Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Blondie 1977, ee Joer viru 'Parallel Lines': v.l.n.r. Gary Valentine, Clem Burke, Debbie Harry, Chris Stein, and Jimmy Destri

Blondie - Parallel Lines

D'Frontfra Debbie Harry, hire Frënd, de Bandgittarist Chris Stein an de Produzent Mike Chapman sinn d'Haaptprotagoniste vun engem Album, dee laang gebraucht huet, ier den Erfolleg sech agestallt huet: eréischt déi véiert Single-Auskopplung schléit an - dat awer zolidd.

Den Chapman - extra vun der Plackefirma Chrysalis fir dëse Release engagéiert - war ë. a. Produzent vu Smokie, Mud, Suzie Quatro a The Sweet an huet seng Erfarung fir Ouerwierm mat an de Studio bruecht. Fir "Heart Of Glass" huet hien op den Disco-Sound gesat. D'Band selwer war am Ufank wéineg begeeschtert vum Sound: "It's commercial, but it's good", huet d'Debbie Harry awer missen unerkennen ...

Presentéiert vum Fred Medernach.

Rezent Emissiounen

  • The Beatles - The BEATLES (The White Album)

    E komplexen Duebelalbum vun de Fab Four (Sortie: 22.11.1968) mat vill Solonummeren an ëmmer manner Zesummenhalt bannen der Band.

  • Canned Heat - Living the Blues

    Den 1. November 1968 koum den drëtten Album vun der Blues- a BoogieBand Canned Heat eraus, eng vun den éischten Duebbel-LPen, déi um Maart war.

  • Jefferson Airplane - Volunteers

    D'kalifornesch Band gëtt am November 1969 den deemolegen Zäitgeescht erëm an Nouten an a Wierder: Protest an Anti-Establishment sinn Tromp!

  • Quincy Jones - You've Got It Bad, Girl

    Mir gi 45 Joer zeréck bei ee Soloalbum vum Smooth Operator Quincy Jones. "You've Got it Bad, Girl" vun 1973 ass Orchestratioun am grousse Stil.

  • Mary Margaret O'Hara - Miss America

    En 80er Kultalbum vun enger exzentrescher Musekerin déi Texter op hir eege Manéier séngt

  • Jacques Brel - Les Marquises

    Dem Brel säi leschten Album, opgeholl e puer Méint viru sengem Doud, den 9. Oktober 1978.

  • Scott Walker - Scott 2

    Dem enigmatesche Museker säin zweete Solo-Album vun 1968 mat Interpretatioune vum Jacques Brel, Burt Bacharach an Henry Mancini.

  • Bob Dylan - Time Out Of Mind

    No siwe Joer Komponéierpaus gëtt de Bob Dylan 1997 erëm en Album eraus. E gelongene Comeback, produzéiert vum Kanadier Daniel Lanois.

  • Ramones - Road To Ruin

    E Punkalbum feiert Gebuertsdag: d'US-Punker si viru genee 40 Joer mat e puer Akkorden an d'Charts komm.

  • Morphine - Cure for Pain

    D'Sich no engem Heelmëttel fir déi ënnerlech Péng féiert op Morphine hirem zweeten Album duerch ee Monochrom vu Bariton-Frequenzen.

  • Link Wray - Link Wray

    Eng rau Pärel vun 71 vum Erfinder vum Power Akkord, dee seng Roots Rock Säit zum Virschäi gëtt.

  • Stevie Ray Vaughan - Couldn't Stand the Weather

    De Gittarist vereent Blues a Rock, Eegekompositiounen a Friemes, dorënner eng Versioun vum Hendrix-Klassiker "Voodoo Child"

  • King Crimson - Red

    1974 kënnt King Crimson hire 7. Studioalbum, "Red" eraus, déi lescht Plack virun engem längeren Hiatus. D'Plack enthält mat den häertste Rock, deen d'Band je erausbruecht huet.

  • Billy Joel: Piano Man

    Deen zweete Studioalbum vum Singer, Songwriter a Pianist

  • Ornette Coleman - The Shape Of Jazz To Come

    Den zweeten Album vum amerikaneschen Jazz-Saxophonist (Oktober 1959), op deem et a Richtung free an Avantgarde geet ...

Programm

  • Spektrum

  • On air

    Ënnerwee

    • Klassik aktuell - Abstract Pieces

  • Noriichten

  • Trendscheif

  • Rockultur

Net verpassen

  • Riicht eraus mam Direkter vum STATEC Serge Allegrezza

    S. Allegrezza.jpg

    An der Emissioun Riicht eraus e Sonndeg leeë mir Zuelen op den Dësch. Mam Direkter vum STATEC Serge Allegrezza geet rieds iwwer déi vill Statistiken, déi de STATEC fir d'Bierger, d'Politik an d'Entreprisë mécht.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen