Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Forge & Pestilence

Forge

Am Interview hu mer haut eng vun de ganz wéinegen Doom/Stoner Bands, déi Lëtzebuerg ze bidden huet, nämlech Forge, déi Ufank dës Joers hiren Debutlabum "Dark" erausbruecht hunn.

Release vun der Woch: Pestilence - Hadeon (8/10)

Déi legendär hollännesch Death Metal Band Pestilence ass nees zréck mat engem neien Album. Hadeon, hire 7. Album an deen éischten ënnert dem neie Lineup, kënnt de 5. Mäerz, also e Méindeg eraus. An och wann de Sänger a Gittarist Patrick Mameli den eenzege vun den originale Memberen ass, sou kléngt d'Band dach méi wéi jee nom Original, an nach méi. Währenddeems den Album wuel voll ass mat old school Death Metal Riffer a Groove, huet en och de gewëssene progressive Feeling, deen d'Band am Laf vun de Joren entwéckelt huet.

Den Opener Unholy Transcript ass en onheemlechen an iwwerraschend epeschen Track, dee Loscht drop mécht, nach méi vum Album ze héieren. Non-Physical Existence ass den éischte Song mat normaler Längt a geet zimlech straight forward virun mat gäile Riffer, Groove an engem gehirlose Solo.

An do fält et och direkt op, wéi gutt den neie Gittarist Santiago Dobles bei de Mameli passt a wéi gutt si zesumme funktionéieren, fir déi knallhaart Riffer mat technescher Expertise ëmzesetzen. A generell sinn d'Soloen och déi Plazen um Album, op deene mech dës Symbios am meeschte beandrockt.

Oversoul an Astral Projection sinn da wuel déi proggeschst Tracks um Album, an deenen d'Band am meeschten experimentéiert a gläichzäiteg awer bei hire Wuerzele bleift, z. B. an deems d'Drums an de Bass sech bëssen um Jazz orientéieren.

Subvisions a Manifestations sinn dann nees zwee Songs an deenen et einfach nëmme viru geet, an an deenen d'Hollänner nees bewäisen, a wat fir engem Genre si zënter puer Releasen eigentlech ënnerwee sinn - d'Musek ass zwar heavy, mä komesch getimed, esou dass d'Band alt nach emol méi hir teschnech Fähegkeeten ënner Bewäis stellt.

Op Hadeon gi Pestilence an all Sekonn vun dësem Album 110%, et gëtt kee Moment vergeud a gläichzäiteg weist d'Kultband wonnerbar wéi gutt si technesch sinn a si gläichzäiteg zimlech old school

Playlist

Entombed - Left Hand Path

Thorium - Maniac

Forge - Agony

ILSA - Long Lost Friend

Outer Heaven - Into Hellfire

Angelus Apatrida - Sharpen The Guillotine

Pestilence - Multi Dimensional

Sons Of Apollo - Alive

Inzest - Murderer

Rezent Emissiounen

  • Nailed To Obscurity

    Dës Kéier am Fokus: Den neien Album vun der däitscher Progressive Death Metal Band Nailed To Obscurity, Black Frost

  • Metal 2018

    Wat hat d'Joer 2018 a Punkto Metal ze bidden?

  • Metal Meltdown

  • Abstract Rapture

    An dëser Editioun steet den neien Album vun Abstract Rapture "Hollow Motion" am Mëttelpunkt
     

  • Lost In Pain

    D'Lëtzebuerger Thrasher, déi déi nächst Woch hir zéng Joer feieren, sinn am Interview.

  • Skull Pit

    Den Debutalbum vum neie Projet "Skull Pit" ënner der Lupp

  • Abstract Rapture

    Am Interview sinn den Drittt an de Spit vun Abstract Rapture; et geet ëm hiren neien Album "Hollow Motion"

  • Artillery

    Dës Kéier am Fokus: Den neien Artillery Album

  • Soulfly

    Am Mëttelpunkt steet haut deen neien Album "Ritual".

  • Opeth

    Am Mëttelpunkt steet den neie Live-Album vun der schwedescher Progressive Metal Band Opeth: "Garden of the Titans"

  • Opeth & God Dethroned

    Zwee Interviewen um Programm: De Gittarist vun Opeth, Fredrik Akesson an den Drummer vu God Dethroned, Michiel van der Plicht.

  • Metal Meltdown

    Nei Musek vun ënnert anerem Unleashed, Warkings an Disturbed.

  • Blind Guardian

    D'Re-Issues vun den éischte véier Blind Guardian Albume stinn am Mëttelpunkt.

  • Behemoth

    Am Mëttelpunkt steet den neien Album "I Loved You At Your Darkest".

  • Revocation

    Deen neien Album vu Revocation

Programm

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen