Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Soulfly

Release vun der Woch: Soulfly - Ritual (8/10)

Den 19. Oktober hu Soulfly hiren neien Album "Ritual" bei Nuclear Blast erausbruecht. Interessant ass, datt sech d'Band am Laf vun hirer Carrière iergendwéi ëmmer méi zu de Wuerzele vu Sepultura zréckbeweegt huet a mat der Zäit ëmmer méi Thrash Metal Elementer mat agebaut hunn. Bei "Ritual" ass dat bëssen anescht, hei ass et éischter ee Back to the Roots vu Soulfly.

Eleng den Titeltrack an Opener Ritual ass eng Kombinatioun aus typesch markante Roots, bzw Primitive a Prophecy Cavalera Momenter mat sengem ustiechende Groove a primitivem Tribal Gesang an erënnert dobäi, wéi gesot, un déi éischt Albume vu Soulfly.

Souguer déi bësse méi thrasheg an technesch Stécker, wéi z. B. "Bite the Bullet" hunn eng uerdentlech Portioun Groove um Start. "Bite the Bullet" verbënnt esou gekonnt technesch Gittar Sweeps mat perkussiven Drums a spontane Bass Linnen ... Definitiv och een Héichpunkt vum Album.

Luewenswäert ass op Ritual definitiv dem Zyon Cavalera seng Aarbecht op der Batterie. Dem Max Cavalera säi Bouf, deen zanter sechs Joer an der Band ass, spillt mat enger onvergläichbarer Loscht an Dynamik. An et fält och net ob, datt hien d'Ufäng vun der Band nach net materlieft hat a verbënnt Elementer aus all den Ärae vu Soulfly. Bescht Beispill heivir ass wuel den Track "Demonized" op deem hien dat perfekt Gläichgewiicht aus Kraaft, Technik a leidenschaftlechem Groove erreecht.

Wiem dës Approche net gefält kann eventuell awer och iwwerrascht ginn. Mam Track "Feedback" traut sech d'Band och eng éischte Kéier bëssen eng Rock n Roll Richtung anzeschloen an am Closer vum Album Soulfly XI ass esouguer bësse Saxophon ze héieren.

Mee och dat ass jo och iergendwéi bëssen Traditioun fir Soulfly. Och op fréieren Albumen huet d'Band ëmmer nees mat aneren Instrumenter a Genren experimentéiert, déi u sech net sou Metal sinn. Ech erënnere mech do spezifesch z. B. u Reggae mat Trompett um Album Prophecy..

Ech ka mech just de ville Fans uschléissen, fir déi Ritual mat dee beschte Soulfly Album zanter laangem ass. Dir héiert da lo och déi aktuell Single, "Under Rapture".

Playlist

  1. Unleashed - Death Metal Victory
  2. Opeth - Ghost Of Perdition (Live @ Red Rocks)
  3. Cellar Darling - Insomnia
  4. Skull Pit - Blood Titan
  5. Blitzkrieg - All Hell Breaks Loose
  6. Seven Thorns - Evil Within
  7. Soulfly - Under Rapture
  8. Blackdraft - Chapter 10 Fight
  9. Fusion Bomb - Powersource
  10. Atomic Rocket Seeders - New Age Role Model

Rezent Emissiounen

  • Miles To Perdition & Vader

    Miles To Perdition zielen iwwert hiert Erliefnis um Wacken an déi nei EP vu Vader gëtt reviewt.

  • Carnifex & Soilwork

    Déi nei Albumme gi virgestallt.

  • Sinsaenum & Hammers Of Misfortune

    Am Metal Meltdown huet den David Wagner haut eppes dobäi fir Frënn vum heavy Prog a vun enger vun den neie Bands vum fréiere Slipknot Drummer Joey Jordison.

  • Periphery & Witherscape

    Am Review sinn dës Kéier déi nei Albume vu Periphery a Witherscape.

  • Mindpatrol, Revocation & Deadlock

    Am Review sinn dës Kéier den neien Album vu Revocation a vun Deadlock

  • Dust Bolt & Pain of Salvation

    Dust Bolt sinn Headliner um 1. Anger Fest an der Kufa den 24. September. Den neien Album vun hinnen ass dofir dës Kéier am Review.

  • Assorted Nails: nei EP

    Mam Bob Wintersdorff geet Rieds iwwert "Zoophisticated".

  • Whitechapel & Rage

    Am Metal Meltdown gëtt et dës Woch nees zwee Reviewen: Den neien Album vu Whitechapel an deen neien Album vu Rage

  • Gojira & Dark Funeral

    Am Metal Meltdown ginn dës Kéier zwee nei Albumme reviewt, an zwar deen neie vu Gojira an deen neie vun Dark Funeral.

  • Andy Rehfeldt & Candlemass

    Youtuber, deen aus Metal Lidder méi witzeg awer interessant Versioune mécht an ëmgedréit.

  • Rotten Stones Festival

    D'Organisateure vum Rotten Stones Festival am Interview a Musek vun all Band, déi do spillt.

  • Elysian Gates & Korn

    D'lescht Woch ware se am Studio fir selwer iwwert hiren neien Album ze schwätzen, haut schwätzt den David Wagner iwwert Crossroads vun Elysian Gates. Dat ass dës Kéier den Album vun der Woch.

  • Elysian Gates, Soulhenge a Bullet for my Valentine

    Et gëtt just zwou Symphonic Metal Bands zu Lëtzebuerg an eng dovunner bréngt um 21. Mee hiren neien Album eraus. An deem Kontext sinn Elysian Gates dës Kéier dem David Wagner seng Invitéen am Metal Meltdown

  • Metal Meltdown goes Wacken Open Air 2.0

  • Metal Meltdown goes Wacken Open Air

    Dës Kéier dréit sech alles ëm de Wacken. D'Highlighte vun der Editioun 2016 gi virgestallt.

Programm

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen