Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Lost In Pain & Primordial

Lost In Pain

Haut schwätze mer mam Hugo a mam Dario vu Lost in Pain iwwert hiren neien Album Gold Hunters, deen de 7. Abrëll erauskënnt. Si erzielen ënnert anerem wéi schwéier si et fonnt hu fir sech vum Image ze léisen, si wiere just eng Metallica Copy an natierlech ëm wat et um Album eigentlech geet.

Release vun der Woch: Primordial - Exile Amongst The Ruins (8/10)

Primordial ass eng Band, déi muss een net laang virstellen. Am Laf vun hirer Carrière, déi bal 30 Joer wäit zréck geet, hu si sech als eng vun den eenzegaartegste Bands erausgestallt, déi déi international Metal Zeen ze bidden huet, andeems si hir eegen Niche bannent dem Tirang vum Pagan Metal geschaf hunn. Dëst Joer, fir genee ze sinn, haut si se nees zréck mat hirem 9. Studio Album Exile Amongst The Ruins.

Op dësem neien Album ginn d'Iren nees zréck bei ee bësse méi réie Sound, ouni dobäi Kompromësser bei hire spruddelegen Emotiounen ze maachen, fir déi d'Band esou bekannt ass.

Mat Glacke gëtt Exile Amongst The Ruins agelaut, zesumme mat enger fragiler akustescher Melodie am Opener Nail Their Tongues, iert eng schwéierfälleg Batterie eng perfekt Konterpartie fir dem Nemtheanga seng kräfteg Vocals bitt a stramm Bass-Lines a stiermesch Gittar Riffer de Song vervollstännegen a mat bal gespenstesche Vocals e freneteschen Héichpunkt fannen.

E relativ abrupte Schluss féiert den Nolauschterer bei dat méi séiert To Hell Or The Hangman, wat jo well als Video erauskomm war a wat eis mat sengem gallopéierende Rhythmus a senge pakende Lyrics an de Kampf féiert. Duerno gëtt bei Where Lie The Gods den Tempo nees zréckgefuer an eng hypnotiséierend Melodie wieft verdreemten viru sech hin, a gëtt dobäi ëmmer méi komplex.

Als nächst ass den Titeltrack un der Rei, e luesen a méi melancholeschen Track, deen ee mat senger Atmosphär péckt, wéi e Sumpf aus deem en net méi erauskënnt. Eraus kënnt een awer spéitstens mam nächsten Track, deen allerdéngs och relativ schwéierfälleg ass. Upon Our Spiritual Deathbed huet nämlech den Tempo vun engem Trauergesang an hannerléisst beim Nolauschterer dGefill vum Onauswäichlechem, iert ee sech bei Stolen Years, engem extrem atomsphäreschen a minimalisteschen Track dach awer bëssen eidel fillt..

Méi turbulent a kämpferesch geet et da mat Sunken Lungs nees virun, iert de Closer Last Call sech mat senger himmlescher, ätherescher Melodie lues a lues entfaalt, bis Plaz ass fir en düsteren a bedréckende Song, deem den Album e ganz potente Schluss gëtt.

Alles an allem ass Exile Amongst The Ruin een zolitte Primordial Album, deen a kenger Fa Sammlung däerf feelen, och wann e mat Momenter relativ iwwerraschend an ongewinnt dohir kënnt. Mä och déi Momenter stinn der Band gutt zu Gesiicht.

Playlist

God Dethroned - The Grand Grimoire

The Crown - We Avenge

Lost in Pain - Gold Hunters

WASP - Docter Rockter

Amorphis - The Bee

Burn The Priest - Inherit The Earth

Primordial - To Hell Or The Hangman

Asphyx - Forerunners Of The Apocalypse

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen