Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Avatar

Release vun der Woch: Avatar - Avatar Country (8/10)

Wann et ëm Konzeptalbume geet, méch déi schwedesch Band Avatar, vun deenen ech ëmmer soen, dass se Zirkusmetal maachen, keng Kompromësser. A wann ech Zirkusmetal soen, dann ass dat op kee Fall negativ gemengt, den Zirkus gehéiert nämlech carrément zu hirem Konzept, virun allem, wann et ëm hiert Ausgesinn an hiert Optriede geet.

Nodeems hire leschten Album Feathers And Flesh ronderëm eng franséisch Fabel iwwert eng Eil opgebaut war, déi géint d'Welt an de Krich gezunn ass, fir ze verhënneren, dass d'Sonn nees opgeet, huet d'Band sech fir hiren aktuellen Album Avatar Country, deen haut bei E1 Music erauskomm ass, grad esou eng verréckt Geschicht afale gelooss, och wann et op den éischte Bléck net xtrem verréckt wierkt. Wat op den éischte Bléck opfält ass, dass et ëm e Kinnek vum Avatar country ze goe schéngt; ëmmerhin hunn Avatar d'Wuert King am Titel vun all Stéck vum Album.. Wann ee sech d'Tracklist awer ukuckt, kënnt et engem fir, wéi wann een d'Rezept fir eng Katastroph géif liesen an et mécht engem Loscht erauszefannen, wéi d'Band d'Geschicht ronderëm dee Kinnek erziele wäert.

Dobäi ass et relativ séier kloer, dass d'Schweden hir nei Geschicht wéi gewinnt mat Finesse, Humor a mat exzellentem musikaleschem Kënne presentéieren.

Schonn alleng den éischten Track Legend of the King huet eng Mass un harmoniséierte Riffer opweises an eng musikalesch Sektioun, déi Iron Maiden Harmonien an näischt nostinn, iert et mat The King Welcomes You To Avatar Country éischter a Richtung Devin Townsend geet.

De Frontmann Johannes Eckerström bréngt d'Melodië vu senge Vocals am Stéck A Statue Of The King op onerwaart Plazen, währenddeems de Rescht vun der Band hir klassesch Metal, Blues an Thrash Aflëss op de Punkt bréngen, fir en eenzegaartegen Album ze schafen, op deem iwwerdeems och zwee instrumental Tracks ze fanne sinn.

Et ass vläicht keen Album fir jiddereen, ech ka mer virstellen, dass et deem engen oder anere awer nach ze vill Tralala ass, mä et ass tralala, deen extrem gutt gemaach ass.. Mir lauschteren eis op alle Fall elo déi neiste Single un, hei sinn Avatar mat The King Wants You.

Playlist

Metallica - The God That Failed (Metallica, Elektra, 1991)

Exumer - Fire & Damnation (Fire & Damnation, Metal Blade 2012)

Extinction A.D. - In The Wake Of Uprising (In The Wake Of Uprising, Good Fight Music, 2018)

Visigoth - Warrior Queen (Conqueror's Oath, Metal Blade, 2018)

Mammoth Grinder - Superior Firepower (Cosmic Crypt, Relapse, 2018)

ILSA - Hikikomori (Corpse Fortress, Relapse, 2018)

Avatar - The King Wants You (Avatar Country, Entertainment One Music, 2018)

Forge - Agony (Dark, Independent, 2018)

Beast in Black - Zodd the Immortal (Berserker, Nuclear Blast, 2017)

Bleeding Gods - Tripled Anger (Dodekathlon, Nuclear Blast, 2018)

Iced Earth - Ghost Dance (Awaken The Ancestors) (Incorruptible, Century Media, 2017)

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen