Hidden Jazz Gems

Pit Dahm Pol Belardi

De Pit Dahm an de Pol Belardi wulle ganz déif an den Jazzarchiven a presentéiere munch ongeschlaffen Diamanten. Vill Museker hunn Opnamen an Diske gemaach, déi am Schied vun hire grousse populären an incontournabele Produktiounen iwwersi goufen. Oder et si Wierker vu Museker, déi aus diverse Grënn nieft hiren Zäitgenossen net déi Unerkennung kritt hunn, déi si eigentlech verdéngt hätten. A ville Fäll sinn dës verstoppte Schätz esouguer méi räichhalteg a raffinéiert wéi déi, déi et schlussendlech an de Palmarès vun de meescht verkaafte Produktioune gepackt hunn.

John Escreet

De Pol Belardi an de Pit Dahm presentéieren e jonke britesche Pianist, deen zanter knapp engem Joerzéngt an der New Yorker Jazzzeen aktiv ass: den John Escreet.
En dynamesche Museker, deen am Avant-Garde doheem ass an den Jazz mat komplexe Kompositiounen weiderdreift an dat ënner anerem mat Leit wéi dem David Binney, dem Ambrose Akinmusire, dem Tyshawn Sorey oder och nach dem Brewer.

Rezent Emissiounen

  • Paul Desmond

    En Toun um Altsaxofon, deen een ënner 1.000 Saxophonisten erëmkennt. Virun allem bekannt mam Dave Brubeck senger Band, huet hien och selwer eng staark Stëmm.

  • Lee Morgan

    Den Trompettist am Fokus

  • Phineas Newborn Jr.

    Ee leider vill ze wéineg zitéierten Ausnahme-Museker, deen zwar déi meescht opgeschlosse Pianiste kennen, awer de breeden Jazz-Public net.

  • Miles Davis - In a Silent Way

    Dësen Album markéiert d'Transitioun vum Miles sengem zweete grousse Quintett hin zu senger méi elektronescher Phas.

  • Bill Frisell with Dave Holland and Elvin Jones

    E Gittaren-Trio, dee subtil, an déiwer Entente tëscht de Museker den Toun ugëtt an duerch dem Bill Frisell säin onverkennbare Sound ugedriwwe gëtt.

  • Chick Corea - Now he Sings, now he Sobs

    Op dësem Album presentéiert de prominente Pianist eng absolut opreegend Visioun vum Piano-Trio, déi Traditioun a Modernitéit am Joer 1968 beandrockend matenee verbënnt.

  • Herbie Hancock - Sextant

    D'Ambiance vun dëser Plack ass absolut eenzegaarteg a steet de méi bekannten Hancock-Albumen an näischt no.

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen