Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Nordic Rock

Nordic Rock

Et ass nach eng Woch bis den Nordic Rock nees zu Veianen ass a wat et do dëst Joer neits gëtt, verroedn ech iech lo ganz geschwënn am Interview mat engem vun den Organisateuren, dem Patrick Hellenbrandt.

Release vun der Woch: Paradise Lost - Medusa (8/10)

Pionéier oder Pappe vum Gothic Metal, sou gi Paradise Lost vun deene meschte Leit gäer genannt. Si selwer, op mannst de Gittarist Aaron bezeechent sech selwer gären als Gondolier of Gloom.. Egal wéi ee se nennt, d'Englänner sinn eng Institutioun an der Welt vun den düsteren Téin. Den 1. September koum hiert neiste Wierk Medusa bei Nuclear Blast eraus.

Wa si am Laf vun hirer Carrière de Stil ëmmer nees bësse gewiesselt an ugepasst hunn, an zum Deel och souguer méi accessibel a manner extrem gi sinn, sou hate se 2015 mat hirem The Plague Within nees bëssen zréck bei hir Wuerzele fonnt. Hire 15. Album Medusa fiert net nëmme mat deem Trend virun, mä hu souguer nach eng Schëpp Heaviness bäigeluecht.

Den Album fänkt mat Fearless Sky, dat ganzer 8 Minutten huet, am Fong éischter ongewéinlech un, ma Paradise Lost bréngen et fäerdeg, den track interessant genuch ze gestalten, dass et engem net langweiler gëtt, notamment doduerch, dass en zwar heavy doomeg ufänkt, am Laf vun den 8 Minutte awer den Tempo wiesselt an den Nick Holmes och mol méi melodesch séngt.

Nieft den typesche Paradise Lost Mierkmoler gëtt et op Stécker wéi Blood an Chaos éischter an engem uptempo Rhythmus energesch viru geet.

Dat hëlleft dem Album natierlech méi dynemsch ze ginn ma d'Essenz vu Paradise Lost läit op dëse Album nees ganz kloer an hiren typesch schwéierfällegen, heavy a verdrëssleche Riffer a melancholeschen Vocals, wéi z. B. op Tracks wéi Gods of Ancients.

An och wann den Nick Holmes um Titeltrack Medusa virun allem melodesch séngt, si Growls awer omnipresent um Album a gi virun allem an de Stécker Until the Grave oder No Passage for the Dead gehighlight.

Et hat ee Moment sou ausgesinn, wéi wa Paradise Lost wéi vill aner Bands méi mainstream gi wieren a mam Alter u Qualitéit géifen ofhuelen, ma de leschten Album hat well bewisen, dass d'gondoliers of Gloom et nach ëmmer drop hunn an den neien Album Medusa verstäerkt deen Androck nach. De 27. Setember sinn si och an der Kufa. Op kee Fall verpassen!

Playlist

Metallica - Motorbreath

Sorcerer - Sirens

Rage - Seasons of the Black

Architects - Doomsday

Ensiferum - Two Paths (Live acoustic)

Cripper - Into the Fire

Paradise Lost - Until the Grave

Arch Enemy - First Day in Hell

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen