Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Jefferson Airplane - Volunteers

Mam Album "Surrealistic Pillow" an den zwee Single-Hits "Somebody To Love" a "White Rabbit" huet Jefferson Airplane zanter 1967 Erfolleg: de Sound vun der US-Westcoast ass zu där Zäit gefrot an d'Band ronderëm déi charismatesch Sängerin Grace Slick hat d'Lat héich geluecht fir déi nächst Produktiounen.

Besonnesch de fënneften Album "Volunteers" - den Album gëtt och alt emol mam Titel "Volunteers of America" bezeechent -  confirméiert de quasi Kultstatus vun der Formatioun. Et ass alles dran, wat ugesot ass: politesch engagéiert Texter, acid Aflëss iwwer de ganzen Album verstreet, direkt Sprooch, exzellente Gittaresound, laang Live-Versioune vun de Lidder.

Den Album kënnt bei RCA Victor eraus - de leschte Release bei där Plackefirma, duerno publizéiert d'Band um eegene Label Grunt. Den Titelsong ass e kuerzen Anti-Krich-Song ... matzen am amerikanesche Vietnam-Trauma. D'Kompositioun "Wooden Ships" gëtt méi spéit ee vun de groussen Hits vu Crosby, Stills, Nash & Young.

Presentéiert vum Fred Medernach

Rezent Emissiounen

  • Stevie Ray Vaughan - Couldn't Stand the Weather

    De Gittarist vereent Blues a Rock, Eegekompositiounen a Friemes, dorënner eng Versioun vum Hendrix-Klassiker "Voodoo Child"

  • King Crimson - Red

    1974 kënnt King Crimson hire 7. Studioalbum, "Red" eraus, déi lescht Plack virun engem längeren Hiatus. D'Plack enthält mat den häertste Rock, deen d'Band je erausbruecht huet.

  • Billy Joel: Piano Man

    Deen zweete Studioalbum vum Singer, Songwriter a Pianist

  • Ornette Coleman - The Shape Of Jazz To Come

    Den zweeten Album vum amerikaneschen Jazz-Saxophonist (Oktober 1959), op deem et a Richtung free an Avantgarde geet ...

  • Lucinda Williams - Car Wheels on a Gravel Road

    Dësen Album (1998) vun der amerikanescher Songwriterin ass mat engem Grammy als Best Contemporary Folk Album belount ginn.

  • Batteaux - Batteaux

    E Folk-Funk Bijou aus dem Joer 1973 mat ville séisse maritimen Tonalitéiten.

  • With A Little Help From My Friends

    Wuel ass dem Joe Cocker säin Debut-Album erréicht 1969 publizéiert ginn, et ass awer eng 68er Produktioun ... an dat héiert een!

  • Westcoast, 1968

    D'USA hunn nach ëmmer kulturell Zeeche gesat, virop am Rockberäich. D'Joer 1968 mécht do keng Ausnam ...

  • Michael Mantler: Jazz am Mee '68

    Dem gebiertege Wiener Komponist an Trompettist seng musikalesch Initiative ginn den Zäitgeescht vun 1968 beschtens erëm: et gëtt Neies an Onkonventionelles geschafen.

  • Mai '68 en chansons

    Lidder ronderëm de Mee '68 a Frankräich

  • The Necessaries - Event Horizon

    Eng New Wave Power Pop Pärel vun 82, op där den enigmateschen Arthur Russell matgewierkt huet.

  • Duke Ellington & John Coltrane

    Zwee vun deene aflossräichsten Jazz-Muséker vun allen Zäiten huelen am Joer 1962 zesummen ee wonnerbaren Album op. Bei deem Rezept ka bal näischt schief goen.

  • Let It Bleed - The Rolling Stones

    Den Album vun de Stones vun Enn 1969: de Brian Jones geet, de Mick Taylor ass nei derbäi. Den Toun gëtt weider den Duo Jagger/Richards un.

  • The Rise and Fall of Ziggy Stardust and the Spiders from Mars

    E Meeschterwierk vum David Bowie, dat am Juni 1972 erauskoum - eng Rees duerch den Universum vun engem Rockstar ...

  • Robert Plant - Fate Of Nations

    De fréiere Led Zeppelin-Sänger erënnert op sengem 93er Solowierk just nach sporadesch un déi gutt al Rockerdeeg ...

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen