Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Jefferson Airplane - Volunteers

Mam Album "Surrealistic Pillow" an den zwee Single-Hits "Somebody To Love" a "White Rabbit" huet Jefferson Airplane zanter 1967 Erfolleg: de Sound vun der US-Westcoast ass zu där Zäit gefrot an d'Band ronderëm déi charismatesch Sängerin Grace Slick hat d'Lat héich geluecht fir déi nächst Produktiounen.

Besonnesch de fënneften Album "Volunteers" - den Album gëtt och alt emol mam Titel "Volunteers of America" bezeechent -  confirméiert de quasi Kultstatus vun der Formatioun. Et ass alles dran, wat ugesot ass: politesch engagéiert Texter, acid Aflëss iwwer de ganzen Album verstreet, direkt Sprooch, exzellente Gittaresound, laang Live-Versioune vun de Lidder.

Den Album kënnt bei RCA Victor eraus - de leschte Release bei där Plackefirma, duerno publizéiert d'Band um eegene Label Grunt. Den Titelsong ass e kuerzen Anti-Krich-Song ... matzen am amerikanesche Vietnam-Trauma. D'Kompositioun "Wooden Ships" gëtt méi spéit ee vun de groussen Hits vu Crosby, Stills, Nash & Young.

Presentéiert vum Fred Medernach

Rezent Emissiounen

  • The Beatles - Abbey Road

    Eng zerstridde Band geet ënner der Regie vum George Martin an de Studio - eng leschte Kéier. Den Album kënnt am September 1969 eraus.

  • Blondie - Parallel Lines

    Pop trëfft op New Wave an Disco: eleng de Song "Heart Of Glass" mécht Blondie 1978 quasi iwwert Nuecht zu Superstaren.

  • Lee Clayton - Naked Child

    En éiwege Geheimtipp aus dem Tennessee fir Frënn vum Songwriting aus dem Joer 1979

  • Kraftwerk - Computerwelt

    1981 beschäftegt d'Band vun Düsseldorf sech scho mat Sujete wéi Big Data, Iwwerwaachung an online-Dating.

  • Weather Report - Heavy Weather

    De kommerziell erfollegräichsten Album vun der Pionéierband em den Joe Zawinul hällt androcksvoll Kompositiounen a visionär Klangbiller bereet.

  • Paul Simon - Graceland

    Den Album "Graceland" -  dat si bis haut Apartheid-Kontroversen ëm de Paul Simon-Klassiker aus dem Joer 1986.

  • The Doors

    Den Numm vum Debut-Album ass den Numm vun der Band: "The Doors" kënnt am Januar 1967 bei Elektra eraus.

  • Dire Straits: Love Over Gold (1982)

    Dee 4. Studioalbum vun der Band

  • Allman Brothers Band

    Den Debutalbum vun der ABB, deen 1969 d'Zäit vum Southern rock agelaut huet.

  • Bob Dylan - Blonde On Blonde

    Den elektresche 66er Poet a Geschichtenerzieler Bob Dylan mam éischten Duebelalbum an der Rock- a Popgeschicht vun engem Major artist.

  • Ella and Louis

    Wann een d'Nimm Ella Fitzgerald oder Louis Armstrong eenzel héiert, kann ee sech schonn op gutt Musek freeën. An dësem Fall sinn déi zwee zesummen ze héieren.
     

  • Tropicália, ou panis et circensis

    De brasilianesche Kultalbum - de Manifest vum Tropicália Mouvement Enn de 60er

  • The Jayhawks - Hollywood Town Hall

    Den Duo Mark Olson/Gary Louris dréit 1992 mat dësem Album zum Succès vum Genre alternative Country bäi.

  • Goathead Soup - The Rolling Stones

    Den 73er Stones-Album vun Jagger a Co. huet méi ze bidden, wéi de Mega-Hit "Angie" ... an hannert de Kulissen huet et geflaamt.

  • The Atomic Mr. Basie

    Eng Bigband an Topform: déi vum Count Basie am Joer 1958, veréiwegt um Kultalbum "The Atomic Mr. Basie".

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen