ähnlech kléngt. Och wann dës duerchaus cool sinn, vermësst een dach awer bëssen d'Ofwiesslung. E richtegen Highlight gëtt et deemno och net, ma duerch déi agängeg Melodien an déi typesch Samael Atmosphär ass den Album awer gelongen.

Playlist

Sepultura - Beneath the Remains (Beneath The Remains; Roadracer; 1989)

Trivium - Betrayer (The Sin And The Sentence; Roadrunner; 2017)

L.A. Guns - Speed (The Missnig Peace; Frontiers Music; 2017)

Cannibal Corpse - Red Before Black (Red Before Black; Metal Blade; 2017)

Arch Enemy - The Race (Will To Power; Century Media; 2017)

Samael - Hegemony (Hegemony; Napalm; 2017)

Apocalyptica - Harvester Of Sorrow (Plays Metallica By Four Cellos; Mercury/Universal; 1996)

Cultura Tres - Waiting For You (La Secta; Independent; 2017)

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen