Dossier vum Dag

Vu méindes bis freides en aktuelle Sujet am Detail: Politik, Soziales, Wirtschaft, Gesellschaft, Kultur

Verstëpst an ongerecht?

De Lëtzebuerger Wahlsytem huet bal honnert Joer um Bockel a steet regelméisseg an der Kritik. Zum Beispill well eng Partei zwar vill Stëmme kritt, mee net deementspriechend vill Sëtz an der Chamber. Och bei dëse Wahlen war den Desquiliber tëscht Stëmmen a Sëtz nees en Thema: D'CSV huet iwwer fënnef Prozentpunkte géintiwwer de Chamberwahle vun 2013 verluer, an domadder zwee Sëtz. D'LSAP huet nëmmen hallef souvill u Stëmme verluer, mee huet elo dräi Sëtz manner. A wéi bei all Wahle bekloe sech duerno besonnesch déi kleng Parteien, déi et grad an de klenge Bezierker schwéier hu fir ee Mandat ze kréien. D'ADR versicht elo mat engem Recours géint d'Wahlgesetz eng Decisioun vum Verfassungsgeriicht erbäi ze féieren. De Politikwëssenschaftler Michel Dormal an de Soziolog Fernand Fehlen soen, datt et aner Modeller ginn, déi méi gerecht wieren ouni d'Stabilitéit vum politesche System a Gefor ze bréngen. Och op d'Bezierker an d'Panachéiere misst een net verzichten. Bei de grousse Parteien CSV, LSAP an DP ass ee skeptesch, wat eng grondsätzlesch Reform ugeet. Pia Oppel

Rezent Emissiounen

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen