Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Mindpatrol

Release vun der Woch: Mindpatrol - Vulture City (7,5/10)

Et gëtt d'Band réischt déck 5 Joer, ma hunn awer schonn duebel sou vill Opweises wéi aner Lëtzebuerger Bands, déi well duebel sou al sinn. Mindpatrol hu sech am Summer 2012 gegrënnt an hu well 2 Konzept-Albumen dobaussen, an elo an 2 Woche kënnt den drëtte Konzept-Album vun der progressiver Metal Band eraus. A sou wéi ëmmer gëtt et och fir dësen Album e Buch mat der passender Geschicht dozou. Vulture City nennt sech dat Stéck an alt nees huet sech déi jonk Band e Krack weider entwéckelt.

Dat éischt, wat engem beim Lauschteren opfält, ass de massive Sound, fir deen dës Kéier de Sebastian Levermann vun Orden Ogan veranwortlech, deen haaptberufflech Sound Engineer ass.

E gudde Krack no uewe goung et och a Punkto Gittaren, notamment wat d'Soloen ugeet, fir déi de Gittarero Miguel verantwortlech ass. An dat si fulminant a verspillte Soloen, déi wëssen ee matzerappen.

Generell huet sech och de gesamte Songwriting verbessert. Och wa Mindpatrol nach ëmmer vill verschidde Genre an hir Musek mat apaken, huet dat ganzt nach bësse méi e roude Fuedem duerch dat ganzt, wéi dat nach op de virëschten Albumen de Fall war.

An awer klappt et och net ëmmer, hei an do gëtt et awer nach ëmmer déi eng oder aner hoplerlech Iwwergäng an Harmonien, déi mat Dissonanz sollen no Black Metal kléngen, an am Endeffekt awer bësse wéi dinn an den Ouren.

Allgemeng passt mëttlerweil awer alles besser beienee, wéi nach fréier, an et gëtt och nach méi Groove an Headbanger Momenter.

Gutt verbessert huet sech iwwregens och de Gesang vum Frontmann Luc François, dee sehc no sengem Faux-Pas a Punkto cleane Gesang um 1. Album um 2. Album bëssen zréckgehalen huet, a sech lo lues awer sécher nees bëssen eruntraut.

Ma och do ass nach ëmmer Verbesserungspotential. Et ass op alle Fall derwäert sech den Album unzelauschteren an d'Band op hirer Release den 9. Dezember an der Kufa ze ënnerstëtzen.

Playlist

Black Sabbath - Children of the Grave

Hooded Menace - In Eerie Deliverance

Apophys - Deadlock

Goatwhore - Command To Destroy

Kreator - Hail to the Hordes

Machine Head - Beyond the Pale

Mindpatrol - dat neit

Day of Errors - Blasphemous at Creation

Tribulation - The Lament

Accuser - Mission: Missile

Stone Sour - Threadbare

Mastodon - Jaguar God

Rezent Emissiounen

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen