Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Wat huet d'Scoutskiermes zu Esch mat Metal um Hutt?

Scoutskiermes

Haut am Programm hu mer en Interview mam Organisateur vun der Scoutskiermes zu Esch, déi d'nächst Woch ass. Dobäi gi mer gewuer, wat een dëst Joer a Punkto Musek erwaarde kann, an dat ass dëst Joer effektiv richteg metallesch.

Release vun der Woch: Below - Upon A Pale Horse (8/10)

Si sinn nach net sou immens bekannt, mä Leit, déi bëssen am Doom ënnerwee sinn, an / oder meng Sendung regelméisseg lauschteren, hu sécher scho vun hinnen héieren: Below aus Schweden, déi eng Mëschung aus epeschem Doom an traditionellem Heavy Metal maachen an et fäerdeg bréngen monolitesch monumentalen Doom trotzdem agängeg kléngen ze loossen. Haut koum hiren zweeten Album Upon A Pale Horse bei Metal Blade eraus.

Den Album fänkt ganz steil mam Opener Disappearing Into Nothing un, mat omnipräsentem béisen Doom an dem Sänger, deem seng Vocals duerch de verniwwelte Sound duerch stiechen an ee mat a miserabel an depriméierend Sphären hëllt. De Chorus vum Song ass riseg an eigentlech vill méi catchy, wéi een dat am Doom gewinnt ass

Nach méi düster an doomeg gëtt et am nächsten Track The Coven, iert den Titeltrack, dee bal 10 Minutten dauert, een nach méi déif an d'Spiral vun der Depressioun eroffale léisst an dobäi trotzdem ëmmer nees an den traditionelle Metal léine geet, an esou och e gewëssenen Undeel u Power kritt.

Suffer In Silence ass dogéint vill méi direkt an huet eng gewëssen Drénglechkeet opweises, a fillt sech mat senge crunchy Riffer wéi e Fauscht an d'Gesiicht. 1000 Broken Bones transportéiert ganz ähnlech Gefiller, ganz nom Motto vum Numm vum Track an de Closer We Are All Slaves ass einfach nëmme bedréckend a laugt een emotional zimlech aus..

Déi 7 Stécker op Upon A Pale Horse si perfekt Beispiller vu melodeschem epeschen Doom an obwuel den Album 47 Minutte laang ass, fillt e sech dach méi kuerz un, well de Songwriting einfach sou gutt ass. Ënnert anerem och duerch seng Dynamik a seng Ofwiesslung ënnerscheed den Album vum typeschem Doom an ass dofir och eventuell fir Leit interessant, déi nach net sou am Doom dra sinn.. Absolut emfehlenswäert.

Playlist

Death - Left To Die

Suffocation - Return To The Abyss

Desdemonia - Lay Down Your Crown

Kaledon - The Evil Witch

In Flames - Here Until Forever

John Frum - Wasting Subtle Body

Below - Hours Of Darkness

Tombs - Saturnalian

Running Death - Courageous Minds

Periphery - Marigold

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Programm

  • Noriichten

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen