Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Artillery

Release vun der Woch: Artillery - The Face Of Fear (8/10)

Et ass eng Kultband, ma si ass ferm ënnerbewäert an hunn et ni wierklech aus dem Underground erausgepackt.. Mir schwätze vun der dänscher Thrash Metal Band Artillery, déi haut hiren 9. Album The Face Of Fear erausbruecht hunn.

An deen 9. Album fiert do virun, wou d'Band op de leschten Albumen zënter hirer Reunion 2009 ënnerwee waren. Op mannst soundtechnesch, den Album gouf nämlech wéi déi lescht 4 Albume vum Soren Anderson produzéiert. Wann engem de Sound vun deenen Albumen also gutt fonn huet, wäert een och den neiste Longplayervun Artillery ze schätze wëssen.

Ma och a Punkto Songwriting kritt een op The Face Of Fear dat, wat een erwaart: energeschen, Riff-orientéierten a gutt strukturéierten, melodeschen Thrash Metal, mat enger uerdentlecher Portioun Heaviness.

Am Géigesaz zu enger ganzer Parti aneren Thrash Bands bréngen Artillery et och nach ëmmer fäerdeg alles a gesondem Mooss ze maachen. Sou fënnt een zwar wuel déi Elementer, déi ech virdru genannt hunn z. B. an de Stécker The Face Of Fear, Crossroads To Conspiracy, wat ech iech well als Single virgestallt hat, oder Sworn Utopia, ma et gëtt och genuch mid-tempo Momenter mat Tracks wié z. B. Thirst For The Worst, New Rage oder Pain; an doduerch kritt den Album genau déi richteg Dynamik fir net langweileg ze ginn.

Zousätzlech zu den 9 neie Lidder um Album huet d'Band och eng kleng Rees an d'Vergaangenheet gemaach an hunn e Stéck nei opgeholl, wat 2012 op hirem Legions Album drop war, nämlech Doctor Evil, woubäi ech de Sënn dovunner net ganz verstan hunn, well et just 5Joer hir sinn, an d'Produktioun quasi identesch ass.. Eppes wat méi Sënn mécht, dat ass de Fakt, dass se och e Lidd nei opgeholl hunn, wat op hirer alleréischter Demo am Joer 1982 drop war, nämlech Mind Of No Return.

Alles an allem ass The Face Of Fear e gudde Bewäis dofir, dass eng Band och nach no 35 Joer genuch Energie huet, e fulminanten Album voller Energie an Dynamik opzehuelen.

Playlist

Iron Maiden - The Loneliness Of The Long Distance Runner

August Burns Red - Winter Wilderness

While She Sleeps - Anti-Social

Puppy - The World Stands Still

He Is Legend - White Bat

Artillery - The Face Of Fear

Warkings - The Last Battle

Nailed To Obscurity - Black Frost

Fifth Angel - The Third Secret

 

Rezent Emissiounen

  • Miles To Perdition & Vader

    Miles To Perdition zielen iwwert hiert Erliefnis um Wacken an déi nei EP vu Vader gëtt reviewt.

  • Carnifex & Soilwork

    Déi nei Albumme gi virgestallt.

  • Sinsaenum & Hammers Of Misfortune

    Am Metal Meltdown huet den David Wagner haut eppes dobäi fir Frënn vum heavy Prog a vun enger vun den neie Bands vum fréiere Slipknot Drummer Joey Jordison.

  • Periphery & Witherscape

    Am Review sinn dës Kéier déi nei Albume vu Periphery a Witherscape.

  • Mindpatrol, Revocation & Deadlock

    Am Review sinn dës Kéier den neien Album vu Revocation a vun Deadlock

  • Dust Bolt & Pain of Salvation

    Dust Bolt sinn Headliner um 1. Anger Fest an der Kufa den 24. September. Den neien Album vun hinnen ass dofir dës Kéier am Review.

  • Assorted Nails: nei EP

    Mam Bob Wintersdorff geet Rieds iwwert "Zoophisticated".

  • Whitechapel & Rage

    Am Metal Meltdown gëtt et dës Woch nees zwee Reviewen: Den neien Album vu Whitechapel an deen neien Album vu Rage

  • Gojira & Dark Funeral

    Am Metal Meltdown ginn dës Kéier zwee nei Albumme reviewt, an zwar deen neie vu Gojira an deen neie vun Dark Funeral.

  • Andy Rehfeldt & Candlemass

    Youtuber, deen aus Metal Lidder méi witzeg awer interessant Versioune mécht an ëmgedréit.

  • Rotten Stones Festival

    D'Organisateure vum Rotten Stones Festival am Interview a Musek vun all Band, déi do spillt.

  • Elysian Gates & Korn

    D'lescht Woch ware se am Studio fir selwer iwwert hiren neien Album ze schwätzen, haut schwätzt den David Wagner iwwert Crossroads vun Elysian Gates. Dat ass dës Kéier den Album vun der Woch.

  • Elysian Gates, Soulhenge a Bullet for my Valentine

    Et gëtt just zwou Symphonic Metal Bands zu Lëtzebuerg an eng dovunner bréngt um 21. Mee hiren neien Album eraus. An deem Kontext sinn Elysian Gates dës Kéier dem David Wagner seng Invitéen am Metal Meltdown

  • Metal Meltdown goes Wacken Open Air 2.0

  • Metal Meltdown goes Wacken Open Air

    Dës Kéier dréit sech alles ëm de Wacken. D'Highlighte vun der Editioun 2016 gi virgestallt.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen