Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Tubeway Army - Replicas

Enn de 70er Jore gouf et eng nei Stréimung an der britescher Musekszeen. Duerch den Afloss vu Kraftwerk an dem Giorgio Moroder, an duerch nei, bëlleg Synthesizeren um Marché, haten eng ganz Rëtsch Museker der Gittar de Réck gedréint. Post-Punk-Gruppe wéi Human League, Cabaret Voltaire, The Normal oder Orchestral Manoevres in the Dark haten ufanks allerdéngs wéineg Impakt mat hiren Experimenter mat Synthesizeren.

D'Press huet deen neie Phänomen verpöhnt. Dat wier keng richteg Musek, housch et deemools. Dat wiere keng richteg Männer, déi Knäppercher drécken, Make-up amplaz laang Hoer droen a mol net schweesse bei hirer Musek.

1979 koum eng Plack eraus, déi den Ufank vum Mainstream-Succès vum Synth-Pop sollt markéieren. An donieft elektronesch Instrumenter ee fir allemol an der Pop-Musek etabléiert huet. D'Plack war "Replicas" vun Tubeway Army. D'Band vum Gary Numan.

Eng Emissioun vum Yves Stephany.

Rezent Emissiounen

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen