Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Stevie Ray Vaughan - Couldn't Stand the Weather

Just emol 35 Joer al gouf den amerikanesche Gittarist Stevie Ray Vaughan. Hien ass 1990 bei engem Helikopterongléck viru sengem Optrëtt op engem Festival am Wisconsin ëm d'Liewe komm. "Couldn't Stand the Weather" ass säin zweeten Album. Hie gëtt begleet vu senger Band Double Trouble. De Vaughan vereent hei Blues a Rock, Eegekompositiounen a Friemes, dorënner eng Versioun vum Hendrix-Klassiker "Voodoo Child". Bannen de fënnef éischte Wochen nom Release am Mee 1984 sinn eng Millioun Exemplaire verkaaft ginn. Presentéiert vum Ben Boulanger.

Rezent Emissiounen

  • Townes Van Zandt - Our Mother The Mountain

    Balladen iwwer Léift, Jalousie an Trennung vum poetesche Country Songwriter

  • Scott Walker - Scott 3

    Säi grouss-orchestréierte Pop Album vun 69 mat onheemleche Momenter

  • The Cars - Heartbeat City

    De Quintett vu Boston verbënnt d'Iwwerreschter vum Rock aus de 70er mat der neier Synthpop-Ästhetik a mécht se Mainstream-kompatibel.

  • Dusty In Memphis

    Viru genee 50 Joer koum mat "Dusty In Memphis" den erfollegräichsten Album vun der Dusty Springfield eraus. Toptitel: "Son of a Preacherman"

  • Johnny Cash at St. Quentin

    De 25.Februar 1969 geet den Johnny Cash a Kalifornien an de Bing ... fir do viru begeeschterte Prisonéier e Live-Album opzehuelen.

  • Steely Dan - Pretzel Logic

    Den drëtte Long-Player vun 1974 vun den zwee Jazz-Rock Acolyten

  • Sidsel Endresen, Bugge Wesseltoft ‎- Out Here. In There.

    Den Duo versteet et den Nolauschterer ze verzauberen awer och erauszefuerderen.

  • Blaze Foley - Live at the Austin Outhouse

    Eng obskur Country Legend, live a rau e puer Méint viru sengem Doud 89

  • Led Zeppelin - Led Zeppelin

    Viru 50 Joer gouf de Phenomen Led Zeppelin gebuer, a verschiddene Kritiker no den Heavy Rock gläich mat.

  • Ian Dury - New Boots and Panties!!

    De frechen Englänner a säi 77er Funk, Punk, Disco, Music Hall a Rock'n'Roll Debut

  • Blood Sweat & Tears - BS&T

    Jazz trëfft op Rock, e puer Téin Klassik, e bëssi Blues: Blood Sweat And Tears huelen Enn 1968 en neien Ulaf ... an iwwerzeegen!

  • Michael Jackson - Off the Wall

    Op séngem 5. Studioalbum "Off the Wall" invitéiert de jonke Michael Jackson 1979, d'Liewen net esou schwéier ze huelen.

  • Mick Jagger - Wandering Spirit

    Am Februar 1993 kënnt den drëtte Solo-Album vum Rolling Stones-Frontmann Mick Jagger eraus - kee vu senger Band ass am Studio derbäi ...

  • The Walkabouts - Nighttown

    De Sound fir uechter d'Nuecht ze cruisen: den 1997er Album vun der amerikanescher Band ass eng melancholesch a wantergro musikalesch Reess.

  • Jean Michel Jarre - Equinoxe (1978)

    Deen zweeten Album vum franséischen Elektroniker huet ee Joer no senger Verëffentlechung net manner wéi eng Millioun Leit op d'Place de la Concorde gelackelt.

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen