Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

We Sell The Dead & Tribulation

We Sell The Dead

De Gittarist vun In Flames, Niclas Engelin huet sech e Kandheetsdram erfëllt a seng eegen, e bëssi méi doomeg Band gegrënnt.. We Sell The Dead nenne se sech, den 23. Februar kënnt hiren Debutalbum "Heaven Doesn't Want You And Hell Is Full" bei earMusic eraus. Wat et mam Numm vun der Band a vum Album op sech huet, a wat ee musikalesch, sou wéi och visuell vun der Band erwaarde kann - dat ass nämlech eng vun hiren Ukënnegungen, dass och visuell eppes soll gebuede ginn - hunn ech probéiert am Interview mam Gittarist erauszefannen.

Release vun der Woch: Tribulation - Down Below (9/10)

Mam Erfolleg, deen Tribulation mat hirem leschten Album Children of the Night hate, ass et verständlech, dass den Drock net kleng war, fir nach emol esou e staarken Album ofzeliwweren. Ëmmerhin war den Album, dee virun 3 Joer erauskoum, deen Album, deen d'Band nei definéiert huet an de Schweden eng Perséinlechkeet ginn huet..

Ganz kuerz gesot: Down Below, de 4. Album vun der Band, deen haut erauskomm ass, ass nees e Bombast ginn, deen ouni Problemer mat sengem Virgänger ka mathalen. Verwinnen deet eis d'Band mam Tribulation Markenzeechen, dee virun allem aus onheemleche Melodien a catchy Hooks besteet

Den Album fänkt mat der éischter Single un, déi virun e puer Wochen erauskomm ass, "The Lament", an mierkt ee well direkt, dass een et mat enger Band ze dinn huet, déi sech op all Niveau weiderentwéckelt huet an et resuméiert extrem gutt, wat um Rescht vum Album op ee waart - douce Schéinheet, déi enger Faszinatioun fir düsteres a morbides géintiwwersteet. Wat dobäi och opfält ass déi extrem propper Produktioun, duerch déi een all eenzel Nout an esouguer den zouenen Hi-Hat héiert an dat ouni u Boshaftegkeet ze verléieren.

Wéi gewinnt huet och dem Sänger Johannes Andersson seng Stëmm genee de richtege Level u Grobheet fir der Band hiren heavy Sound ze fronten, awer net sou vill, dass ee kee Wuert méi versteet.

Et sinn iwwerdeems méi Gittar Harmonien um Album vertrueden, wéi dat jeemools de Fall war, grad esou wéi Hooks, déi ee sech wonnerbar ka virstellen an enger Arena matzesangen.. Sou z. B. op den Tracks Nightbound oder Lady Death. Wat bei de Stécker Subterranea, Lacrimosa oder Here Be Dragons extrem gutt eriwwer kënnt, dat ass d'Aart a Weis vun der Band fir eng düster Ambience ze schafen.

Playlist

Slayer - Raining Blood (Reign In Blood, Def Jam Records, 1986)

Samael - Rite of Renewal (Hegemony, Napalm, 2017)

We Sell The Dead - Echoes Of An Ugly Past (Heaven Doesn't Want You And Hell Is Full, 2018)

Mammoth Grinder - Blazing Burst (Cosmic Crypt, Relapse, 2018)

Benighted - Leatherface (Necrobreed, Seasons Of Mist, 2017)

Between The Buried And Me - Condemned to the Gallows (Automata I, Sumerian, 2018)

Tribulation - Lady Death (Down Below, Century Media, 2018)

Primordial - Stolen Years (Exile Amongst The Ruins, Metal Blade, 2018)

Accept - Balls To The Wall (Balls To The Wall, RCA/Portrait, 1983)

Rezent Emissiounen

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen