Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Tribulation & Accuser

Tribulation

De 26. Januar 2018 kënnt den neien Album vun der schwedescher Blackened Gothic Melodic Death Metal Band Tribulation eraus, Down Below. Grond fir mam Bassist Johannes ze telephonéieren an hie bëssen iwwert den neien album auszequetschen. Haut hunn ech de Bassist vun der düsterer schwedescher Metal Band Tribulation am Interview, an deem mir virun allem iwwert den neien Album geschwat hunn, deen am Januar erauskënnt. Am Review hunn ech haut den neien Album vun Accuser, deen de 26. Januar erauskënnt.

Release vun der Woch: Accuser - The Mastery (7/10)

Accuser hate schonn ëmmer eng speziell Plaz am Metal Canon als Band, déi ëmmer perfekt dat representéiert huet, wat déi méi rezent däitsch Thrash Metal Zeen sou gutt gemaach huet. Deemno ass d'Miesslat ëmmer zimlech héich, wann een neien Album vun den däitschen Thrasher usteet.

An hiert neit Wierk The Mastery, wat de 26. Januar bei Metal Blade erauskënnt, ass nees e Stéck kompromësslosen zermalmenden däitschen Thrash Metal, déi d'Kraaft vum Genre perfekt versteet a méi wéi nëmmen een Augenzwinkern un d'Bay Area Zeen ze bidden huet.

An dat ass et och, wat esou Bands wéi Accuser ausmécht. Den Afloss vun der Bay Area Zeen ass sou déif verwuerzelt, dass e wonnerbare Mix aus grousse Chorussen an dem old school Geriffs Geshredds a Gesolos à la Kerry King entsteet

Bombastesch an ouni Angscht ze iwwerdreiwen, ass The Mastery een Album, bei deem een net anescht kann wéi ze headbangen. Tracks wéi The Real World hunn een immens houfrege Vibe a komme voller Iwwerzeegung eriwwer a ginn dem Album e Gefill vu Autoritéit, dat ee mat jonke Bands éischter seelen huet. The Mastery huet alles, wat ee vun Accuser 2018 erwaart, an nach méi.

Playlist

Pantera - Revolution is my Name (Reinventing The Steel, Elektra, 2000)

Scarlet Anger - Awakening of the Elder God (Freak Show, Hänsel und Gretel, 2016)

Tribulation - The Lament (Down Below, Century Media, 2018)

Watain - Sacred Damnation (Trident Wolf Eclipse, Century Media, 2018)

Mindpatrol - Tentatio Utopiae (Vulture City, Independent, 2017)

Audrey Horne - Audresistance (Blackout, Napalm, 2018)

Accuser - Mission: Missile (The Mastery, Metal Blade, 2018)

Kreator - Hail To The Hordes (Gods Of Violence, Nuclear Blast, 2017)

Fusion Bomb - Beertroopers Of Death (Pravda, Independent, 2016)

Rezent Emissiounen

  • Inzest

    Den 9. Februar kënnt den Debutalbum vun der Band Inzest eraus. "Collateral Damage" heescht en.

  • Fusion Bomb - Concrete Jungle

    Am Review ass dës Woch den neien Album vu Fusion Bomb: Concrete Jungle.

  • Fusion Bomb

    Am Interview: Déi jonk Thrash Metal Band Fusion Bomb

  • Nailed To Obscurity

    Dës Kéier am Fokus: Den neien Album vun der däitscher Progressive Death Metal Band Nailed To Obscurity, Black Frost

  • Metal 2018

    Wat hat d'Joer 2018 a Punkto Metal ze bidden?

  • Metal Meltdown

  • Abstract Rapture

    An dëser Editioun steet den neien Album vun Abstract Rapture "Hollow Motion" am Mëttelpunkt
     

  • Lost In Pain

    D'Lëtzebuerger Thrasher, déi déi nächst Woch hir zéng Joer feieren, sinn am Interview.

  • Skull Pit

    Den Debutalbum vum neie Projet "Skull Pit" ënner der Lupp

  • Abstract Rapture

    Am Interview sinn den Drittt an de Spit vun Abstract Rapture; et geet ëm hiren neien Album "Hollow Motion"

  • Artillery

    Dës Kéier am Fokus: Den neien Artillery Album

  • Soulfly

    Am Mëttelpunkt steet haut deen neien Album "Ritual".

  • Opeth

    Am Mëttelpunkt steet den neie Live-Album vun der schwedescher Progressive Metal Band Opeth: "Garden of the Titans"

  • Opeth & God Dethroned

    Zwee Interviewen um Programm: De Gittarist vun Opeth, Fredrik Akesson an den Drummer vu God Dethroned, Michiel van der Plicht.

  • Metal Meltdown

    Nei Musek vun ënnert anerem Unleashed, Warkings an Disturbed.

Programm

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen