Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Opeth

Review vun der Woch: Opeth - Garden of the Titans (9/10)

Am Laf vun hirer bal 30 Joer laanger Carrière huet déi schwedesch Progressive Metal Band Opeth well dräi Live Albumen erausbruecht, op deenen - ofgesi vum "Lamentations" Live Album vun 2003 - ëmmer Stécker aus der ganzer Carrière vun der Band presentéiert goufen. Dat ass och op "Garden of the Titans" de Fall, op deem hiren Optrëtt ze gesinn an ze héieren ass, dee si zejoert am Mee am Kontext vun der Sorceress Tour am Red Rocks Amphitheater bei Denver am Colorado zum Beschte ginn hunn, an deen haut (2.11.18) esouwuel als Blu-ray, wéi och als DVD, CD, Vinyl an digital erauskoum. Et feelen allerdéngs - wéi gewéinlech op de Concerten an de leschte Joren - d'Lidder vun den éischten zwee Albumen. Ausserdeem ass et den éischte Live Album, op deem et och Stécker vun den dräi leschten, manner metalleschen Albumen ze héiere gëtt, notamment "Sorceress", "The Wilde Flowers" an e Stéck, wat se nach net sou dacks live gespillt hunn, nämlech "Era".

An och wann d'Lidder vun Heritage, Pale Communion a Sorceress méi u Progressive Rock aus de 70er erënneren, wéi un den Death Metal, deen Opeth am Ufank vun hirer Carrière gemaach hunn, passen dës Stécker dach iergendwéi wonnerbar an d'Seltlist, wat wuel ënner anerem dorunner läit, datt d'Produktioun vum Album extrem gutt ass, an alles vu fir bis hanne fett, heavy an awer och immens kloer, voll an oppe kléngt, an datt d'Band och mam Tempo gespillt huet fir déi nei Lidder méi heavy kléngen ze loossen, wat virun allem bei Sorceress opfält, wat e Krack méi lues virugeet.

Op der anerer Säit hëlleft et natierlech och, datt live och bei den ale Lidder de Keyboard dacks an den Asaz kënnt, an doduerch de ganze Concert méi homogen wierkt.

D'Band weist sech, vun e puer klenge Feeler oder Onsécherheeten an de Lyrics an enger hallwer Nout, déi an engem Solo falsch war, vun hirer beschter Säit an et kann een ëmmer nëmmen op en Neits staunen, wéi gutt d'Schweden hir Instrumenter beherrschen.

Och de Sänger Akerfeldt, deen an de leschten 10 bis 15 Joer live dacks Schwieregkeete mat de Growls hat, huet um Red Rocks Concert déi Growls ausgepak, déi hien ëm d'2000er Wend op den Zenit vun de gudde Growler katapultéiert hat.

Den Album Cover, op deem d'Red Rocks zesumme mat de Gesiichter vun de Band-Memberen ofgezeechent sinn, ass iwwregens och wonnerschéi gemaach an erënnert un de Mount Rushmoore an ass gläichzäiteg eng Referenz un de véierte Deep Purple Album "Deep Purple In Rock".

Fir Opeth Fans e Muss!

Playlist

  1. Sepultura - Escape To The Void
  2. Virgin Steele - Hearts On Fire
  3. Metal Church - Out Of Balance
  4. Faanefjell - Styggedommen Vaakner
  5. Jinjer - Ape
  6. Opeth - Heir Apparent
  7. Mindpatrol - For The Living
  8. Ihsahn - Lend Me The Eyes Of Milennia
  9. Soilwork - Full Moon Shoals
  10. Lost In Pain - Gold Hunters

Rezent Emissiounen

  • Miles To Perdition & Vader

    Miles To Perdition zielen iwwert hiert Erliefnis um Wacken an déi nei EP vu Vader gëtt reviewt.

  • Carnifex & Soilwork

    Déi nei Albumme gi virgestallt.

  • Sinsaenum & Hammers Of Misfortune

    Am Metal Meltdown huet den David Wagner haut eppes dobäi fir Frënn vum heavy Prog a vun enger vun den neie Bands vum fréiere Slipknot Drummer Joey Jordison.

  • Periphery & Witherscape

    Am Review sinn dës Kéier déi nei Albume vu Periphery a Witherscape.

  • Mindpatrol, Revocation & Deadlock

    Am Review sinn dës Kéier den neien Album vu Revocation a vun Deadlock

  • Dust Bolt & Pain of Salvation

    Dust Bolt sinn Headliner um 1. Anger Fest an der Kufa den 24. September. Den neien Album vun hinnen ass dofir dës Kéier am Review.

  • Assorted Nails: nei EP

    Mam Bob Wintersdorff geet Rieds iwwert "Zoophisticated".

  • Whitechapel & Rage

    Am Metal Meltdown gëtt et dës Woch nees zwee Reviewen: Den neien Album vu Whitechapel an deen neien Album vu Rage

  • Gojira & Dark Funeral

    Am Metal Meltdown ginn dës Kéier zwee nei Albumme reviewt, an zwar deen neie vu Gojira an deen neie vun Dark Funeral.

  • Andy Rehfeldt & Candlemass

    Youtuber, deen aus Metal Lidder méi witzeg awer interessant Versioune mécht an ëmgedréit.

  • Rotten Stones Festival

    D'Organisateure vum Rotten Stones Festival am Interview a Musek vun all Band, déi do spillt.

  • Elysian Gates & Korn

    D'lescht Woch ware se am Studio fir selwer iwwert hiren neien Album ze schwätzen, haut schwätzt den David Wagner iwwert Crossroads vun Elysian Gates. Dat ass dës Kéier den Album vun der Woch.

  • Elysian Gates, Soulhenge a Bullet for my Valentine

    Et gëtt just zwou Symphonic Metal Bands zu Lëtzebuerg an eng dovunner bréngt um 21. Mee hiren neien Album eraus. An deem Kontext sinn Elysian Gates dës Kéier dem David Wagner seng Invitéen am Metal Meltdown

  • Metal Meltdown goes Wacken Open Air 2.0

  • Metal Meltdown goes Wacken Open Air

    Dës Kéier dréit sech alles ëm de Wacken. D'Highlighte vun der Editioun 2016 gi virgestallt.

Programm

  • Moies-Magazin

  • On air

    Iwwer Mëtteg

  • Resonanzen

  • Spektrum

  • Ënnerwee

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen