Metal Meltdown

Freides um 21.00 David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Anneke Van Griersbergen

08. Jun 2018 - 21:00

Vuur

An den 90er war et mat The Gathering grouss erauskomm; nodeems et Mëtt vun edn 2000er d'Band verlooss huet fir sech op Famill an aner, méi relaxe Projeten ze konzentréieren, ass d'Anneke van Griersbergen elo nees mat engem méi heavy Projet zréck. Vuur nennt sech déi nei Band an d'Musek, déi se maachen, kann een als djentege Prog bezeechnen, dee ferm vum Devin Townsend beaflosst ass. Am Gespréich mam Anneke hunn ech probéiert erauszefannen, wéi et dann dozou komm ass, dass et lo nees Bock op heavy huet, wéi eng Roll den devin a sengem musikalesche Liewe spillt an op et eventuell Loscht hätt mam Mikael Akerfeldt vun Opeth zesummenzeschaffen.

Release vun der Woch: Amorphis - Queen Of Time (9/10)

Kaum eng aner Band kléngt no 28 Joer nodeems se gegrënnt gouf nach sou frësch wéi Amorphis. Zënter dem Ufank vun der Ära mam aktuelle Sänger Tomi Joutsen am Joer 2005 erliewen d'Finnen hiert zweet Fréijoer a liwweren zouverlässeg ëmmer nees nei Meilesteng. Mat Queen Of Time, dem Nofolger vum kommerziell erfollegräichen Under The Red Cloud, setzt d'Melodic Death Metal Band alt nees een drop.

Wéi gewinnt leeën Amorphis dobäi vill Wäert op Detailer an op hire melancholeschen finnesch-arabesche Sound, dem Tomi Joutsen säi souveränt Gesangs- a Growl Organ, sou wéi op dem Esa Holopainnen sech schrecklech memorabel Gittar-Riffer, déi dofir suergen, dass quasi all Stéck sech direkt wéi e Klassiker ufillt.

Alles also bekannt Elementer, an awer kléngt den 13. Album vun de Finnen extrem frësch, wat ënnert anerem wuel och un de Chouer- an Orchesterpassage läit, déi - esouwäit ech d'Band kennen - nei dobäi komm sinn, a sech exzellent an d'Bild vun der Band gegoss hunn.

Wann ee vun neien Elementer schwätzt, muss een natierlech och den Titel Daughter Of Hate erwähnen, deen ee mat engem Saxophon-Solo iwwerrascht.

Ech hunn et net nogelies, mä ech huele mol un, dass hei de Jorgen Munkby vun der Blackjazz band Shining um Wierk war, deen ass den Ament bei ville verschiddene Museker als Gaascht-Saxophonist ze héieren..

Op där eng oder anerer Plaz wierken Amorphis allerdéngs scho bal ze vill verspillt.. Ma wierklech schlëmm ass dat net, an och soss huet d'Band sech absolut näischt virzewerfen. Op der et elo déi hitverdächteg Ourewierm wéi Wrong Direction sinn, epesch Death Metal Hymnen à la Pyres On The Coast oder komplex Stécker wéi The Bee sinn - Amorphis schreiwe Melodien, déi am Kapp bleiwen, an den Nolauschterer mat enger extrem facetteräicher Palette un Emotiounen begeeschteren.

Zouginn, Amorphis kléngen an der Lescht extrem poppeg a kommerziell, ma am Géigesaz zu z. B. In Flames ass d'Musek awer grandious bliwwen. Mat Queen Of Time hunn Amorphis alt nees eng perfekt Mëschung aus Innovatioun an der eegener Identitéit geschaf, e perfekte Mix aus klasseschem Melodeath a kommerziellem Hit-Songwriting.

Playlist

Unleashed - If They Had Eyes

Nothing - Zero Day

Vuur - MY Champion - Berlin

Obscura - Diluvium

Necroart - Mastodon Rising

Tomb Of Finland - Funeral Pyre

Amorphis - Amongst Stars

Volbeat - I Only Wanna Be With You

Lauschteren

Rezent Emissiounen

• Assorted Nails: nei EP

  01. Jul 2016 - 21:00

  Mam Bob Wintersdorff geet Rieds iwwert "Zoophisticated".

• Whitechapel & Rage

  24. Jun 2016 - 21:00

  Am Metal Meltdown gëtt et dës Woch nees zwee Reviewen: Den neien Album vu Whitechapel an deen neien Album vu Rage

• Gojira & Dark Funeral

  17. Jun 2016 - 21:00

  Am Metal Meltdown ginn dës Kéier zwee nei Albumme reviewt, an zwar deen neie vu Gojira an deen neie vun Dark Funeral.

• Andy Rehfeldt & Candlemass

  10. Jun 2016 - 21:00

  E Youtuber, deen aus Metal Lidder méi witzeg awer interessant Versioune mécht an ëmgedréit.

• Rotten Stones Festival

  03. Jun 2016 - 21:00

  D'Organisateure vum Rotten Stones Festival am Interview a Musek vun all Band, déi do spillt.

• Elysian Gates & Korn

  27. Mee 2016 - 21:00

  D'lescht Woch ware se am Studio fir selwer iwwert hiren neien Album ze schwätzen, haut schwätzt den David Wagner iwwert Crossroads vun Elysian Gates. Dat ass dës Kéier den Album vun der Woch.

• Elysian Gates, Soulhenge a Bullet for my Valentine

  20. Mee 2016 - 21:00

  Et gëtt just zwou Symphonic Metal Bands zu Lëtzebuerg an eng dovunner bréngt um 21. Mee hiren neien Album eraus. An deem Kontext sinn Elysian Gates dës Kéier dem David Wagner seng Invitéen am Metal Meltdown

• Metal Meltdown goes Wacken Open Air 2.0

  13. Mee 2016 - 21:00

• Metal Meltdown goes Wacken Open Air

  06. Mee 2016 - 21:00

  Dës Kéier dréit sech alles ëm de Wacken. D'Highlighte vun der Editioun 2016 gi virgestallt.

• Earthgrave, Elysian Gates & Mortal Terror

  29. Abr 2016 - 21:00

  Am Metal Meltdown stellt den David Wagner iech dës Kéier eng nei Doom / Sludge Band vir a reviewt den neien Album vu Mortal Terror.

• Metal Meltdown goes Aborted

  22. Abr 2016 - 21:00

  Am Metal Meltdown gëtt et haut nach e Krack méi haart wéi soss. Haut dréit sech beim David Wagner nämlech alles ëm déi belsch Death Metal Band Aborted.

• Sublind - 10th Beersday, Desdemonia & Otep

  15. Abr 2016 - 21:00

• Kitshickers, We Knew John Doe & Ihsahn

  08. Abr 2016 - 21:00

  E Gespréich mat de Museker aus der Lëtzebuerger alternativer Musekszeen iwwert hiren neien Album an iwwert d'Crowdfunding Campagne dofir.

• Metalfestival Koplescht, WKJD & Amon Amarth

  01. Abr 2016 - 21:00

• Miles to Perdition & Scarlet Anger

  25. Mäe 2016 - 21:00

  Miles to Perdition vertriede Lëtzebuerg dëst Joer um Musek Open Air Festival Wacken.