Hidden Jazz Gems

Pit Dahm Pol Belardi

De Pit Dahm an de Pol Belardi wulle ganz déif an den Jazzarchiven a presentéiere munch ongeschlaffen Diamanten. Vill Museker hunn Opnamen an Diske gemaach, déi am Schied vun hire grousse populären an incontournabele Produktiounen iwwersi goufen. Oder et si Wierker vu Museker, déi aus diverse Grënn nieft hiren Zäitgenossen net déi Unerkennung kritt hunn, déi si eigentlech verdéngt hätten. A ville Fäll sinn dës verstoppte Schätz esouguer méi räichhalteg a raffinéiert wéi déi, déi et schlussendlech an de Palmarès vun de meescht verkaafte Produktioune gepackt hunn.

Chick Corea - Now he Sings, now he Sobs

"Now he sings, now he sobs. Now he beats the drum, now he stops" ass en Deel aus dem chineseschen "I Ching", en antikt reliéis-philosophescht Manifest. Dëse Saz huet den Chick Corea zu dësem Album aus dem Joer 1968 inspiréiert. Zesumme mam Roy Haynes, dee mat sengem 43 Joer déi Zäit schonn en erfuerene Museker war, an dem jonken a feirege Miroslav Vituous um Kontrabass, huet de Corea hei en Album gezaubert, dee sengesgläiche sicht. Eng eklektesch Mëschung vu Piano-Trios-Jazz aus der Post-Bop-Ära mat impressionisteschen Aflëss, modern Kompositioun a Re-Kompositioun an e Pianosspill, dat déi Zäit mat Äifer vu villen anere Pianisten am Detail studéiert gouf, markéieren dës zweet Plack ënner eegenem Numm vum Chick Corea.

Presentéiert vum Pol Belardi a Pit Dahm.

Rezent Emissiounen

  • Oscar Peterson - Motions & Emotions

    Beschtens encadréiert vum Claus Ogerman Orchestra, presentéiert den Oscar Peterson en Album, dee grad sou gefälleg, wéi och subtil arrangéiert ass.

  • Chet Baker Sings

    Den Chet Baker, en Trompettist dee séngt oder e Sänger deen Trompett spillt? Ob dësem Album aus dem Joer 1954 ... béides!

  • Charles Mingus

    Net nëmmen ee vun deene wichtegste Kontrabassisten a Komponisten an der Jazzgeschicht, mee och en gefillsvollen a kreative Pianist.

  • Oscar Pettiford

    Dem Grousspapp vum modernen Jazz-Kontrabass säi Wierk als Leader ass och beandrockend.

  • Pablo Held

    E jonken däitschen Jazz Pianist, dee sech an de leschte Joren en Numm gemaacht huet mat sengem Trio mam Jonas Burgwinkel op der Batterie an dem Robert Landfermann um Bass.

  • Nate Smith - Kinfolk: Postcards from everywhere

    No enger faarweger Carrière als Sideman op der Batterie, säin éischten Projet als Leader

  • Kendrick Scott

    E Batteur, deen an de leschte 15 Joer an der Jazzzeen vill fir de Mix vu verschiddene Stiler gemaacht huet.

  • Lennie Tristano

    Ee vun den ënnerschätzen Jazz-Pianisten: Seng Approche zum Instrument war eenzegaarteg a virun allem säi Sënn fir melodesch Konstruktioun an Improvisatioun sinn onverkennbar.

  • FLY - Sky & Country

    Den Trio FLY

  • Derrick Hodge

    Als Sideman vu bekannte Museker wéi dem Terence Blanchard, Robert Glasper, Mos Def an nach villen Aneren gouf den Derrick Hodge bekannt an am Joer 2013 war et dunn un der Zäit fir e Solo Album erauszebréngen mam Titel "Live Today". 
     

  • Herbie Hancock - Takin' Off

    Dem Pianist säin éischten Album ënner eegener Leedung weist nach staark Hard-Bop-Zich op, kann awer trotzdeem duerch en erfrëschenden Drive a visionären Iddie punkten. 

  • Nir Felder - Golden Age

    Den Next Big Jazz Guitarist weist um Album "Golden Age" androcksvoll, datt hien eng staark Stëmm huet a méi ass, wéi just een exzellente Adept vun de sechs Säiten.

  • Anders Christensen

    D'Legend um Kontrabass hat mat jonken onbekannte Museker eng richteg Pärel erausginn: den Album "AC-Trio".

  • Dave Pike

    Ee vun de Museker, dee leider dacks vergiess gëtt, obwuel dësen aussergewéinleche Vibraphonist vill fir den Jazz gemaach huet.

  • John Escreet

    E jonke britesche Pianist

Programm

  • Resonanzen

  • On air

    Spektrum

  • Noriichten

  • Ënnerwee

  • Panorama

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen