World

Maria Gutierrez Fred Medernach

De radio 100,7 Rendez-Vous mat de musiques du monde: nei Sortien aus dem Beräich Weltmusek, Klassiker vum Genre, d'Fusioun vu Kulturen a Nouten. Eng musikalesch Rees rondrëm de Globus mam Maria Gutierrez a Fred Medernach

Orlando Julius & the Heliocentrics live

De Rendez-Vous mat de Musiques du monde féiert an Nigeria, op Lagos, wou den Orlando Julius doheem ass ... wann en dann net op Tour ass an d'Mëschung aus senger afrikanescher Musek mat Jazz, Soul, Funk ënner d'Leit bréngt.

Den Orlando Julius ass Saxophonist, Sänger, Bandleader, Komponist a seet sech, wéi vill Museker vu sengem Kontinent, beaflosst vu sengem Landsmann Fela Kuti -  dee sengersäits huet zäitliewens den Julius als Haaptafloss fir seng Musek an den Afrobeat generell genannt. An de siechzeger a siwwenzeger Joren - der grousser Afrobeat-Zäit -  war den Orlando Julius besonnesch a Nigeria e gefeierte Star, hien ass och ë. a. an de States getourt, mee de groussen Duerchbroch ass no Joren, an deenen een net vill vun him héieren huet ufangs den 2000er komm - erstaunlecherweis mat Musek vun him, déi erëmentdeckt gouf, et war de Re-issue vu sengem 1966er Album "Super Afro Soul", deen hie mat senger deemoleger Band, de Modern Aces opgeholl hat, deen esou muenches an d'Rulle bruecht huet. Rough Trade war fir dës Re-Publicatioun vum Original-Polydor-Album verantwortlech.

Orlando Julius in concert, dat sinn déi gutt 45' Minutten, déi den Owend bei eis lafen: et ass déi ganz Session, déi am vergaangenen Oktober vun der englescher BBC an hire Studioen opgezeechent gouf an eis via d'EBU, d'European Broadcast Union, zur Verfügung gestallt goufen. Interessant ass de Line-up, d'Besetzung, well hei d'Museker vun den Heliocentrics derbäi sinn - dat ass déi Band, déi zu London baséiert ass an an de leschte Jore vill mam Orlando Julius zesummegespillt huet an op Tour war. Um Label Strut ass 2014 e wonnerbare gemeinsamen Album erauskomm.

Dës Museker stounge leschten 28. Oktober 2017 op der Bühn: Adrian Maurice Owusu (Gittar), Jack Yglesias (Congas), Jake Ferguson (Bass), Jay Phelps (Trompett), Latoya Ekemode (Perkussioun), Malcolm Douglas Catto (Drums) an natierlech den Orlando Julius Ekemode, esou säi kompletten Numm fir Gesang, Saxophone a Keyboard). Gespillt ginn exklusiv Kompositiounen vum Julius.

Presentéiert vum Fred Medernach.

Rezent Emissiounen

  • Haydamaky

    De polnesche Schrëftsteller Andrzej Stasiuk an déi ukrainesch Folk-Rock-Band Haydamaky mat Texter vum polneschen Nationaldichter Adam Mickiewicz

  • Von Kuba in die Welt

    Musek vun der karibescher Insel vu Kënschtler, déi een uechter d'ganz Welt begéint ... net nëmmen op Kuba selwer.

  • Neie Kascht fir de World-Summer

    Mat den aktuelle Release vu Fatoumata Diawara, Hazmat Modine, Bombino an Choco Y Sus Complices plus engem Bléck op den Atlantico-Festival

  • Jenseits von Indien

    En dacks mysteriéist Land, musikalesch ënner d'Lupp geholl ...

  • Cap Vert - Brasilien an zeréck

    Nei Produktioune vun den Inselen am Atlantik an de Live-Album vum brasilianeschen Trio Gilberto Gil - Gal Costa-Nando Reis.

  • Smile!

    Lidder aus allen Härelänner mat engem Laachen am Gesiicht ...

  • Sacred Sounds a schamanesch Beats

    Meditativ Gesäng, ronderëm d'Feier danzen a mystesch Kläng kënnen eis an eng aner Welt zauberen. Dës "World"-Editioun versetzt Iech an Trance.

  • Tram des Balkans

    Balkanbeats a Klezmerrhythmus: déi franzéisch Formatioun 'Tram des Balkans' ass den 8. Juni am Ettelbrécker CAPE.

  • Goran Bregovic

    Eng Stonn, déi dem bosnesche Kënschtler a Museker dediéiert ass.

  • Orlando Julius & the Heliocentrics live

    Den Optrëtt vum nigerianesche Saxophonist bei der BBC den 28. Oktober 2017

  • Op katalanesch!

    Eng musikalesch Rees an der katalanescher Sprooch - déi net nëmmen an der Géigend ronderëm Barcelona a Gebrauch ass ...

  • Francesco De Gregori live

    Den italiensche Cantautore/Songwriter live opgeholl am Oktober d'lescht Joer zu München.

  • Keng Kannerlidder, mee Lidder iwwer Kanner

    Vill Kënschtler hunn déi Kleng an hire Repertoire opgeholl.

  • Klanglandschaften

    E Bësch an Estland, eng al Zistern an Italien, bulgareschen a capella, finneschen Tango: Inspiratioun fanne Museker/innen iwwerall ...

  • Eng Rees an den Orient

    Eng musikalesch Stonn mat dem Sound aus dem Orient - dee kënnt mol vu méi wäit hier, mol vu méi no bäi.

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen