Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Anneke Van Griersbergen

Vuur

An den 90er war et mat The Gathering grouss erauskomm; nodeems et Mëtt vun edn 2000er d'Band verlooss huet fir sech op Famill an aner, méi relaxe Projeten ze konzentréieren, ass d'Anneke van Griersbergen elo nees mat engem méi heavy Projet zréck. Vuur nennt sech déi nei Band an d'Musek, déi se maachen, kann een als djentege Prog bezeechnen, dee ferm vum Devin Townsend beaflosst ass. Am Gespréich mam Anneke hunn ech probéiert erauszefannen, wéi et dann dozou komm ass, dass et lo nees Bock op heavy huet, wéi eng Roll den devin a sengem musikalesche Liewe spillt an op et eventuell Loscht hätt mam Mikael Akerfeldt vun Opeth zesummenzeschaffen.

Release vun der Woch: Amorphis - Queen Of Time (9/10)

Kaum eng aner Band kléngt no 28 Joer nodeems se gegrënnt gouf nach sou frësch wéi Amorphis. Zënter dem Ufank vun der Ära mam aktuelle Sänger Tomi Joutsen am Joer 2005 erliewen d'Finnen hiert zweet Fréijoer a liwweren zouverlässeg ëmmer nees nei Meilesteng. Mat Queen Of Time, dem Nofolger vum kommerziell erfollegräichen Under The Red Cloud, setzt d'Melodic Death Metal Band alt nees een drop.

Wéi gewinnt leeën Amorphis dobäi vill Wäert op Detailer an op hire melancholeschen finnesch-arabesche Sound, dem Tomi Joutsen säi souveränt Gesangs- a Growl Organ, sou wéi op dem Esa Holopainnen sech schrecklech memorabel Gittar-Riffer, déi dofir suergen, dass quasi all Stéck sech direkt wéi e Klassiker ufillt.

Alles also bekannt Elementer, an awer kléngt den 13. Album vun de Finnen extrem frësch, wat ënnert anerem wuel och un de Chouer- an Orchesterpassage läit, déi - esouwäit ech d'Band kennen - nei dobäi komm sinn, a sech exzellent an d'Bild vun der Band gegoss hunn.

Wann ee vun neien Elementer schwätzt, muss een natierlech och den Titel Daughter Of Hate erwähnen, deen ee mat engem Saxophon-Solo iwwerrascht.

Ech hunn et net nogelies, mä ech huele mol un, dass hei de Jorgen Munkby vun der Blackjazz band Shining um Wierk war, deen ass den Ament bei ville verschiddene Museker als Gaascht-Saxophonist ze héieren..

Op där eng oder anerer Plaz wierken Amorphis allerdéngs scho bal ze vill verspillt.. Ma wierklech schlëmm ass dat net, an och soss huet d'Band sech absolut näischt virzewerfen. Op der et elo déi hitverdächteg Ourewierm wéi Wrong Direction sinn, epesch Death Metal Hymnen à la Pyres On The Coast oder komplex Stécker wéi The Bee sinn - Amorphis schreiwe Melodien, déi am Kapp bleiwen, an den Nolauschterer mat enger extrem facetteräicher Palette un Emotiounen begeeschteren.

Zouginn, Amorphis kléngen an der Lescht extrem poppeg a kommerziell, ma am Géigesaz zu z. B. In Flames ass d'Musek awer grandious bliwwen. Mat Queen Of Time hunn Amorphis alt nees eng perfekt Mëschung aus Innovatioun an der eegener Identitéit geschaf, e perfekte Mix aus klasseschem Melodeath a kommerziellem Hit-Songwriting.

Playlist

Unleashed - If They Had Eyes

Nothing - Zero Day

Vuur - MY Champion - Berlin

Obscura - Diluvium

Necroart - Mastodon Rising

Tomb Of Finland - Funeral Pyre

Amorphis - Amongst Stars

Volbeat - I Only Wanna Be With You

Rezent Emissiounen

  • Mantar

    Den däitsche Sludge Duo Mantar steet am Mëttelpunkt.

  • Omnium Gatherum

    Am Interview ass de Gittarist a Grënner vun der finnescher Melodic Death Metal Band Omnium Gatherum.

  • Atomic Rocket Seeders

    D'Band ass nach ganz jonk, an awer huet si et op de Wacken gepackt: D'Atomic Rocket Seeders sinn am Interview.

  • Immortal

    Highlight vum Metal Meltdown haut: De Review vum neien Immortal Album Northern Chaos Gods

  • Metal Meltdown

    Nei Musek vun ënnert anerem Obscura, Revocation an Immortal.

  • Rotten Stones Festival

    Den Iwwerbléck mat den Organisateuren op de Festival zu Bäerdref an der Breechkaul

  • Wacken!!!

    Dee weltwäit gréisste Metal-Festival proposéiert vum 2. bis de 4. August bal 200 Bands op aacht Bühnen.

  • Marduk

    Am Mëttelpunkt vun der Emissioun steet den neien Album vum schwedeschen Urgestein Marduk, deen d'nächst Woch erauskënnt.

  • Anneke Van Griersbergen

    An den 90er ass si mat The Gathering bekannt ginn. Elo ass d'Anneke van Griersbergen nees mat engem neie Metal Projet zréck: Vuur

  • Kataklysm

    D'Kanadier vu Kataklysm sinn nees mat engem neien Album zréck: Meditations ass d'Metal Release vun der Woch.

  • At The Gates

    Mat e.a.dem neien Album vun der schwedescher Death Metal-Legend 'At The Gates', 'To Drink From The Night Itself'

  • W.O.A. Metal Battle

    Haut dréit sech am Metal Meltdown alles ëm de Wacken an ëm de Metal Battle 2018.

  • Fusion Bomb

    Déi jonk Thrash Metal Band Fusion Bomb huet eng nei Single dobaussen.

  • Lik

    Eng onbekannt Band aus Schweden, an där awer Museker aus anere bekannte Bands spillen.

  • Doomsday for the Deceiver

    De Bléck geet zréck an d'Joer 1986 - fir en Album, dee Kult ass am Genre Speed/Trash ...

Programm

  • Virum Dag

  • On air

    Moies-Magazin

    • ZäithistorikerIn - 1940: Stater Meedercherslycée um Ufank vun engem neie Schouljoer

  • Iwwer Mëtteg

  • Resonanzen

  • Spektrum

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen