Konferenzen

Enregistrementer vu Konferenzen zu aktuellen Themen.

„Reichsautobahn“ zwischen Wittlich-Dorf und Flußbach (Foto: Sammlung Reinhold Pip)

Bau der Reichsautobahn in der Eifel 1939-1941/42

Am Joer 1939 hunn d'Bauaarbechten un der Autobunn tëschent Koblenz an Tréier ugefaangen. Niewent däitschen Zaldoten haten d'Nazien auslännesch Zivilaarbechter, Krichsgefaangener a Prisonéier als Zwangsaarbechter agesat. Dës waren an ongeféier fofzeg Aarbechtslager internéiert. 1941, am Fréijoer, ass de Projet un d'Stoe komm, well déi meeschten Zwangsaarbechter an d'Rüstungsindustrie an an den Osten ofgezu goufen. D'Nazien haten op Uweisung vum Gauleiter Simon, fir deen dës Autobunn e Prestigeprojet war, elo verstäerkt Lëtzebuerger an d'Lager internéiert: Studenten, Beamten a Fräiberuffler, Prisonéier a Membere vun der Resistenz. 

Am August 1941 haten d'Nazien domat ugefaangen, d'Lëtzebuerger Judden am fréiere Klouschter zu Clairefontaine an enger Aart Ghetto z'isoléieren, fir d'éischt al a krank Leit. Parallel dozou goufen all aarbechtsfäeg Männer bis zum Alter vu 60 Joer fir d'Zwangsaarbecht erfaasst. 54 vun hinne goufe gezwongen an d'Autobunnlager Greimerath bei Wittlich ze goen. Hei hu si misste schwéiersten Aktivitéiten nogoen, ouni Aarbechtskleedung an Aarbechtsschong. Ënnert de jüddeschen Zwangsaarbechter waren och eng Rei Leit aus dem Iechternacher Raum: si waren hei gebuer, hei emigréiert, respektiv geflücht, oder haten hei Aarbecht fonnt.

E Virtrag vum 7. Mäerz an der Krypta vun der Iechternacher Basilika vum Wolfgang Schmitt-Koelzer, enregistréiert a verschafft vum Carlo Link.

De Woflgang Schmitt-Koelzer (© Carlo Link), huet Politologie an Anglistik studéiert an an der berufflecher Bildung enseignéiert. Hien huet verschidde Bicher iwwer regional Geschichte aus dem Raum Manderscheid a Wittlich erausginn, ënnert anerem d'Buch: Bau der Reichsautobahn in der Eifel (1939-1941/42). Hien ass Member am Förderkreis vum Emil-Frank-Institut vun der Universitéit Tréier a bei Memoshoa Lëtzebuerg. 

 

Rezent Emissiounen

Programm

  • Virum Dag

  • On air

    Moies-Magazin

    • Invité am Moies-Magazin - Night, Light and More

  • Iwwer Mëtteg

  • Resonanzen

  • Spektrum

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen