Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Anger Fest 2017

Anger Fest Vol. II

Am Interview ass den Organisateur vum Benefiz-Festival Anger Fest Vol.2 - Metal Against Animal Cruelty (25.11. Kufa Esch). Mat derbäi sinn Exposer, Sublind, Cosmogon, Scarlet Anger, Last Prophecy a Burning Witches. De Vince Niclou erzielt eis bëssen iwwert de Feedback vun zejoert, stellt de Line-Up vun dësem Joer vir an erzielt, wien d'Suen, déi erakommen, dann dës Kéier gespent kritt.

Release vun der Woch: Cavalera Conspiracy - Psychosis (8,5/10)

De Max Cavalera schéngt sech lues awer sécher ëmmer méi vun deem ze distanzéieren, wat hien deemools, nach mat Sepultura, mat Roots ugefaangen huet - notamment immens vill Groove an Tribal Elementer an der Musek ze verschaffen. Mat Soulfly huet hie bekanntlech do viru gemaach, wat e mat Roots ugefaangen hat a mat sengem anereProjet, deen en zesumme mat sengem Brudder op d'Been gestallt huet, nämlech d'Cavalera Conspiracy, war et am Ufank och bëssend'selwecht. Ma esouwuel bei Soulfly, wéi och bei Cavalera Conspiracy goung et an de leschte Joren nees méi a Richtung old school Sepultura. Zwar sinn déi brasilianesch Bëschkläng ni ganz aus dem Cavalera senger Musek verschwonn, ma mat Roots huet alles, wat déi zwee hautesdags maachen, just nach wéineg ze dinn.

Psychosis, den neisten Album vu Cavalera Conspiracy, deen haut erauskomm ass, ass de beschte Bewäis dofir. Och wa Roots cool war an den Tribal Nu Metal vu Soulfly mech och eng ganz laang Zäit begeeschtert huet, mierken ech awer ëmmer nees, dass de Cavaleraen hiert Material besser gëtt, wat si sech méi vun hirem eegenen Nu Metal ewech beweegen - a Psyhosis ass wuel och dee Cavalera Album, deen am noosten un dat erukënnt, wat Sepultura op Schizophrenia, Beneath The Remains oder Arise gemaach hunn..

Ganz op den Nu Metal verzichten d'Cavalera Bridder op Psychosis dann awer net, wat virun allem duerch Effekter héierbar gëtt, déi dacks iwwerflësseg sinn a vum Wesentlechen oflenken, wéi z. B. d'orientalesch Gittar an Impalement Execution.

Esou Elementer anzebauen ass natierlech net verbueden an et gëtt vill Bands an allméigleche Genre maachen, ma op engem Album, deen ee sou gutt fënnt, well een d'Gefill huet, dat hätt kënnen dat sinn, wat Sepultura gemaach hätten, hätte si Roots ni erausbruecht an hätt de Max d'Band ni verlooss..., bëssen onnéideg.

Trotz dëse klenge Schéinheetsfeeler ass Psychosis wuel de beschte klassesche Sepultura Album zënter Chaos A.D.

Playlist

Vader - Dark Age

The Unguided - Blodbad (Live)

Burning Witches - Black Widow

Amberian Dawn - Dragonflies

Adimiron - Stainles

Cannibal Corpse - Red Before Black

Cavalera Conspiracy - Spectral War

RAM - On Wings of No Return

Testament - More Than Meets The Eye

Kraton - Tyrant

Rezent Emissiounen

  • Scarlet Anger

    Den neien Album vun de lokalen Thrasher Scarlet Anger, deen d'Band um Metalfestival zu Koplescht presentéiert.

  • Metal Meltdown goes Entombed (A.D.)

    Am Metal Meltdown dréint sech dës Kéier alles ëm Entombed A.D.. Et gëtt en Interview mam L.G. Petrov an e Review vum neisten Album Dead Dawn, deen Enn Februar erauskomm ass.

  • Nordic Rock & Sleepers' Guilt

    An der Emissioun Metal Meltdown geet et haut ënnert anerem ëm den Nordic Rock, dem Metal- a Rockfestival, deen all Joer am Norde vum Land stattfënnt, an dir kritt déi nei CD vu Sleeper’s Guilt virgestallt. Eng Emissioun vum David Wagner.

  • Metal Meltdown goes Machine Head!

    Och wann hire Concert dës Woch huet missen ofgesot ginn: Machine Head sinn Headliner am Metal Meltdown!

  • Sleepers' Guilt & The Majestic Unicorns From Hell

    Haut schwätzt den David mat de Museker vu Sleepers Guilt iwwert hiren neien Album a stellt iech och den neien Album vun de Majestic Unicorns From Hell vir.

  • Soleil Noir, Everwaiting Serenade & Fleshgod Apocalypse

    Am Metal Meltdown geet et haut ënnert anerem ëm eng speziell Serie vu Concerten am Mudam, et gëtt Neiegkeeten aus der lokaler Zeen an den Agenda vun den nächste Concerten.

  • The Majestic Unicorns From Hell, Sleepers' Guilt & Spoil Engine

    Am Metal Meltdown gëtt haut en Tour de Table ronderëm de Metal Battle gemaach an am Interview stellen The Majestic Unicorns From Hell hiren neien Album vir.

  • Exposer, Borknagar & Machine Head

    An der Emissioun Metal Meltdown stellt den David Wagner haut eng nei lëtzebuerger Band vir an et ginn Tickeën ze gewannen fir den ausverkaafte Concert mat Machine Head de 17. Februar am Atelier.

  • Lemmy, Motörhead & Aborted

    D'Aktualitéit aus der Lëtzebuerger Metal Zeen, Réckbléck op dem Lemmy säi Begriefnis, d'Metal Release vun der Woch an den Agenda mat den nächste Concerten.

  • Metal Battle 2016 & Do You Even Metal?

    D'Aktualitéit aus der Lëtzebuerger Metal Zeen, de Metal Battle vum 19. März, d'DVD "Do You Even Metal?", déi et ze gewanne gëtt an den Agenda mat den nächste Concerten.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen