Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Jefferson Airplane - Volunteers

Mam Album "Surrealistic Pillow" an den zwee Single-Hits "Somebody To Love" a "White Rabbit" huet Jefferson Airplane zanter 1967 Erfolleg: de Sound vun der US-Westcoast ass zu där Zäit gefrot an d'Band ronderëm déi charismatesch Sängerin Grace Slick hat d'Lat héich geluecht fir déi nächst Produktiounen.

Besonnesch de fënneften Album "Volunteers" - den Album gëtt och alt emol mam Titel "Volunteers of America" bezeechent -  confirméiert de quasi Kultstatus vun der Formatioun. Et ass alles dran, wat ugesot ass: politesch engagéiert Texter, acid Aflëss iwwer de ganzen Album verstreet, direkt Sprooch, exzellente Gittaresound, laang Live-Versioune vun de Lidder.

Den Album kënnt bei RCA Victor eraus - de leschte Release bei där Plackefirma, duerno publizéiert d'Band um eegene Label Grunt. Den Titelsong ass e kuerzen Anti-Krich-Song ... matzen am amerikanesche Vietnam-Trauma. D'Kompositioun "Wooden Ships" gëtt méi spéit ee vun de groussen Hits vu Crosby, Stills, Nash & Young.

Presentéiert vum Fred Medernach

Rezent Emissiounen

  • Survival - Bob Marley

    Net säi meeschtverkaafsten Album, dofir awer dee politeschste, mat enormen Afloss op all déi, déi Fräiheet an Onofhängegkeet gesicht hunn. 

  • Toto IV - Toto

    Bëlleche Mainstream oder awer Qualitéit? 

  • The Kick Inside - Kate Bush

    "Wuthering Heights" an d'Ufäng vun enger vun deenen éischte wierkleche britesche Songwriterinnen

  • IV - Led Zeppelin

    Page a Plant viru Geriicht: Plagiatsvirwërf a "Stairway To Heaven". E Grond méi den Album "IV" nach emol ze beliichten.

  • Unplugged - Eric Clapton

    MTV setzt uganks den 90er en neien Trend: Kënschtler spillen en akustesche Set (unplugged, ouni Stroum). De Clapton mécht mat a raumt of.

  • Misplaced Childhood - Marillion

    Den drëtte Studioalbum vu Marillion am Joer 1985 mat engem Konzept vum Sänger Fish

  • The Freewheelin' Bob Dylan - Bob Dylan

    "Blowin In The Wind" ass dem Bob Dylan säi Megahit aus senger Ufankszäit - et sollt weltwäit e Protestsong par excellence ginn.

  • 4 - Foreigner

    Dee véierte Studioalbum vun der britesch-amerikanescher Rockband Foreigner am Joer 1981

  • Pearl - Janis Joplin

    E Liewen op der Iwwerhuelspuer: d'Amerikanerin Janis Joplin gouf just emol 27 Joer al. "Pearl" war hiren zweeten a leschte Solo-Album.

  • Fredericks Goldman Jones - Jean-Jacques Goldman, Carole Fredericks, Michael Jones

    E gelongenen Album, ganz variatiounsräich am Genre, mä och ganz engagéiert.

  • Steely Dan - Aja

    Mam Single-Hit "Do It Again" haten d'Amerikaner d'Lat héich geluecht. Mat "Aja" konfirméiere si, schaffen awer just nach als Studio-Band.

  • Blue - Joni Mitchell

    De véierte Studioalbum vun der kanadescher Sängerin a Songwriterin

  • Sgt. Pepper's Lonely Hearts Club Band - The Beatles

    Véier Grammy's, e Riesenopwand an der Produktioun, d'Faarwe vum summer of love, e Cover, deen, wéi den Album, Kult gëtt!

  • Perfect Strangers - Deep Purple

    "Knocking at your Back Door" a "Perfect Strangers" aus dësem Album sinn haut nach beléifte Live-Klassiker.

  • Revolver - The Beatles

    Den Album (1966) gëtt als éischt méi experimentellt Wierk vun de Fab Four bezeechent. Love, Peace ... an eng gutt Portioun Illegales si mat am Spill!

Programm

Net verpassen

  • Riicht eraus mam Direkter vum STATEC Serge Allegrezza

    S. Allegrezza.jpg

    An der Emissioun Riicht eraus e Sonndeg leeë mir Zuelen op den Dësch. Mam Direkter vum STATEC Serge Allegrezza geet rieds iwwer déi vill Statistiken, déi de STATEC fir d'Bierger, d'Politik an d'Entreprisë mécht.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen