Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Marduk

Release vun der Woch: Marduk - Viktoria (8/10)

Am extreme Metal gëtt gär provozéiert, dat ass kee Geheimnis an dat ass och net nei. A sou ass dat och nees de Fall mam neien Album vun der schwedescher Black Metal Kultband Marduk. Um Cover vu Viktoria, deen d'nächst Woch e Freideg erauskënnt, ass en Zaldot - wahrscheinlech vun der Wehrmacht - a ganz simplisteschem Stil duergestallt, provokativ an de Faarwe schwaarz-wäiss-rout an de Release Datum fält mengen ech och net nëmmen duerch Zoufall op den 22. Juni, also op den Dag genee 77 Joer nom Ufank vum "Unternehmen Barbarossa", den deemoolegen Iwwerfall vun der Wehrmacht op d'Sovietunioun. An och d'Titele vun de Lidder, wéi z. B. Werwolf, wëssen ze provozéieren, ass dat dach den Numm vum Heinrich Himmler senger Ënnergrondbeweegung um Enn vum 2. Weltkrich. Den Album trieft deemno nëmme sou vun Nazi Symbolismus an et ass direkt kloer, ëm wat et um Album geet: Den 2. Weltkrich.

An där Hinsicht bleift sech d'Band ronderëm de Bandleader Morgan Steinmeyer Hakansson also trei. Thematesch ass Viktoria deemno eng Weiderféierung vun hirem leschten Album Frontschwein, ma a Punkto Musek schloe Marduk op dësem Album awer eng liicht aner Richtung an, wéi ee schonn un der éischter, extrem punkeger Single Werwolf erkenne konnt.

An un där konnt ee schonn erkennen, dass Marduk dës Kéier eng extrem minimalistesch Approche gewielt hunn, an - vun de kuerzen Introe vun den zwee leschte Songs The Devil's Song a Silent Night mol ofgesinn - och komplett op Samples verzichten. Doriwwer eraus ass och d'Produktioun extrem schnörkelfräi, dréchen a réi.

Rihteg Hits gëtt et net, dofir sinn d'Stécker all richteg eekleg gro a wonnerbar eendimensional, esou wéi et immens gutt op engem Black Metal Album mat dëser Thematik passt. Dozou käicht de Sänger Mortuus eng Zeil no der anerer, während de Gittarist Morgan Steinmeyer Hakansson nees seng chrakteristesch karg Tremoloen a Melodie liwwert, déi allebéid mat hirer Aart a Weis de Krich op eng exzellent Manéier erëmspigelen.

Doriwwer eraus gëtt dat klassescht Arsenal u Riffer erweidert duerch schleefend Mid-Tempo Stécker, déi trotz der Eendimensionalitéit fir genuch Ofwiesslung suergen.

Alles an allem si Marduk hei e Krack méi puristesch virgaangen, ma Viktoria kléngt ëmmer nach no 100% Marduk. D'Songs sinn nämlech ëmmer nach all gläichzäiteg prägnant, agängeg, brutal a simpel, esou wéi een dat vu Marduk gewinnt ass.

Et wäert sécher nees eng Parti Leit ginn, déi d'Thematik net OK fannen, déi d'Band sech dës Kéier erausgesicht huet. Ma an der Konscht gëtt et bei all Wierk bekanntlech een immensen Interpretatiounsspillraum, an do ass Marduk keng Ausnam. A wann d'Band och net erkläert, ëm wat et hinnen da genee geet, wa se Nazi Symbolik an hirer Musek benotzen, sou hu si sech dach als Band scho ganz kloer erkläert hunn, dass si an hiren Texter Relioun a Geschicht thematiséieren, net méi an net manner; an dass si weder eng politeschen nach eng ideologeschen Agenda hunn.

Doriwwer eraus ass et och e gewalteschen Ënerscheed, ob een a sengen Texter kloer zu enger Ideologie Stellung bezitt, oder geschitlech Evenementer an engem kënschtleresche Kader erëmgett.

Fest steet just, dass Marduk et mat dëser Aart a Weis nees gepackt hunn, ze provozéieren, an domat och e bësse méi Pubilcity ze maachen, fir hiren neien Album ze promoten.

Playlist

Celtic Frost - A Dying God Coming Into Human Flesh

Blitzkrieg - Angels Or Demons

Dee Snider - Tomorrow's No Concern

DevilDriver - Ghost Riders In The Sky

ASG - Execution Thirst

Obscura - Emergent Evolution

Marduk - Werwolf

Lizzy Borden - The Scar Across My Heart

The Night Flight Orchestra - Lovers In The Rain

Candlemass - House Of Doom

Lost In Pain - Gold Hunters

Fusion Bomb - Burlesque Shootout

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Net verpassen

Dossieren

  • Weltdag vun de Kannerrechter

    Den 20. November ass de Weltdag vun de Kannerrechter. De radio 100,7 presentéiert an deem Kader verschidde Reportagen an Interviews, fir iwwer d'Rechter vun de Kanner opmierksam ze maachen.

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen