Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Shadowhispers & Memoriam

Shadowhispers

D'Band, déi dës Kéier fir den Interview bei mir am Studio ass, ass iergendwéi nei an och iergendwéi net. Eigentlech gëtt et se nämlech schonn zënter 2009, ma si hunn dëst Joer réischt hir Debut-EP erausbruecht. Si sinn am Fong, souwäit ech richteg informéiert sinn, eng vu just zwou Symphonic Metal Bands zu Lëtzebuerg, nämlech Shadowhispers.

Release vun der Woch: Memoriam - For The Fallen (7/10)

Wéi den Drummer vu Bolt Thrower Martin Kearns 2015 am jonke Alter vun 38 Joer onerwaart gestuerwen ass, war am Ufank net kloer, wéi et mat Bolt Thrower géif weider goen. Ee Joer drop huet d'Kult-Death Metal Band aus England du bekannt ginn, dass een ouni de Kiddie net kéint weider maachen. Mä wéi dat ebe bei deene meeschte Museker ass, et ass schwéier fir einfach opzehale Musek ze maachen. A sou ass et komm, dass de Sänger Karl Willets sech mam éischten Drummer vu Bolt Thrower, dem Andrew Whale a mat Kollegen aus Benediction a Sacrilege zesummegedo huet fir hirem verstuerwene Kolleg an der eenzeg richteger Manéier ze gedenken, nämlech andeems si zesumme Musek maachen, dat awer net ënnert dem Numm Bolt Thrower, mä ënnert engem neien Numm Memoriam.

Wie Bolt Thrower kennt an ze schätze weess, wäEert frou sinn iwwert dat wat Memoriam op hirem Debutalbum liwweren, dee sech "To The Fallen" nennt an d'lescht Woch bei Nuclear Blast erauskomm ass: Groovegen an doomegen Death, dee rockt! Sou wéi eben och Bolt Thrower dat gemaach hunn.

Den Titaltrack mécht den Optakt vun der Scheif mat enger cooler an ugespaanter Atmosphär, déi um Enn iwwert de ganzen Album bäibehale gëtt. E simplisteschen awer richteg coole Riff gëtt dobäi de Rhythmus vir, esou wéi een dat och fréier bei Bolt Thrower kannt huet.

Och Lidder wéi War Rages On oder Resistance behalen dëse System vun den einfachen a gäile Riffer an déi Atmosphär bäi, woubäi dat zweet den Doom Touch erhéicht an de ganze Song richteg schéi makaber, kräfteg an heavy kléngt.

Sief et lo d'Einfachheet vun de rockege Stécker, d'Doom Elementer wéi a Reduced To Zero, déi séier an energetesch Momenter wéi am Stéck Corrupted System, wat deels esouguer bësse punkeg eriwwer kënnt, oder awer d'Aggressivitéit vu Flatline oder Surrounded By Death, all Lidd op To The Fallen huet eppes ze bidden. Dobäi gëtt nieft der Atmosphär och e liicht depressiven Touch bäibehalen, duerch deen een d'Gefill kritt, dass si mat dëser Scheif defintiv de Verloscht vun hirem verstuerwene Kolleg verschaffen.

En Héichpunkt vun dëses Depressivitéit fënnt een am Schlusslidd vum Album Last Words. Den Track baut sech lues a lues op a gëtt schlussendlech zum epeschen Highlight vum Album.

For The Fallen ass domat e staarken Death Metal Album à la Bolt Thrower, op deem et vu vir bis hanne wéineg Héichpunkter gëtt, ma dofir geet et ëmmer virun an déi Héichpunkten déi do sinn, hunn et och a sech..

Playlist

In Flames - Dead God In Me

Amorphis - Bad Blood

Shadowhispers - A Knight's Tale

Kynesis - Tentazione

Body Count - Black Hoodie

The Acacia Strain - Bitter Pill

Memoriam - Resistance

Harlott - Whore

Shadowhispers - Queen Of Babylon

Amon Amarth -

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen